വെച്ചൂർ: അച്ചിനകം സെന്റ് ആന്റണീസ് തീർഥാടന പള്ളിയിൽ വിശുദ്ധ അന്തോനീസിന്റെ തിരുനാൾ നാളെ മുതൽ 13 വരെ നടക്കും. നാളെ വൈകുന്നേരം 4.45ന് കൊടിയേറ്റ്, വിശുദ്ധ കുർബാന ഫാ. ആന്റണി കോലഞ്ചേരി. തുടർന്ന് മരണ വാർഷികം അനുസ്മരിച്ചുള്ള ദീപക്കാഴ്ചയിൽ ഭക്തജനങ്ങൾ 795 ദീപങ്ങൾ തെളിക്കും.
തിരുശേഷിപ്പ് വണക്കദിനമായ 12നു വൈകുന്നേരം അഞ്ചിന് വിശുദ്ധ കുർബാന, നൊവേന, ആരാധന- ഫാ. പീറ്റർ കണ്ണമ്പുഴ. തുടർന്ന് തിരുശേഷിപ്പ് പ്രദക്ഷിണം. തിരുനാൾ ദിനമായ 13ന് രാവിലെ ആറിന് വിശുദ്ധ കുർബാനയെ തുടർന്ന് നേർച്ചപ്പായസം വെഞ്ചരിപ്പ്. 10.30ന് തിരുനാൾ കുർബാന ഫാ. ജോഷി കളപ്പറമ്പത്ത്. സന്ദേശം ഫാ. ഫെർണാന്റോ ജോസ്.
തുടർന്ന് നേർച്ച സദ്യ. വൈകുന്നേരം 5.30ന് വിശുദ്ധ കുർബാന, തുടർന്ന് തിരുസ്വരൂപം എടുത്തുവയ്ക്കൽ, കൊടിയിറക്ക്. തിരുനാളിനും നേർച്ച സദ്യക്കുമുള്ള ഒരുക്കങ്ങൾ പൂർത്തിയായതായി വികാരി ഫാ. ആന്റണി മംഗലത്ത്, കൈക്കാരന്മാരായ സോജി ജോർജ് പുത്തൻപുര, ലാലിച്ചൻ പുത്തൻപറമ്പ്, വൈസ് ചെയർമാൻ റോബിൻ മങ്ങാരത്തുചിറ എന്നിവർ അറിയിച്ചു.
Tags : Local News Nattuvishesham Kottayam