18

ക​ണ്ണൂ​ർ: നാ​ലി​ന് ന​ട​ക്കാ​നി​രി​ക്കു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പ് ഫ​ല​പ്ര​ഖ്യാ​പ​ന​ത്തി​ന് മു​ന്നോ​ടി​യാ​യി ജി​ല്ല​യി​ലെ പ്ര​ധാ​ന വോ​ട്ടെ​ണ്ണ​ൽ കേ​ന്ദ്ര​ങ്ങ​ളി​ൽ സു​ര​ക്ഷാ സ​ജ്ജീ​ക​ര​ണ​ങ്ങ​ൾ ക​ർ​ശ​ന​മാ​ക്കി. ചാ​ല​യി​ലെ ചി​ന്മയ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി, ത​ല​ശേ​രി ഗ​വ. ബ്ര​ണ്ണ​ൻ കോ​ള​ജ് എ​ന്നി​വി​ട​ങ്ങ​ളി​ൽ ഒ​രു​ക്കി​യി​ട്ടു​ള്ള സ്ട്രോം​ഗ് റൂ​മു​ക​ളി​ലെ സു​ര​ക്ഷാ ക്ര​മീ​ക​ര​ണ​ങ്ങ​ൾ ഉ​ന്ന​ത ഉ​ദ്യോ​ഗ​സ്ഥ സം​ഘം നേ​രി​ട്ടെ​ത്തി വി​ല​യി​രു​ത്തി.

ജി​ല്ലാ ക​ള​ക്‌​ട​ർ അ​രു​ൺ കെ. ​വി​ജ​യ​ൻ, ക​ണ്ണൂ​ർ സി​റ്റി പോ​ലീ​സ് ക​മ്മീ​ഷ​ണ​ർ പി. ​നി​ധി​ൻ​രാ​ജ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്. ത​ലശേ​രി സ​ബ് ക​ള​ക്‌​ട​ർ കാ​ർ​ത്തി​ക് പാ​ണി​ഗ്ര​ഹി, ക​ണ്ണൂ​ർ സി​റ്റി അ​ഡീ​ഷ​ണ​ൽ എ​സ്പി എ.​പി. ച​ന്ദ്ര​ൻ, ത​ല​ശേ​രി എ​എ​സ്പി ഡോ. ​എം. ന​ന്ദ​ഗോ​പ​ൻ, ഇ​ല​ക്‌ഷ​ൻ ഡെ​പ്യൂ​ട്ടി ക​ള​ക്‌​ട​ർ ഡോ. ​സി​ബി, സ്പെ​ഷ​ൽ ബ്രാ​ഞ്ച് എ​സി​പി എ.​വി. ജോ​ൺ തു​ട​ങ്ങി​യ ഉ​ന്ന​ത ഉ​ദ്യോ​ഗ​സ്ഥ​രും സ​ന്ദ​ർ​ശ​ന​ത്തി​ൽ പ​ങ്കെ​ടു​ത്തു.

വാ​ഹ​ന പാ​ർ​ക്കിം​ഗി​ന് സൗ​ക​ര്യം ഒ​രു​ക്കി

ക​ണ്ണൂ​ർ: പ​യ്യ​ന്നൂ​ർ, ക​ല്ല്യാ​ശേ​രി, ത​ളി​പ്പ​റ​മ്പ്, ഇ​രി​ക്കൂ​ർ നി​യോ​ജ​ക മ​ണ്ഡ​ല​ങ്ങ​ളു​ടെ വോ​ട്ടെ​ണ്ണ​ൽ കേ​ന്ദ്ര​മാ​യ ത​ളി​പ്പ​റ​മ്പ് സ​ർ സ​യ്യി​ദ് ഹ​യ​ർ​സെ​ക്ക​ൻ​ഡ​റി സ്‌​കൂ​ളി​ൽ വാ​ഹ​ന പാ​ർ​ക്കിം​ഗ് സൗ​ക​ര്യ​ങ്ങ​ൾ ഒ​രു​ക്കി​യ​താ​യി ആ​ർ​ഡി​ഒ അ​റി​യി​ച്ചു. വോ​ട്ടെ​ണ്ണ​ൽ കേ​ന്ദ്ര​ത്തി​ന് മു​ന്നി​ലു​ള്ള കേ​യി സാ​ഹി​ബ് ട്രെ​യി​നിം​ഗ് കോ​ള​ജ് പാ​ർ​ക്കിം​ഗ് ഗ്രൗ​ണ്ട് ഔ​ദ്യോ​ഗി​ക വാ​ഹ​ന​ങ്ങ​ൾ​ക്ക് മാ​ത്ര​മാ​യി നി​ജ​പ്പെ​ടു​ത്തി. ക​രി​മ്പം ആ​ശു​പ​ത്രി ജം​ഗ്ഷ​ൻ മു​ത​ൽ സ​ർ സ​യ്യി​ദ് ഇ​ൻ​സ്റ്റി​റ്റ്യൂ​ട്ട് വ​രെ​യു​ള്ള റോ​ഡി​ൽ സ്വ​കാ​ര്യ വാ​ഹ​ന​ങ്ങ​ൾ പ്ര​വേ​ശി​പ്പി​ക്കി​ല്ല.

പ​യ്യ​ന്നൂ​ർ, പ​ഴ​യ​ങ്ങാ​ടി ഭാ​ഗ​ത്തുനി​ന്നും ആ​ല​ക്കോ​ട് ഭാ​ഗ​ത്തുനി​ന്നും ശ്രീ​ക​ണ്ഠാ​പു​രം, ഇ​രി​ക്കൂ​ർ ഭാ​ഗ​ത്തുനി​ന്നും വ​രു​ന്ന വാ​ഹ​ന​ങ്ങ​ൾ യാ​ത്ര​ക്കാ​രെ ക​രി​മ്പം ആ​ശു​പ​ത്രി ജം​ഗ്ഷ​നി​ൽ ഇ​റ​ക്കി മ​ന്ന സ​യ്യി​ദ് ന​ഗ​റി​ലോ മ​ഴൂ​ർ പൂ​മം​ഗ​ലം റോ​ഡി​ലോ ഉള്ള പാ​ർ​ക്കിം​ഗിൽ നിർത്തണം. ക​ണ്ണ​പു​രം, ക​ല്ല്യാ​ശേ​രി ഭാ​ഗ​ത്തുനി​ന്നും മ​യ്യി​ൽ ഭാ​ഗ​ത്തുനി​ന്നും വ​രു​ന്ന വാ​ഹ​ന​ങ്ങ​ൾ യാ​ത്ര​ക്കാ​രെ സ​ർ സ​യ്യി​ദ് കോ​ള​ജി​ന് തെ​ക്ക് ഭാ​ഗ​ത്തു​ള്ള പ്ര​ധാ​ന പ്ര​വേ​ശ​ന ക​വാ​ട​ത്തി​ലൂ​ടെ സ​ർ സ​യ്യി​ദ് കോ​ള​ജി​ന് അ​ക​ത്തു​ള്ള പാ​ർ​ക്കിം​ഗ് ഗ്രൗ​ണ്ടി​ൽ പ്ര​വേ​ശി​ച്ച് വാ​ഹ​നം പാ​ർ​ക്ക് ചെ​യ്ത് യാ​ത്ര​ക്കാ​ർ സ​ർ സ​യ്യി​ദ് കോ​ള​ജി​ന് വ​ട​ക്കു ഭാ​ഗ​ത്തു​ള്ള പ്ര​വേ​ശ​ന ക​വാ​ട​ത്തി​ലൂ​ടെ ന​ട​ന്ന് വോ​ട്ടെ​ണ്ണ​ൽ കേ​ന്ദ്ര​ത്തി​ൽ എ​ത്തി​ച്ചേ​ര​ണം.
കൗ​ണ്ടിം​ഗ് ഡ്യൂ​ട്ടി​യി​ലു​ള്ള ഉ​ദ്യോ​ഗ​സ്ഥ​രു​ടെ സ്വ​കാ​ര്യ വാ​ഹ​ന​ങ്ങ​ൾ ബാ​രി​ക്കേ​ഡ് ചെ​ക്കിം​ഗ് പോ​യി​ന്‍റ് വ​ഴി സ​ർ സ​യ്യി​ദ് റോ​ഡി​ലേ​ക്ക് പ്ര​വേ​ശി​പ്പി​ച്ച് സ​ർ സ​യ്യി​ദ് ഇ​ൻ​സ്റ്റി​റ്റ്യൂ​ട്ട് ഗ്രൗ​ണ്ടി​ൽ പാ​ർ​ക്ക് ചെ​യ്യ​ണം. കൗ​ണ്ടിം​ഗ് ഡ്യൂ​ട്ടി ഉ​ദ്യോ​ഗ​സ്ഥ​രു​ടെ (വ​ര​ണാ​ധി​കാ​രി​യു​ടെ ജീ​വ​ന​ക്കാ​ർ) ഇ​രു​ച​ക്ര​വാ​ഹ​ന​ങ്ങ​ൾ ക​രി​മ്പം ബാ​രി​ക്കേ​ഡ് പോ​യി​ന്‍റി​ന് ഇ​ട​ത് വ​ശ​ത്തു​ള്ള ഒ​ഴി​ഞ്ഞ സ്ഥ​ലം, കേ​യി സാ​ഹി​ബ് ട്രെ​യി​നിം​ഗ് കോ​ള​ജി​ലെ പാ​ർ​ക്കിം​ഗ് ഗ്രൗ​ണ്ടി​നു വ​ട​ക്കു വ​ശ​ത്താ​യു​ള്ള ഒ​ഴി​ഞ്ഞ സ്ഥ​ലം, മാ​ലി​ക് ദീ​നാ​ർ ഹോ​സ്റ്റ​ൽ പ​രി​സ​രം എ​ന്നി​വി​ട​ങ്ങ​ളി​ൽ പാ​ർ​ക്ക് ചെ​യ്യ​ണം.

Tags : nattu vishesham security measures of the strong