4

ച​മ്പ​ക്കു​ളം: നാ​ല് നൂ​റ്റാ​ണ്ടി​ന്‍റെ പാ​ര​മ്പ​ര്യ​മു​ള്ള കേ​ര​ള​ക്ക​ര​യി​ലെ ആ​ദ്യ വ​ള​ളം​ക​ളി​യാ​യ മൂ​ലം ജ​ലോ​ത്സ​വ​ത്തി​ന് ക​ടു​ത്ത അ​വ​ഗ​ണ​ന​യെ​ന്ന് ആ​ക്ഷേ​പം. മി​ഥു​ന മാ​സ​ത്തി​ലെ മൂ​ലം നാ​ളി​ൽ ച​മ്പ​ക്കു​ളം പ​മ്പ​യാ​റ്റി​ൽ അ​ര​ങ്ങേ​റു​ന്ന ഈ ​ജ​ലോ​ത്സ​വ​ത്തി​ലൂ​ടെ​യാ​ണ് കേ​ര​ള​ത്തി​ലെ വ​ള്ളം​ക​ളി സീ​സ​ൺ ആ​രം​ഭി​ക്കു​ന്ന​ത്.

പ​ണ​ത്തൂ​ക്ക​ത്തി​ൽ പി​ന്നി​ൽ

ആ​ല​പ്പു​ഴ റ​വ​ന്യൂ ഡി​വി​ഷ​ണ​ൽ ഓ​ഫീ​സ​ർ ചെ​യ​ർ​മാ​നും കു​ട്ട​നാ​ട് ത​ഹ​സി​ൽ​ദാ​ർ ക​ൺ​വീ​ന​റു​മാ​യ സ​മി​തി​യാ​ണ് വ​ള്ളം​ക​ളി ഒ​രോ വ​ർ​ഷ​വും ന​ട​ത്തു​ന്ന​ത്. നെ​ടു​മു​ടി, ച​മ്പ​ക്കു​ളം പ​ഞ്ചാ​യ​ത്തു​ക​ൾ വ​ള്ളം​ക​ളി​ക്ക് സാ​മ്പ​ത്തി​ക സ​ഹാ​യം ന​ൽ​കാ​റു​ണ്ടെ​ങ്കി​ലും ദേ​വ​സ്വം ബോ​ർ​ഡ് അ​നു​വ​ദി​ക്കു​ന്ന നി​ശ്ചി​ത തു​ക മാ​ത്ര​മാ​ണ് ഉ​റ​പ്പു​ള്ള ഫ​ണ്ട്. ബാ​ക്കി തു​ക ക​മ്മി​റ്റി​ക്കാ​ർ പി​രി​ച്ചെ​ടു​ക്കു​ക​യാ​ണ് പ​തി​വ്.

സാ​മ്പ​ത്തി​ക ഞെ​രു​ക്കം മൂ​ലം മ​ത്സ​ര വ​ള്ള​ങ്ങ​ൾ​ക്ക് ബോ​ണ​സ് പോ​ലും പ​ല വ​ർ​ഷ​ങ്ങ​ളി​ലും ന​ൽ​കാ​ൻ സാ​ധി​ക്കാ​റി​ല്ല. ടൂ​റി​സം വ​കു​പ്പ് മ​റ്റ് വ​ള്ളം​ക​ളി​ക​ൾ​ക്ക് പ​ണം അ​നു​വ​ദി​ക്കാ​റു​ണ്ടെ​ങ്കി​ലും മൂ​ലം വ​ള്ളം​ക​ളി​യെ അ​വ​ഗ​ണി​ക്കു​ന്ന​താ​ണ് പ​തി​വ്.

ചാ​മ്പ്യ​ൻ​സ് ബോ​ട്ട് ലീ​ഗി​ന്‍റെ സ്വാ​ധീ​നം

വ​ള്ളം​ക​ളി​ക​ളു​ടെ ച​രി​ത്ര​വും പാ​ര​മ്പ​ര്യ​വും വി​സ്മ​രി​ക്കാ​ൻ ചാ​മ്പ്യ​ൻ​സ് ബോ​ട്ട് ലീ​ഗ് (സി​ബി​എ​ൽ) കാ​ര​ണ​മാ​യെ​ന്നാ​ണ് ആ​ക്ഷേ​പം. മു​ൻ​കാ​ല​ങ്ങ​ളി​ൽ വ​ള്ളം​ക​ളി ക​ര​ക്കാ​ർ ത​മ്മി​ലു​ള്ള മ​ത്സ​ര​മാ​യി​രു​ന്നു. എ​ന്നാ​ൽ സി​ബി​എ​ല്ലി​ന്‍റെ വ​ര​വോ​ടെ കൂ​ലി വാ​ങ്ങി ചെ​യ്യു​ന്ന ഒ​രു ജോ​ലി മാ​ത്ര​മാ​യി തു​ഴ​ച്ചി​ൽ മാ​റി. ഇ​ത് ഏ​റ്റ​വും അ​ധി​കം ബാ​ധി​ച്ച​തും മൂ​ലം വ​ള്ളം​ക​ളി പോ​ലു​ള്ള ജ​ലോ​ത്സ​വ​ങ്ങ​ളെ​യാ​ണ്. പ​ര​മ്പ​ര്യ​വും ത​നി​മ​യു​മു​ള്ള ഇ​ത്ത​രം ജ​ലോ​ത്സ​വ​ങ്ങ​ൾ പ​ഴ​യ പ്ര​താ​പ​ത്തി​ലേ​ക്ക് മ​ട​ങ്ങി​യെ​ത്താ​ൻ സ​ർ​ക്കാ​ർ സ​ഹാ​യം കൂ​ടി​യേ തീ​രൂ.

Tags : nattu vishesham There is no money row