10

പാ​ലാ: ബൈ​പാ​സ് റോ​ഡി​ല്‍ പ​ല​യി​ട​ത്തും ഗ​താ​ഗ​തം തോ​ന്നും​പ​ടി. പ്ര​ധാ​ന ബൈ​പാ​സും പാ​ലാ-​കോ​ഴാ റോ​ഡും സ​ന്ധി​ക്കു​ന്ന ആ​ര്‍വി ​ജം​ഗ്ഷ​നി​ല്‍ സു​ര​ക്ഷാ സം​വി​ധാ​ന​ങ്ങ​ളൊ​രു​ക്കാ​ന്‍ ന​ട​പ​ടി​ക​ളി​ല്ല.

ഇ​വി​ടെ ഗ​താ​ഗ​തക്കു​രു​ക്കും അ​പ​ക​ട​ങ്ങ​ളും പ​തി​വാ​കു​ക​യാ​ണ്. പാ​ലാ ടൗ​ണി​ല്‍ ഏ​റ്റ​വും കൂ​ടു​ത​ല്‍ വാ​ഹ​ന​ങ്ങ​ള്‍ ക​ട​ന്നുപോ​കു​ന്ന സ്ഥ​ല​മാ​ണ് ആ​ര്‍വി ജം​ഗ്ഷ​നെ​ന്നും ഇ​വി​ടെ പോ​ലീ​സ് സേ​വ​നം കാ​ര്യ​ക്ഷ​മ​മാ​ക്ക​ണ​മെ​ന്നും ആ​വ​ശ്യം ഉ​യ​ര്‍​ന്നു.

വീ​തി​യേ​റി​യ ബൈ​പാ​സ് റോ​ഡ് വീ​തികു​റ​ഞ്ഞ പാ​ലാ-​കോ​ഴാ റോ​ഡി​നെ മ​റി​ക​ട​ക്കു​ന്ന​ത് ര​ണ്ടു ക​യ​റ്റ​ങ്ങ​ള്‍​ക്കി​ട​യി​ലു​ള്ള ആ​ര്‍വി ​ജം​ഗ്ഷ​നി​ലൂ​ടെ​യാ​ണ്. വാ​ഹ​ന​ങ്ങ​ള്‍ ക​യ​റ്റ​മി​റ​ങ്ങി മ​റു​ഭാ​ഗ​ത്തേ​ക്ക് ക​യ​റ്റം ക​യ​റാ​നൊ​രു​ങ്ങി പോ​കു​മ്പോ​ള്‍ പാ​ലാ- കോ​ഴാ റോ​ഡി​ലൂ​ടെ വാ​ഹ​ന​ങ്ങ​ള്‍ പോ​കു​ന്ന​ത് പ​ല​പ്പോ​ഴും ശ്ര​ദ്ധ​യി​ല്‍​പ്പെ​ടി​ല്ല. നാ​ലു ഭാ​ഗ​ത്തുനി​ന്നു​മു​ള്ള വാ​ഹ​ന​ങ്ങ​ള്‍ ഇ​വി​ടെ​യ​ത്തി കു​രു​ങ്ങിക്കി​ട​ക്കു​ന്ന​തും പ​തി​വാ​കു​ന്നു.

പാ​ലാ- കോ​ഴാ റോ​ഡി​ല്‍ നി​ന്ന് വാ​ഹ​ന​ങ്ങ​ള്‍ ബൈ​പാ​സി​ലെ ര​ണ്ടു ഭാ​ഗ​ത്തേ​ക്ക് തി​രി​യു​മ്പോ​ഴും മ​റ്റു വ​ശ​ങ്ങ​ളി​ല്‍നി​ന്നു വ​രു​ന്ന വാ​ഹ​ന​ങ്ങ​ള്‍ കാ​ണാ​ന്‍ ത​ട​സ​മു​ണ്ട്. ബൈ​പാ​സ് രൂ​പ ക​ല്പ​ന ന​ട​ത്തു​മ്പോ​ള്‍ പാ​ലാ -കോ​ഴാ റോ​ഡി​ന്‍റെ മു​ക​ളി​ലൂ​ടെ മേ​ല്‍​പ്പാ​ലം തീ​ര്‍​ക്കു​വാ​ന്‍ പ​ദ്ധ​തി​യി​ട്ടി​രു​ന്നു.​പി​ന്നീ​ടിത് ഉപേ​ക്ഷി​ക്കു​ക​യാ​യി​രു​ന്നു. ബൈ​പാ​സ് സ​ജീ​വ​മാ​യ​തോ​ടെ ആ​ര്‍​വി ജം​ഗ്ഷ​നി​ലെ ഗ​താ​ഗ​തക്കു​രു​ക്കും വ​ര്‍​ധി​ച്ചു. ഇ​വി​ടെ ഗ​താ​ഗ​ത നി​യ​ന്ത്ര​ണ സം​വി​ധാ​ന​ങ്ങ​ളും സു​ര​ക്ഷാ സം​വി​ധാ​ന​ങ്ങ​ളും ഇ​ല്ലാ​ത്ത​ത് അ​പ​ക​ട സാ​ധ്യ​ത വ​ര്‍​ധി​പ്പി​ക്കു​ന്നു​ണ്ട്.

Tags : bypass nattuvisesham local news