19

കോ​ന്നി: കോ​ന്നി ടൗ​ണി​ലെ രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് പ​രി​ഹാ​രം കാ​ണാ​നാ​വാ​തെ അ​ധി​കൃ​ത​ർ ന​ട്ടം​തി​രി​യു​ന്നു. സി​ഗ്ന​ൽ ലൈ​റ്റി​ൽ പെ​ടു​ന്ന വാ​ഹ​ന​ങ്ങ​ളു​ടെ നീ​ണ്ട നി​ര​യാ​ണ് നി​ല​വി​ൽ ടൗ​ണി​ലെ പ്ര​ധാ​ന കാ​ഴ്ച. സി​ഗ്ന​ലി​ന്‍റെ ഇ​ട​തു​വ​ശ​ത്ത് റോ​ഡി​ന് ആ​വ​ശ്യ​ത്തി​ന് വീ​തി​യി​ല്ലാ​ത്ത​തും, ഈ ​ഭാ​ഗ​ത്തെ അ​ന​ധി​കൃ​ത വാ​ഹ​ന പാ​ർ​ക്കിം​ഗു​മാ​ണ് സ്ഥി​തി​ഗ​തി​ക​ൾ കൂ​ടു​ത​ൽ വ​ഷ​ളാ​ക്കു​ന്ന​ത്. ഇ​തു​മൂ​ലം സി​ഗ്ന​ൽ നോ​ക്കാ​തെ ഇ​ട​തു​ഭാ​ഗ​ത്തേ​ക്ക് തി​രി​ഞ്ഞു​പോ​കേ​ണ്ട വാ​ഹ​ന​ങ്ങ​ൾ​ക്കും മു​ന്നോ​ട്ട് പോ​കാ​നാ​വാ​തെ കു​രു​ക്കി​ൽ​പ്പെ​ടേ​ണ്ടി വ​രു​ന്നു​ണ്ട്. നി​ല​വി​ൽ കി​ലോ​മീ​റ്റ​റു​ക​ളോ​ളം നീ​ളു​ന്ന വാ​ഹ​ന​നി​ര​യാണ് രൂപപ്പെടുന്നത്. ഓ​ണ വി​പ​ണി സ​ജീ​വ​മാ​യ​തോ​ടെ ടൗ​ണി​ലെ​ത്തു​ന്ന യാ​ത്ര​ക്കാ​രാ​ണ് മ​ണി​ക്കൂ​റു​ക​ളോ​ളം നി​ര​ത്തി​ൽപെട്ട് ദു​രി​ത​ത്തി​ലാ​വു​ന്ന​ത്.

നി​യ​മ​ങ്ങ​ൾ കാ​റ്റി​ൽ​പറ​ത്തി പാ​ർ​ക്കിം​ഗും ക​യ്യേ​റ്റ​വും

റോ​ഡു​വ​ശ​ങ്ങ​ളി​ലെ​യും സി​ഗ്ന​ൽ ലൈ​റ്റു​ക​ൾ​ക്ക് തൊ​ട്ട​ടു​ത്തു​ള്ള​തു​മാ​യ അ​ശാ​സ്ത്രീ​യ പാ​ർ​ക്കിം​ഗ് അ​പ​ക​ട​സാ​ധ്യ​ത വ​ർ​ദ്ധി​പ്പി​ക്കു​ന്നു. ഓ​ട്ടോ​റി​ക്ഷ​സ്റ്റാ​ൻ​ഡ്മാ​റ്റി​സ്ഥാ​പി​ക്കു​മെ​ന്നോ സി​ഗ്ന​ൽ ക​വ​ല​യു​ടെ 50 മീ​റ്റ​ർ ചു​റ്റ​ള​വി​ൽ പാ​ർ​ക്കിം​ഗ് ത​ട​യു​മെ​ന്നോ ഉ​ള്ള​ഗ്രാ​മ​പ​ഞ്ചാ​യ​ത്തി​ന്‍റെ വാ​ഗ്ദാ​ന​ങ്ങ​ളൊ​ന്നും​ന​ട​പ്പി​ലാ​യി​ട്ടി​ല്ല. കാ​ൽ​ന​ട​യാ​ത്ര​ക്കാ​ർ​ക്കാ​യി നി​ർ​മ്മി​ച്ച ന​ട​പ്പാ​ത​ക​ൾ ഉ​ന്തു​വ​ണ്ടി​ക​ളും പെ​ട്ടി ഓ​ട്ടോ​റി​ക്ഷ​ക​ളും ക​യ്യ​ട​ക്കി​യി​രി​ക്കു​ക​യാ​ണ്. സെ​ൻ​ട്ര​ൽ ടൗ​ൺ കേ​ന്ദ്രീ​ക​രി​ച്ച് അ​ന​ധി​കൃ​ത​മാ​യി പെ​ട്ടി​ക്ക​ട​ക​ൾ ഉ​യ​ർ​ന്നു​വ​രു​ന്ന​തും ഗ​താ​ഗ​ത ത​ട​സ്സ​ത്തി​ന് ആ​ക്കം കൂ​ട്ടു​ന്നു. ഇ​ത്ത​രം പെ​ട്ടി​ക്ക​ട​ക​ൾ സ്ഥാ​പി​ക്കു​ന്ന​തി​ന് പി​ന്നി​ൽ ചി​ല രാ​ഷ്‌​ട്രീ​യ സം​ഘ​ട​ന​ക​ളു​ടെ പി​ന്തു​ണ​യു​ണ്ടെ​ന്നാ​ണ് പ്ര​ധാ​ന ആ​ക്ഷേ​പം.

ക​ച്ച​വ​ട​ക്കാ​രി​ൽ നി​ന്ന് പ്ര​ത്യേ​ക മാ​സാ​ന്ത വ​രി​സം​ഖ്യ​യും അം​ഗ​ത്വ ഫീ​സും ഈ​ടാ​ക്കി​യാ​ണ് പെ​ട്ടി​ക്ക​ട​ക​ൾ പ്ര​വ​ർ​ത്തി​ക്കാ​ൻ അ​നു​വ​ദി​ക്കു​ന്ന​തെ​ന്നും, ഇ​തി​ന് ചി​ല ഉ​ദ്യോ​ഗ​സ്ഥ​രു​ടെ ഒ​ത്താ​ശ​യു​ണ്ടെ​ന്നും പ്രാ​ദേ​ശി​ക വ്യാ​പാ​രി​ക​ൾ ആ​രോ​പി​ക്കു​ന്നു. ഓ​ണ​ത്തി​ര​ക്ക് ക​ണ​ക്കി​ലെ​ടു​ത്ത് അ​ടി​യ​ന്ത​ര​മാ​യി ഗ​താ​ഗ​ത കു​രു​ക്കി​ന് പ​രി​ഹാ​രം ക​ണ്ടി​ല്ലെ​ങ്കി​ൽ യാ​ത്ര​ക്കാ​ർ ഏ​റെ ദു​രി​ത​ത്തി​ൽ പെ​ടും.

Tags : Local News Nattuvishesham Traffic jam Konni Town