പെരിന്തൽമണ്ണ മണ്ഡലം യുഡിഎഫ് കണ്വൻഷൻ മുസ്ലിം ലീഗ് ജില്ലാ ജനറൽ സെക്രട്ടറി പി. അബ്ദുൾ ഹമീദ് ഉദ്ഘാടനം ചെയ്യുന്നു.
പെരിന്തൽമണ്ണ: വൻ ഭൂരിപക്ഷത്തോടെ വിജയിച്ച യുഡിഎഫ് ജനപ്രതിനിധികളിലൂടെ ജനപക്ഷ വികസനപദ്ധതികൾ യാഥാർഥ്യമാക്കാൻ പരിശ്രമിക്കുമെന്ന് മുസ്ലിം ലീഗ് ജില്ലാ ജനറൽ സെക്രട്ടറി പി. അബ്ദുൾ ഹമീദ്.
പെരിന്തൽമണ്ണ മണ്ഡലം യുഡിഎഫ് കണ്വൻഷൻ ഉദ്ഘാടനം ചെയ്യുകയായിരുന്നു അദ്ദേഹം. ജില്ലയിലും ജില്ലയ്ക്ക് പുറത്തും മുന്നണി നേടിയ തുല്യതയില്ലാത്ത വിജയം ജനപക്ഷ നിലപാടിനുള്ള അംഗീകാരമാണ്. ഓരോ നിയോജക മണ്ഡലങ്ങളിലെയും പ്രധാന പദ്ധതികൾ മുൻഗണനാ ക്രമത്തിൽ പൂർത്തിയാക്കാൻ നടപടികളെടുക്കുമെന്നും അദ്ദേഹം പറഞ്ഞു.
എം.എം.സക്കീർ ഹുസൈൻ അധ്യക്ഷത വഹിച്ചു.നജീബ് കാന്തപുരം എംഎൽഎ, കെപിസിസി ജനറൽ സെക്രട്ടറി വി.ബാബുരാജ്, എ.കെ. നാസർ, എസ്. അബ്ദുസലാം, സി. സുകുമാരൻ, ഉസ്മാൻ താമരത്ത്, കെ.ഇ. ഹംസ ഹാജി, എ.കെ. മുസ്തഫ, എം.ബി. ഫസൽ മുഹമ്മദ്, പച്ചീരി സുരയ്യ ഫാറൂഖ്, എം.കെ. റഫീഖ, ഷൗക്കത്ത് നാലകത്ത് എന്നിവർ പ്രസംഗിച്ചു.
Tags : Local News Nattuvishesham Malappuram