ഇടുക്കി: കന്നുകാലികളെ മാരകമായി ബാധിക്കുന്ന കുളമ്പ് വൈറസ് രോഗത്തിനെതിരേ ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി പ്രതിരോധ കുത്തിവയ്പ് ആരംഭിച്ചു. ജൂലൈ 13 വരെ കുത്തിവയ്പ് നടക്കുന്നത്. നാലു മാസത്തിനു മുകളില് പ്രായമുള്ള കന്നുകാലികള്ക്കാണ് കുത്തിവയ്പ് നല്കുന്നത്.
ആറു മാസത്തിനു മുകളില് ഗര്ഭം ഉള്ളവയെയും രോഗമുള്ള ഉരുക്കളെയും, കഴിഞ്ഞ മൂന്നു മാസത്തിനുള്ളില് കുത്തിവയ്പ് നല്കിയവയെയും ഒഴിവാക്കും. ജില്ലയില് വിവിധ സ്ക്വാഡുകളായി മൃഗസംരക്ഷണ വകുപ്പ് ജീവനക്കാര് കര്ഷക ഭവനങ്ങളും ഫാമുകളും സന്ദര്ശിച്ച് ലക്ഷ്യം പൂര്ത്തീകരിക്കും. വാക്സിനേഷന്റെ ജില്ലാതല ഉദ്ഘാടനം പഴയരിക്കണ്ടം ക്ഷീരോത്പാദക സഹകരണ സംഘത്തില് റോയി കെ.പൗലോസ് എംഎല്എ നിര്വഹിച്ചു.
കഞ്ഞിക്കുഴി പഞ്ചായത്ത് പ്രസിഡന്റ് കോമളം മോഹന്ദാസ് അധ്യക്ഷത വഹിച്ചു. ജില്ലാ പഞ്ചായത്ത് സ്റ്റാന്ഡിംഗ് കമ്മിറ്റി ചെയര്പേഴ്സണ് ഷൈനി സജി മുഖ്യപ്രഭാഷണം നടത്തി. ജില്ലാ മൃഗസംരക്ഷണ ഓഫീസര് ഇന് ചാര്ജ് ഡോ. മിനി ജോസഫ് പ്ലാങ്കാല, ജില്ലാ കോ-ഓര്ഡിനേറ്റര് ഡോ. ജോര്ജ് വർഗീസ് എന്നിവര് പ്രസംഗിച്ചു.