6

വെ​ഞ്ഞാ​റ​മൂ​ട് : ഹോ​മി​യോ​പ്പ​തി ചി​കി​ത്സ​യി​ലൂ​ടെ പ​തി​നാ​യി​ര​ക്ക​ണ​ക്കി​ന് രോ​ഗി​ക​ൾ​ക്ക് സാ​ന്ത്വ​ന​മേ​കി​യ വാ​മ​ന​പു​ര​ത്തി​ന്‍റെ ജ​ന​കീ​യ ഡോ​ക്ട​ർ ബീ​ന വി​ട​വാ​ങ്ങി. ഡോ​ക്ട​റി​ലു​പ​രി സാ​മൂ​ഹി​ക സേ​വ​ന രം​ഗ​ത്തെ നി​റ സാ​ന്നി​ധ്യം കൂ​ടി​യാ​യി​രു​ന്നു ഡോ.​ബീ​ന. പു​ല്ല​മ്പാ​റ, നെ​ല്ല​നാ​ട് ഹോ​മി​യോ ഡി​സ്പ​ൻ​സ​റി​ക​ളി​ൽ പ്ര​വ​ർ​ത്തി​ക്കു​മ്പോ​ഴാ​ണ് കൂ​ടു​ത​ൽ പ്ര​ശ​സ്തി​യി​ലേ​ക്ക് ഉ​യ​ർ​ന്ന​ത്.

നി​ല​വി​ൽ വാ​മ​ന​പു​രം പ​ഞ്ചാ​യ​ത്ത് ഹോ​മി​യോ ഡി​സ്പ​ൻ​സ​റി​യി​ലെ മെ​ഡി​ക്ക​ൽ ഓ​ഫീ​സ​റാ​യിരുന്നു. വി​വി​ധ പ്ര​ദേ​ശ​ങ്ങ​ളി​ൽ നി​ന്ന് രോ​ഗി​ക​ൾ ഡോ​ക്ട​റെ തേ​ടി​യെ​ത്തി. രോ​ഗ​കാ​ര​ണത്തി​ന്‍റെ അ​ടി​സ്ഥാ​നം ക​ണ്ടെ​ത്തി ചി​കി​ത്സി​ക്കു​ക​യാ​യി​രു​ന്നു ഡോ​ക്ട​റു​ടെ പ്ര​ത്യേ​ക​ത.

ക​ഴി​ഞ്ഞ കു​റ​ച്ചു​ദി​വ​സ​മാ​യി കാ​ൻ​സ​ർ രോ​ഗ ബാ​ധി​ത​യാ​യി ചി​കി​ത്സ​യി​ലാ​യി​രു​ന്നു. വ​ള​രെ പെ​ട്ടെ​ന്ന് ത​ന്നെ അ​സു​ഖം മൂ​ർ​ച്ഛി​ക്കു​ക​യും തി​രു​വ​ന​ന്ത​പു​രം പി​ആ​ർ​എ​സ് ഹോ​സ്പി​റ്റ​ലിൽ മ​ര​ണ​പ്പെ​ടു​ക​യും ആ​യി​രു​ന്നു.

ഭൗ​തി​ക​ദേഹം ഇ​ന്ന് രാ​വി​ലെ സ്വ​വ​സ​തി​യാ​യ ആ​റ്റി​ങ്ങ​ൽ മാ​മ​ത്തെ ല​ക്ഷ്മി​യി​ൽ പൊ​തു ദ​ർ​ശ​ന​ത്തി​ന് വ​യ്ക്കും. തു​ട​ർ​ന്ന് സം​സ്കാ​ര ച​ട​ങ്ങു​ക​ൾ ന​ട​ക്കും. രാ​ജ്കു​മാ​ർ ഭ​ർ​ത്താ​വും, ദേ​വ​നാ​രാ​യ​ണ​ൻ ഏ​ക​മ​ക​നു​മാ​ണ്.

Tags : Local News Nattuvishesham Thiruvananthapuram