23

തി​രു​വി​ല്വാ​മ​ല: ചാ​ത്ത​ൻ​സിനെ​യും നാ​ണ്വാരേ​യും വാ​യ​ന​ക്കാ​രു​ടെ മ​ന​സി​ൽ പ്ര​തി​ഷ്ഠി​ച്ച വി കെഎ​ൻ എ​ന്ന അ​തു​ല്യസാ​ഹി​ത്യ​കാ​ര​ന്‍റെ സ്മാ​ര​കം പ​ണി തീ​ർ​ന്നി​ട്ടും ഉ​ദ്ഘാ​ട​നം ചെ​യ്യാ​തെ വെ​റു​തെ കി​ട​ക്കു​ന്നു.

മ​ല​യാ​ള സാ​ഹി​ത്യ​ത്തെ വി​ശ്വ സാ​ഹി​ത്യ​ത്തി​ലേ​ക്ക് പ്ര​തി​ഷ്ഠി​ച്ച വികെഎ​ന്നി​ന്‍റെ ഓ​ർ​മ​ക​ൾ ഉ​റ​ങ്ങു​ന്ന തി​രു​വി​ല്വാ​മ​ല​യി​ലെ വ​ട​ക്കേകൂ​ട്ടാ​ല ത​റ​വാ​ട് ഇ​ന്ന് ഒ​രു ചോ​ദ്യ​ചി​ഹ്ന​മാ​യി മാ​റി​യി​രി​ക്കു​ന്നു. ആ​ധു​നി​ക​വ​ത്​ക്ക​രി​ച്ച വികെഎ​ൻ സ്മാ​ര​കം പ​ണി പൂ​ർ​ത്തി​യാ​യി മാ​സ​ങ്ങ​ൾ പി​ന്നി​ട്ടി​ട്ടും ഉ​ദ്ഘാ​ട​ന​മെ​ന്ന കൊ​ച്ചുച​ട​ങ്ങി​നാ​യി ഇ​പ്പോ​ഴും കാ​ത്തി​രി​ക്കു​ക​യാ​ണ്. കെ. ​രാ​ധാ​കൃ​ഷ്ണ​ൻ മ​ന്ത്രി​യാ​യി​രു​ന്ന കാ​ല​ത്ത് അ​നു​വ​ദി​ച്ച 50 ല​ക്ഷം രൂ​പ​യും ദീ​പ എ​സ്. നാ​യ​ർ ജി​ല്ലാ പ​ഞ്ചാ​യ​ത്ത് മെ​മ്പ​റാ​യി​രു​ന്ന​പ്പോ​ൾ ന​ൽ​കി​യ ഏഴുല​ക്ഷം രൂ​പ​യും ഉ​പ​യോ​ഗി​ച്ചാ​ണ് സ്മാ​ര​കം മ​നോ​ഹ​ര​മാ​യി മോ​ടി​പി​ടി​പ്പി​ച്ച​ത്.

സാ​ധാ​ര​ണ​യാ​യി സ​ർ​ക്കാ​ർ പ​ദ്ധ​തി​ക​ൾ ക​രാ​റു​കാ​രു​ടെ അ​നാ​സ്ഥമൂ​ലം മാ​സ​ങ്ങ​ളോ​ളം നീ​ണ്ടു​പോ​കാ​റു​ണ്ട്. എ​ന്നാ​ൽ, വികെഎ​ൻ സ്മാ​ര​ക​ത്തി​ന്‍റെ കാ​ര്യ​ത്തി​ൽ ക​ഥ മാ​റി. ക​രാ​റു​കാ​ര​ൻ തെ​ര​ഞ്ഞെ​ടു​പ്പി​നു മു​ൻ​പു​ത​ന്നെ കൃ​ത്യ​സ​മ​യ​ത്ത് പ​ണി പൂ​ർ​ത്തി​യാ​ക്കി താ​ക്കോ​ൽ കൈ​മാ​റി. എ​ങ്കി​ലും സ്മാ​ര​ക​ത്തിന്‍റെ വാ​തി​ൽ ഇ​തു​വ​രെ തു​റ​ന്നു കൊ​ടു​ത്തി​ട്ടി​ല്ല.

സ്മാ​ര​കം ആ​രാ​ണ് ഉ​ദ്ഘാ​ട​നം ചെ​യ്യു​ക, എ​പ്പോ​ൾ ചെ​യ്യും എ​ന്ന​തി​നെ​ക്കു​റി​ച്ച് സ്മാ​ര​ക സ​മി​തി​ക്കും വികെഎ​ന്‍റെ കു​ടും​ബാം​ഗ​ങ്ങ​ൾ​ക്കും നാ​ട്ടു​കാ​ർ​ക്കും ഒ​രു വി​വ​ര​വു​മി​ല്ല. ഒ​രു​പ​ക്ഷേ, മ​ല​യാ​ളസാ​ഹി​ത്യ​ത്തി​ലെ ആ​ക്ഷേ​പ​ഹാ​സ്യ​ത്തി​ന്‍റെ ത​മ്പു​രാ​നാ​യി​രു​ന്ന വികെ​എ​ൻ ജീ​വി​ച്ചി​രു​ന്നെ​ങ്കി​ൽ ത​ന്‍റെ സ്മാ​ര​ക​ത്തി​ന്‍റെ ഈ ​അ​നാ​ഥ​ത്വംക​ണ്ടു ത​ന്‍റേ​താ​യ ശൈ​ലി​യി​ൽ ഒ​ന്നു പ​രി​ഹ​സി​ച്ചേ​നെ.

എ​ഴു​ത്തു​കാ​ര​ന്‍റെ ഓ​ർ​മ​ക​ൾ​ക്ക് എ​ന്തി​നാ​ണ് ഇ​ത്ര​യും കാ​ത്തി​രി​പ്പ് എ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്. സാ​ഹി​ത്യ അ​ക്കാ​ദ​മി​യു​ടെ ഭാ​ഗ​ത്തു​നി​ന്നാ​ണ് ഇ​തി​ൽ ന​ട​പ​ടി​ക​ൾ ഉ​ണ്ടാ​കേ​ണ്ട​ത്. എ​ന്നാ​ൽ പു​തി​യ സ​ർ​ക്കാ​ർ വ​ന്ന​തോ​ടെ പ​ഴ​യ ഭാ​ര​വാ​ഹി​ക​ൾ രാ​ജി​വച്ചു. പു​തി​യ പു​നഃ​സം​ഘ​ട​ന വൈ​കു​ന്നു. ഇ​തോ​ടെ അ​ക്കാ​ദ​മി​യി​ൽ നാ​ഥ​നി​ല്ലാ​ത്ത അ​വ​സ്ഥ​യാ​യി.

സാ​ഹി​ത്യ​കാ​ര​ൻ ത​ന്‍റെ തൂ​ലി​ക​ത്തു​മ്പു​കൊ​ണ്ട് മ​ല​യാ​ളി​യു​ടെ ചി​ന്ത​ക​ളെ ഉ​ണ​ർ​ത്തി​യ വ​ട​ക്കേ കൂ​ട്ടാ​ല ത​റ​വാ​ടി​ന്‍റെ മു​റ്റ​ത്ത് ആ ​പ്ര​തി​ഭ​യു​ടെ സ്മാ​ര​കം ഇ​ന്ന് ഉ​ദ്ഘാ​ട​നം എ​ന്ന വാ​ക്കി​ന്‍റെ മ​തി​ൽ​ക്കെ​ട്ടി​നു​ള്ളി​ൽ ത​ട​വി​ലാ​ക്ക​പ്പെ​ട്ടി​രി​ക്കു​ന്നു. ഈ ​സ്മാ​ര​കം വെ​റു​മൊ​രു കെ​ട്ടി​ട​മ​ല്ല, മ​ല​യാ​ള ഭാ​ഷ​യു​ടെ ഒ​രു വ​ലി​യ അ​ധ്യാ​യ​മാ​ണ്. അ​ധി​കൃ​ത​ർ ഇ​നി​യെ​ങ്കി​ലും ക​ണ്ണു​തു​റ​ന്നാ​ൽ ഈ ​സ്മാ​ര​കം വാ​യ​ന​ക്കാ​ർ​ക്കും ആ​രാ​ധ​ക​ർ​ക്കും വേ​ണ്ടി തു​റ​ന്നുകൊ​ടു​ക്കാ​ം.

Tags : renovation Nattuvishesham district news