29

എ​ട​ക്ക​ര: രൂ​ക്ഷ​മാ​യ വ​ന്യ​മൃ​ഗ ശ​ല്യ​ത്തെ​ത്തു​ട​ർ​ന്ന് നീ​ല​ഗി​രി ജി​ല്ല​യി​ലെ ഗൂ​ഢ​ല്ലൂ​ർ, പ​ന്ത​ല്ലൂ​ർ താ​ലൂ​ക്കു​ക​ളി​ൽ പ്ര​ഖ്യാ​പി​ച്ച 48 മ​ണി​ക്കൂ​ർ ഹ​ർ​ത്താ​ൽ സ​ന്പൂ​ർ​ണ​മാ​യി. കാ​ട്ടാ​ന, ക​ടു​വ തു​ട​ങ്ങി​യ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ൽ മ​നു​ഷ്യ​ജീ​വ​നു​ക​ൾ പൊ​ലി​യു​ന്ന സാ​ഹ​ച​ര്യ​ത്തി​ലാ​ണ് വി​വി​ധ രാ​ഷ‌്ട്രീ​യ ക​ക്ഷി​ക​ളു​ടെ​യും വ്യാ​പാ​രി​ക​ളു​ടെ​യും പൊ​തു​ജ​ന​ങ്ങ​ളു​ടെ​യും സ​ഹ​ക​ര​ണ​ത്തോ​ടെ 48 മ​ണി​ക്കൂ​ർ ഹ​ർ​ത്താ​ൽ പ്ര​ഖ്യാ​പി​ച്ച​ത്.

വ്യാ​ഴാ​ഴ്ച ആ​രം​ഭി​ച്ച ഹ​ർ​ത്താ​ൽ വെ​ള്ളി​യാ​ഴ്ച വൈ​കു​ന്നേ​രം വ​രെ പൂ​ർ​ണ​മാ​യി​രു​ന്നു. ക​ട​ക​ന്പോ​ള​ങ്ങ​ളും ഓ​ഫീ​സു​ക​ളും അ​ട​ഞ്ഞു​കി​ട​ന്നു. തേ​യി​ല​ത്തോ​ട്ട​ങ്ങ​ളും തേ​യി​ല ഫാ​ക്ട​റി​ക​ളും പെ​ട്രോ​ൾ പ​ന്പു​ക​ളും പ്ര​വ​ർ​ത്തി​ച്ചി​ല്ല. ഹോ​ട്ട​ലു​ക​ൾ പോ​ലും തു​റ​ന്ന് പ്ര​വ​ർ​ത്തി​ച്ചി​ല്ല.

കേ​ര​ള​ത്തി​ൽനി​ന്നു​ള്ള വാ​ഹ​ന​ങ്ങ​ളോ​ട് ഹ​ർ​ത്താ​ലി​ൽ സ​ഹ​ക​രി​ക്ക​ണ​മെ​ന്ന് സാ​മൂ​ഹി​ക മാ​ധ്യ​മ​ങ്ങ​ൾ വ​ഴി അ​റി​യി​പ്പു​ണ്ടാ​യി​രു​ന്നു. ഇ​തി​നു പു​റ​മേ ത​മി​ഴ്നാ​ട്ടി​ലേ​ക്കു​ള്ള യാ​ത്ര​ക​ൾ ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് മ​ല​പ്പു​റം ക​ള​ക്‌ട​റു​ടെ​യും അ​റി​യി​പ്പു​ണ്ടാ​യി​രു​ന്നു.

എ​ന്നാ​ൽ ഹ​ർ​ത്താ​ലി​ന്‍റെ വി​വ​ര​മ​റി​യാ​തെ നി​ര​വ​ധി വാ​ഹ​ന​ങ്ങ​ളാ​ണ് ഓ​ണാ​വ​ധി​യാ​യ​തി​നാ​ൽ കേ​ര​ള​ത്തി​ൽനി​ന്ന് ത​മി​ഴ്നാ​ട് ക​യ​റി​യ​ത്. വ്യാ​ഴാ​ഴ്ച വൈ​കി​ട്ട് കേ​ര​ള​ത്തി​ൽനി​ന്ന് നാ​ടു​കാ​ണി​യി​ലെ​ത്തി​യ വാ​ഹ​ന​ങ്ങ​ൾ​ക്ക് നേ​രേ ക​ല്ലേ​റും അ​ക്ര​മ​വു​മു​ണ്ടാ​യി. ഇ​തേ​ത്തു​ട​ർ​ന്ന് കേ​ര​ള പൊ​ലി​സ് വ​ഴി​ക്ക​ട​വ് ആ​ന​മ​റി​യി​ൽ ത​മി​ഴ്നാ​ട്, ക​ർ​ണാ​ട​ക സം​സ്ഥാ​ന​ങ്ങ​ളി​ലേ​ക്കു​ള്ള വാ​ഹ​ന​യാ​ത്ര​ക്കാ​രെ ത​ട​ഞ്ഞ് മ​ട​ക്കി​വി​ടു​ക​യും ചെ​യ്തു.

വ​ന്യ​മൃ​ഗ ശ​ല്യം മൂ​ലം ദു​രി​ത​ത്തി​ലാ​യ ഗൂ​ഢ​ല്ലൂ​രി​ലെ ജ​ന​ങ്ങ​ളു​ടെ സ​മ​രം വി​ജ​യി​ക്ക​ണ​മെ​ങ്കി​ൽ മ​ല​യാ​ളി​ക​ളു​ടെ സ​ഹ​ക​ര​ണം ആ​വ​ശ്യ​മാ​ണെ​ന്നും അ​വ​ർ പ​റ​ഞ്ഞു. ഒ​രാ​ഴ്ചയ്ക്കി​ടെ ര​ണ്ട് പേ​രാ​ണ് ഗൂ​ഢ​ല്ലൂ​ർ താ​ലൂ​ക്കി​ൽ ന​ര​ഭോ​ജി ക​ടു​വ​യു​ടെ ഇ​ര​ക​ളാ​യ​ത്. സ​മ​രം ന​ട​ക്കു​ന്ന വ്യാ​ഴാ​ഴ്ച ഗൂ​ഢ​ല്ലൂ​ർ ടൗ​ണി​ൽ വ​രെ കാ​ട്ടാ​ന​ക​ളെ​ത്തി​യി​രു​ന്നു. വ​ന്യ​മൃ​ഗ ശ​ല്യം​മൂ​ലം നീ​ല​ഗി​രി താ​ലൂ​ക്കി​ൽ ജ​ന​ജീ​വി​തം ദു​ഃസ​ഹ​മാ​യ സാ​ഹ​ച​ര്യ​ത്തി​ലാ​ണ് എ​ല്ലാ​വ​രു​ടെ​യും സ​ഹ​ക​ര​ണ​ത്തോ​ടെ 48 മ​ണി​ക്കൂ​ർ ഹ​ർ​ത്താ​ൽ ന​ട​ത്തി​യ​ത്.

Tags : Nattuvishesham DistrictNews DeepikaNews Wild animal