10

നി​ല​ന്പൂ​ർ: ചാ​ലി​യാ​ർ പ​ഞ്ചാ​യ​ത്തി​ലെ മൂ​ലേ​പ്പാ​ട​ത്ത് കാ​ട്ടാ​ന​യി​റ​ങ്ങി വ്യാ​പ​ക​മാ​യി കൃ​ഷി ന​ശി​പ്പി​ച്ചു. ഇ​ന്ന​ലെ പു​ല​ർ​ച്ചെ മൂ​ലേ​പ്പാ​ടം-​അ​ര​യാ​ട് എ​സ്റ്റേ​റ്റ് ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ലേ​ക്ക് പോ​യ ടാ​പ്പിം​ഗ് തൊ​ഴി​ലാ​ളി​ക​ൾ കാ​ട്ടാ​ന​യു​ടെ മു​ന്നി​ൽ​പ്പെ​ട്ടു. തു​ട​ർ​ന്ന് ബൈ​ക്കി​ൽ നി​ന്നി​റ​ങ്ങി ഓ​ടി​യാ​ണ് ഇ​വ​ർ ര​ക്ഷ​പ്പെ​ട്ട​ത്.

മൂ​ലേ​പ്പാ​ട​ത്തെ പ​ട​വി​ൽ ജോ​ഷി​യു​ടെ വീ​ടി​ന് സ​മീ​പ​മു​ള്ള കൃ​ഷി​യി​ട​ത്തി​ലെ നൂ​റി​ലേ​റെ വാ​ഴ​ക​ൾ കാ​ട്ടാ​ന ന​ശി​പ്പി​ച്ചു. നി​ല​ന്പൂ​ർ-​നാ​യാ​ടം​പൊ​യി​ൽ മ​ല​യോ​ര റോ​ഡി​ലാ​ണ് പു​ല​ർ​ച്ചെ കാ​ട്ടാ​ന ഭീ​തി പ​ര​ത്തി​യ​ത്. ക​ഴി​ഞ്ഞ ദി​വ​സം പെ​രു​വ​ന്പാ​ടം ന​ഗ​റി​ലെ ആ​ദി​വാ​സി​യാ​യ ഗി​രീ​ഷി​നെ പ​ട്ടാ​പ്പ​ക​ൽ ആ​ക്ര​മി​ച്ച മോ​ഴ​യാ​ന​യാ​ണ് വീ​ണ്ടു​മെ​ത്തി​യ​ത്. നി​ര​വ​ധി ടാ​പ്പിം​ഗ് തൊ​ഴി​ലാ​ളി​ക​ൾ ഉ​ൾ​പ്പെ​ടെ സ​ഞ്ച​രി​ക്കു​ന്ന റോ​ഡാ​ണി​ത്. പെ​രു​വ​ന്പാ​ടം വ​ന​മേ​ഖ​ല​യി​ൽ നി​ന്ന് കു​റു​വ​ൻ​പു​ഴ ക​ട​ന്ന് പു​ല​ർ​ച്ചെ നാ​ലോ​ടെ എ​ത്തി​യ കാ​ട്ടാ​ന രാ​വി​ലെ ആ​റോ​ടെ​യാ​ണ് റോ​ഡി​ലൂ​ടെ 300 മീ​റ്റ​റി​ലേ​റെ സ​ഞ്ച​രി​ച്ച​ശേ​ഷം കു​റു​വ​ൻ​പു​ഴ ക​ട​ന്ന് പെ​രു​വ​ന്പാ​ടം വ​ന​ത്തി​ലേ​ക്ക് ത​ന്നെ മ​ട​ങ്ങി​യ​ത്.

മോ​ഴ​യാ​ന ഉ​ൾ​പ്പെ​ടെ നാ​ല് ആ​ന​ക​ളാ​ണ് പെ​രു​വ​ന്പാ​ടം വ​ന​ത്തി​ൽ നി​ല​യു​റ​പ്പി​ച്ചി​രി​ക്കു​ന്ന​ത്. പ​ന്തീ​രാ​യി​രം, മൂ​വാ​യി​രം വ​ന​മേ​ഖ​ല​ക​ൾ, എ​ട​ക്കോ​ട് തേ​ക്ക് പ്ലാ​ന്‍റേ‍​ഷ​ൻ എ​ന്നി​വി​ട​ങ്ങ​ളി​ൽ നി​ന്നാ​ണ് കാ​ട്ടാ​ന​ക​ൾ മൂ​ലേ​പ്പാ​ടം ഭാ​ഗ​ത്തേ​ക്ക് എ​ത്തു​ന്ന​ത്. നൂ​റി​ലേ​റെ കു​ടി​യേ​റ്റ ക​ർ​ഷ​ക​ർ താ​മ​സി​ക്കു​ന്ന മൂ​ലേ​പ്പാ​ടം, ത​റ​മു​റ്റം ഭാ​ഗ​ങ്ങ​ളി​ലെ​യും പെ​രു​വ​ന്പാ​ട​ത്തെ ആ​ദി​വാ​സി കു​ടും​ബ​ങ്ങ​ൾ ഉ​ൾ​പ്പെ​ടെ നൂ​റ്റ​ന്പ​തി​ലേ​റെ കു​ടും​ബ​ങ്ങ​ളും കാ​ട്ടാ​ന ഭീ​തി​യി​ലാ​ണ്. ശ​ല്യ​ക്കാ​രാ​യ ആ​ന​ക​ളെ വ​നം​വ​കു​പ്പ് അ​ടി​യ​ന്ത​ര​മാ​യി പ​ന്തീ​രാ​യി​രം ഉ​ൾ​വ​ന​ത്തി​ലേ​ക്ക് ക​യ​റ്റി​വി​ട്ടാ​ൽ മാ​ത്ര​മേ ഈ ​മേ​ഖ​ല​യി​ലെ കാ​ട്ടാ​ന ഭീ​തി​ക്ക് പ​രി​ഹാ​ര​മാ​കൂ. ന​ട​പ​ടി​യാ​ണാ​വ​ശ്യം.

Tags : Wild Elephant Attack NattuVishesham DistrictNews