കാഞ്ഞങ്ങാട്: ലോറിയിൽ നിന്ന് ഇറക്കുന്നതിനിടെ മാർബിൾ പലക ദേഹത്തുവീണ് തൊഴിലാളി മരിച്ചു. മധ്യപ്രദേശിലെ രഘുനാഥ്പൂർ സ്വദേശി ദേവേന്ദ്രകുമാർ (ബണ്ടി- 31) ആണ് മരിച്ചത്. ഒപ്പമുണ്ടായിരുന്ന രാജസ്ഥാൻ സ്വദേശി തേജ് റാമിനെ പരിക്കുകളോടെ മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചു.
ഇന്നലെ ഉച്ചകഴിഞ്ഞ് രണ്ടോടെയായിരുന്നു സംഭവം. ബംഗളൂരുവിൽ നിന്ന് കൊണ്ടുവന്ന മാർബിൾ മീനാപ്പീസ് ഹദ്ദാദ് നഗറിൽ നിർമാണം നടക്കുന്ന വീടിനുമുന്നിൽ ഇറക്കുന്നതിനിടയിൽ ക്രെയിൻ പൊട്ടി മാർബിൾ പലക ദേഹത്ത് വീഴുകയായിരുന്നു. ഉടൻ തന്നെ കാഞ്ഞങ്ങാട്ടെ സ്വകാര്യാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഗുരുതരമായി പരിക്കേറ്റ തേജ് റാം അപകടനില തരണം ചെയ്തതായി ഡോക്ടർമാർ അറിയിച്ചു.
Tags : Worker dies