26

ഹ​രി​പ്പാ​ട്: പാ​സി​ല്ലാ​തെ സ​ർ​വീ​സ് ന​ട​ത്തി​യ ടോ​റ​സ് ലോ​റി പോ​ലീ​സ് പി​ടി​കൂ​ടാ​ൻ കാ​ര​ണം യു​വാ​വാ​ണെ​ന്ന മു​ൻ​വൈ​രാ​ഗ്യ​ത്തി​ൽ അ​ഞ്ചം​ഗ​സം​ഘ​ത്തി​ന്‍റെ ക്രൂ​ര​മാ​യ ആ​ക്ര​മ​ണം. മ​ർ​ദ​ന​ത്തി​ൽ പ​രി​ക്കേ​റ്റ തൃ​ക്കു​ന്ന​പ്പു​ഴ പ​ല്ല​ന ചി​റ​ക്കു​ഴി​യി​ൽ അ​രു​ൺ ച​ന്ദ്ര​ന്‍റെ (33) ഇ​ട​തു കാ​ൽ​പ്പാ​ദ​ത്തി​ന് മാ​ര​ക​മാ​യി പ​രി​ക്കേ​ൽ​ക്കു​ക​യും അ​സ്ഥി ത​ക​രു​ക​യും ചെ​യ്തു. ആ​ക്ര​മ​ണ​ത്തി​നി​ട​യി​ൽ യു​വാ​വി​ന്‍റെ ര​ണ്ടു പ​വ​ന്‍റെ സ്വ​ർ​ണ​മാ​ല​യും ഐ​ഫോ​ണും ന​ഷ്ട​പ്പെ​ട്ട​താ​യും പ​രാ​തി​യു​ണ്ട്. സം​ഭ​വ​വു​മാ​യി ബ​ന്ധ​പ്പെ​ട്ട് പ​ല്ല​ന സ്വ​ദേ​ശി ര​ഞ്ജി​ത്ത് ഉ​ൾ​പ്പെ​ടെ ക​ണ്ടാ​ല​റി​യാ​വു​ന്ന അ​ഞ്ചു പേ​ർ​ക്കെ​തി​രേ ഹ​രി​പ്പാ​ട് പോ​ലീ​സ് കേ​സെ​ടു​ത്തു.

ബു​ധ​നാ​ഴ്ച രാ​ത്രി ഒ​മ്പ​ത​ര​യോ​ടെ ക​രു​വാ​റ്റ-​കു​മാ​ര​കോ​ടി റോ​ഡി​ൽ മം​ഗ്ലാ​വി​ൽ പാ​ല​ത്തി​നു കി​ഴ​ക്കു​വ​ശ​ത്താ​യി​രു​ന്നു സം​ഭ​വം. അ​രു​ൺ ച​ന്ദ്ര​ൻ റോ​ഡ​രി​കി​ൽ ബൈ​ക്കി​ൽ നി​ൽ​ക്കു​മ്പോ​ൾ ര​ണ്ട‌ു ബൈ​ക്കു​ക​ളി​ലാ​യെ​ത്തി​യ പ്ര​തി​ക​ൾ അ​രു​ണി​ന്‍റെ വാ​ഹ​ന​ത്തി​ൽ ഇ​ടി​ച്ചു വീ​ഴ്ത്തു​ക​യാ​യി​രു​ന്നു. തു​ട​ർ​ന്ന് ഒ​ന്നാം പ്ര​തി​യാ​യ ര​ഞ്ജി​ത്തി​ന്‍റെ നേ​തൃ​ത്വ​ത്തി​ൽ ബൈ​ക്കി​ന്‍റെ ഇ​രു​മ്പ് ഷോ​ക്ക് അ​ബ്സോ​ർ​ബ​ർ ഉ​പ​യോ​ഗി​ച്ച് അ​രു​ണി​നെ ക്രൂ​ര​മാ​യി മ​ർ​ദി​ച്ചു. അ​ടി​യേ​റ്റ് നി​ല​ത്തു​വീ​ണ യു​വാ​വ് ഓ​ടി ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും പ്ര​തി​ക​ൾ പി​ന്തു​ട​ർ​ന്ന് വീ​ണ്ടും ആ​ക്ര​മി​ക്കു​ക​യാ​യി​രു​ന്നു.

ഈ ​സം​ഘ​ർ​ഷ​ത്തി​നി​ട​യി​ലാ​ണ് ല​ക്ഷ​ങ്ങ​ൾ വി​ല​മ​തി​ക്കു​ന്ന സ്വ​ർ​ണ​മാ​ല​യും മൊ​ബൈ​ൽ ഫോ​ണും ന​ഷ്ട​പ്പെ​ട്ട​ത്. ഒ​ന്നാം പ്ര​തി ര​ഞ്ജി​ത്തി​ന്‍റെ ഉ​ട​മ​സ്ഥ​ത​യി​ലു​ള്ള ടോ​റ​സ് ലോ​റി നി​യ​മ​വി​രു​ദ്ധ​മാ​യി ലോ​ഡു​മാ​യി വ​ന്ന​ത് ക​ഴി​ഞ്ഞ ദി​വ​സം തൃ​ക്കു​ന്ന​പ്പു​ഴ പോ​ലീ​സ് പി​ടി​കൂ​ടി​യി​രു​ന്നു. ഈ ​വ​ണ്ടി പി​ടി​കൂ​ടാ​ൻ പോ​ലീ​സി​ന് ര​ഹ​സ്യ​വി​വ​രം ന​ൽ​കി​യ​ത് അ​രു​ൺ ച​ന്ദ്ര​ൻ ആ​ണെ​ന്ന പ്ര​തി​ക​ളു​ടെ സം​ശ​യ​മാ​ണ് അ​ക്ര​മ​ത്തി​ന് കാ​ര​ണ​മെ​ന്ന് പോ​ലീ​സ് പ​റ​ഞ്ഞു. സം​ഭ​വ​ത്തി​ൽ ഹ​രി​പ്പാ​ട് പോ​ലീ​സ് തു​ട​ര​ന്വേ​ഷ​ണം ന​ട​ത്തി​വ​രി​ക​യാ​ണ്.

Tags : seizure of a lorry Nattuvishesham Districte news