19

ടെ​ഹ്‌​റാ​ൻ: ലോ​ക​ത്തി​ലെ ഏ​റ്റ​വും ത​ന്ത്ര​പ്ര​ധാ​ന​മാ​യ ക​പ്പ​ൽ​പ്പാ​ത​ക​ളി​ൽ ഒ​ന്നാ​യ ഹോ​ർ​മു​സ് ക​ട​ലി​ടു​ക്കി​ൽ ക​ടു​ത്ത നി​യ​ന്ത്ര​ണ​ങ്ങ​ളും ടോ​ളും ഏ​ർ​പ്പെ​ടു​ത്തി ഇ​റാ​ൻ. ഹോ​ർ​മു​സ് ക​ട​ലി​ടു​ക്കി​ലൂ​ടെ​യു​ള്ള ക​പ്പ​ലു​ക​ളു​ടെ സ​ഞ്ചാ​രം നി​യ​ന്ത്രി​ക്കു​ന്ന​തി​നാ​യി പേ​ർ​ഷ്യ​ൻ ഗ​ൾ​ഫ് സ്ട്രൈ​റ്റ് അ​തോ​റി​റ്റി എ​ന്ന പു​തി​യ സം​വി​ധാ​ന​ത്തി​ന് ഇ​റാ​ൻ രൂ​പം ന​ൽ​കി. ഇ​തോ​ടെ, ഈ ​പാ​ത​യി​ലൂ​ടെ ക​ട​ന്നു​പോ​കു​ന്ന ക​പ്പ​ലു​ക​ൾ ഇ​നി മു​ത​ൽ മു​ൻ​കൂ​ർ അ​നു​മ​തി വാ​ങ്ങു​ക​യും ടോ​ൾ ന​ൽ​കു​ക​യും വേ​ണം.

ലോ​ക​ത്തെ എ​ണ്ണ വി​ത​ര​ണ​ത്തി​ന്‍റെ അ​ഞ്ചി​ലൊ​ന്ന് ഭാ​ഗ​വും ക​ട​ന്നു​പോ​കു​ന്ന ഈ ​പാ​ത​യി​ൽ ഇ​റാ​ൻ പി​ടി​മു​റു​ക്കു​ന്ന​ത് ആ​ഗോ​ള വി​പ​ണി​യി​ൽ വ​ലി​യ ച​ല​ന​ങ്ങ​ൾ ഉ​ണ്ടാ​ക്കി​യേ​ക്കാം. ഷി​പ്പിം​ഗ് ജേ​ണ​ലാ​യ 'ലോ​യ്ഡ്സ് ലി​സ്റ്റ്' റി​പ്പോ​ർ​ട്ട് ചെ​യ്യു​ന്ന​ത​നു​സ​രി​ച്ച്, ഹോ​ർ​മു​സ് ക​ട​ലി​ടു​ക്ക് വ​ഴി ക​ട​ന്നു​പോ​കാ​ൻ ആ​ഗ്ര​ഹി​ക്കു​ന്ന ക​പ്പ​ലു​ക​ൾ 'വെ​സ്സ​ൽ ഇ​ൻ​ഫ​ർ​മേ​ഷ​ൻ ഡി​ക്ല​റേ​ഷ​ൻ' എ​ന്ന ഫോം ​പൂ​രി​പ്പി​ച്ചു ന​ൽ​ക​ണം. ഇ​തി​ൽ ക​പ്പ​ലി​നെ​ക്കു​റി​ച്ചു​ള്ള 40-ല​ധി​കം വി​വ​ര​ങ്ങ​ൾ ന​ൽ​കേ​ണ്ട​തു​ണ്ട്:

ഉ​ട​മ​സ്ഥാ​വ​കാ​ശം: ക​പ്പ​ലി​ൻ്റെ ഉ​ട​മ​ക​ൾ, ഇ​ൻ​ഷു​റ​ൻ​സ് വി​വ​ര​ങ്ങ​ൾ.

ജീ​വ​ന​ക്കാ​ർ: ക​പ്പ​ലി​ലെ ജീ​വ​ന​ക്കാ​രു​ടെ ദേ​ശീ​യ​ത ഉ​ൾ​പ്പെ​ടെ​യു​ള്ള വി​വ​ര​ങ്ങ​ൾ.

യാ​ത്ര: ക​പ്പ​ൽ എ​വി​ടെ നി​ന്ന് വ​രു​ന്നു, എ​ങ്ങോ​ട്ട് പോ​കു​ന്നു, സ​ഞ്ചാ​ര​പ​ഥം തു​ട​ങ്ങി​യ​വ.

ആ​ർ​ക്കൊ​ക്കെ അ​നു​മ​തി ല​ഭി​ക്കും?

അ​മേ​രി​ക്ക​യു​മാ​യു​ള്ള ത​ർ​ക്കം നി​ല​നി​ൽ​ക്കു​ന്ന പ​ശ്ചാ​ത്ത​ല​ത്തി​ൽ, അ​മേ​രി​ക്ക​ൻ ഉ​പ​രോ​ധ​ങ്ങ​ളെ പി​ന്തു​ണ​യ്ക്കു​ന്ന രാ​ജ്യ​ങ്ങ​ൾ​ക്ക് ഈ ​പാ​ത​യി​ലൂ​ടെ​യു​ള്ള യാ​ത്ര ദു​ഷ്ക​ര​മാ​കു​മെ​ന്ന് ഇ​റാ​ൻ സൈ​നി​ക ഉ​ദ്യോ​ഗ​സ്ഥ​ർ മു​ന്ന​റി​യി​പ്പ് ന​ൽ​കി.

ഇ​ന്ത്യ​യും പാ​കി​സ്താ​നും ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ൾ ത​ങ്ങ​ളു​ടെ ക​പ്പ​ലു​ക​ളു​ടെ സു​ര​ക്ഷി​ത​മാ​യ യാ​ത്ര​യ്ക്കാ​യി ഇ​റാ​നു​മാ​യി ച​ർ​ച്ച​ക​ൾ ന​ട​ത്തി​യി​ട്ടു​ണ്ട്. ഈ ​രാ​ജ്യ​ങ്ങ​ളു​ടെ ക​പ്പ​ലു​ക​ൾ​ക്ക് പ്ര​ത്യേ​ക അ​നു​മ​തി ല​ഭി​ച്ചേ​ക്കു​മെ​ന്നാ​ണ് സൂ​ച​ന.

അ​മേ​രി​ക്ക​യോ ഇ​സ്ര​യേ​ലോ ആ​യി ബ​ന്ധ​മു​ള്ള ക​പ്പ​ലു​ക​ളെ ഈ ​വ​ഴി ക​ട​ത്തി​വി​ടി​ല്ലെ​ന്ന് ഇ​റാ​ൻ നേ​ര​ത്തെ ത​ന്നെ വ്യ​ക്ത​മാ​ക്കി​യി​ട്ടു​ണ്ട്.

Tags : Hormuz Iran Latest News