2

ടോ​ക്കി​യോ: ക​ര​ടി​ശ​ല്യ​ത്തി​ൽ വ​ല​യു​ന്ന ജ​പ്പാ​ൻ എ​ഐ, ഡ്രോ​ൺ സാ​ങ്കേ​തി​ക​വി​ദ്യ​ക​ളെ​യും ഉ​പ​യോ​ഗ​പ്പെ​ടു​ത്തു​ന്നു. വി​ള​ക​ളും ഗ്രാ​മ​ങ്ങ​ളും സം​ര​ക്ഷി​ക്കു​ന്ന​തി​നാ​യി, ക​ര​ടി​ക​ളെ ഭ​യ​പ്പെ​ടു​ത്തി ഓ​ടി​ക്കാ​ൻ ചെ​ന്നാ​യ്ക്ക​ളു​ടെ ഓ​ലി​യി​ട​ൽ ശ​ബ്‌​ദം അ​നു​ക​രി​ക്കു​ന്ന ‘’മോ​ൺ​സ്റ്റ​ർ ഉ​ൾ​ഫ്’’ റോ​ബോ​ട്ടു​ക​ളെ​വ​രെ രം​ഗ​ത്തി​റ​ക്കി​യി​ട്ടു​ണ്ട്. 2025 ഏ​പ്രി​ലി​നും 2026 മാ​ർ​ച്ചി​നും ഇ​ട​യി​ൽ ജ​പ്പാ​നി​ൽ ക​ര​ടി​ക​ളു​ടെ ആ​ക്ര​മ​ണ​ത്തി​ൽ 13 പേ​ർ മ​രി​ക്കു​ക​യും 220ല​ധി​കം പേ​ർ​ക്കു പ​രി​ക്കേ​ൽ​ക്കു​ക​യും ചെ​യ്തു. മു​ൻ​വ​ർ​ഷ​ത്തെ അ​പേ​ക്ഷി​ച്ച് (മൂ​ന്നു മ​ര​ണം, 82 പേ​ർ​ക്കു പ​രി​ക്ക്) വ​ലി​യ വ​ർ​ധ​ന​വാ​ണി​ത്.

ക​ര​ടി​ക​ൾ കൂ​ടു​ത​ൽ ഭ​ക്ഷ​ണം തി​ര​യു​ന്ന ശ​ര​ത്കാ​ലം അ​ടു​ത്തെ​ത്തി​യ​തോ​ടെ അ​ധി​കൃ​ത​ർ ജാ​ഗ്ര​ത​യി​ലാ​ണ്. ര​ണ്ടാം ലോ​ക​മ​ഹാ​യു​ദ്ധ​ത്തി​നു​ശേ​ഷം ല​ക്ഷ​ക്ക​ണ​ക്കി​ന് ചെ​റു​പ്പ​ക്കാ​ർ ന​ഗ​ര​ങ്ങ​ളി​ലേ​ക്കു ചേ​ക്കേ​റി​യ​തോ​ടെ ഗ്രാ​മീ​ണ​മേ​ഖ​ല​ക​ളി​ൽ ആ​ളു​ക​ൾ കു​റ​ഞ്ഞ​താ​ണ് ഈ ​പ്ര​ശ്ന​ത്തി​ന്‍റെ പ്ര​ധാ​ന കാ​ര​ണം. വേ​ട്ട​യാ​ട​ൽ നി​യ​ന്ത്ര​ണ​ങ്ങ​ളും വേ​ട്ട​ക്കാ​രു​ടെ കു​റ​വും കാ​ര​ണം രാ​ജ്യ​ത്തെ ര​ണ്ടു പ്ര​ധാ​ന ക​ര​ടി​വ​ർ​ഗ​ങ്ങ​ളാ​യ ഹൊ​ക്കൈ​ഡോ ബ്രൗ​ൺ ക​ര​ടി, ഏ​ഷ്യാ​റ്റി​ക് ബ്ലാ​ക്ക് ക​ര​ടി എ​ന്നി​വ​യു​ടെ എ​ണ്ണം വ​ർ​ധി​ച്ചു. നി​ല​വി​ൽ 57,000ത്തി​ല​ധി​കം ക​ര​ടി​ക​ൾ രാ​ജ്യ​ത്തു​ണ്ടെ​ന്നാ​ണ് ക​ണ​ക്ക്.

ക​ര​ടി​ക​ളു​ടെ പ്ര​ധാ​ന ഭ​ക്ഷ​ണ​മാ​യ പ​ച്ച​ക്ക​റി​ക​ളും കാ​ട്ടു​പ​ഴ​ങ്ങ​ളും സ​മ​യ​ത്തി​നു ല​ഭി​ക്കാ​താ​യ​തും പ്ര​ശ്നം സ​ങ്കീ​ർ​ണ​മാ​ക്കി. എ​ന്നാ​ൽ മാ​ലി​ന്യ​ങ്ങ​ൾ യ​ഥേ​ഷ്‌​ടം ല​ഭ്യ​മാ​ണെ​ന്നു മ​ന​സി​ലാ​ക്കി​യ ക​ര​ടി​ക​ൾ നാ​ട്ടി​ലേ​ക്ക് ഇ​റ​ങ്ങി​ത്തു​ട​ങ്ങി. ക​ഴി​ഞ്ഞ വ​ർ​ഷം മാ​ത്രം 50,000 പ്ര​ദേ​ശ​ങ്ങ​ളി​ലാ​ണ് ക​ര​ടി​ക​ൾ ഇ​റ​ങ്ങി​യ​ത്.
പൊ​തു​ജ​ന സു​ര​ക്ഷ​യ്ക്ക് ക​ര​ടി​ക​ൾ വ​ലി​യ ഭീ​ഷ​ണി​യാ​ണെ​ന്ന തി​രി​ച്ച​റി​വി​ൽ ക​ര​ടി വേ​ട്ട​യു​ടെ നി​യ​മ​ങ്ങ​ൾ ല​ഘൂ​ക​രി​ക്കാ​നും എ​ണ്ണം കു​റ​യ്ക്കാ​നും പ​ദ്ധ​തി ത​യാ​റാ​ക്കി​യി​ട്ടു​ണ്ട്. 2030ഓ​ടെ പ്ര​വി​ശ്യ​ക​ളി​ലെ ക​ര​ടി​ക​ളു​ടെ എ​ണ്ണം 62 ശ​ത​മാ​നം മു​ത​ൽ 67 ശ​ത​മാ​നം വ​രെ​യാ​യി കു​റ​യ്ക്കു​ക​യാ​ണ് ല​ക്ഷ്യം.

Tags : Japan troubled Bear Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash GlobalNews