അവൻ നിസാരക്കാരനല്ല, അവന്‍റെ ഇതുവരെയുള്ള ജീ​വി​ത​കാ​ല​ത്തി​നി​ട​യി​ൽ നാൽപ‌തില​ധി​കം യു​എ​സ് പ്ര​സി​ഡന്‍റുമാർ കടന്നുപോയി. എട്ട് ബ്രി​ട്ടീ​ഷ് രാ​ജാ​ക്ക​ന്മാ​രും! 1947-ൽ ​എ​ലി​സ​ബ​ത്ത് രാ​ജ്ഞി (അന്നു രാജകുമാരി) അവനെ കാണുകയും ചിത്രങ്ങളെടുക്കുകയും ചെയ്തിരുന്നു. മാനുഷിക ചരിത്രത്ത മാറ്റിമറിച്ച ഒട്ടനവധി സംഭവങ്ങൾക്കു സാക്ഷി! ലോകമഹായുദ്ധങ്ങൾ മുതൽ ഗൾഫ് യുദ്ധങ്ങൾ വരെ. ഭൂമിയിൽനിന്നു വിസ്മയപൂർവം നോക്കിനിന്നിരുന്ന ചന്ദ്രനിൽ മനുഷ്യൻ കാലുകുത്തിയതിനും അവൻ സാക്ഷി! അതേ അവൻ തന്‍റെ ജീവിതം തുടരുകയാണ്. പേര് 'ജോനാഥൻ'. പ്രായം 194. ഭാരം ഏകദേശം 180 കിലോഗ്രാം. താമസം ബ്രിട്ടന്‍റെ കീഴിലുള്ള സെന്‍റ് ഹെലീന ദ്വീപിൽ. 'അ​ൽഡ​ബ്ര' ഇ​ന​ത്തി​ൽ​പ്പെ​ട്ട 'ആ​മ'​യാ​ണു കക്ഷി!

ഭൂ​മി​യി​ൽ, ക​ണ്ടെ​ത്തി​യ​തി​ൽ ഏ​റ്റ​വും പ്രാ​യ​മു​ള്ള ക​ര​ജീ​വി​യായ ജോ​നാ​ഥന്‍റെ ആയർദൈർഘ്യത്തിന്‍റെ രഹസ്യങ്ങൾ കണ്ടെത്തിയിരിക്കുകയാണു ശാസ്ത്രലോകം. ശാ​സ്ത്ര​ജ്ഞ​ർ ര​ണ്ടു കാ​ര്യ​ങ്ങ​ളാ​ണു പ്ര​ധാ​ന​മാ​യും പ​ഠ​ന​വി​ധേ​യ​മാ​ക്കി​യ​ത്. ജോ​നാ​ഥ​ന്‍റെ ജീ​നോം, ഡി​എ​ൻ​എ മീ​ഥൈ​ലോം എ​ന്നി​വ​യാ​ണി​ത്.

പ്രാ​യ​മാ​കു​മ്പോ​ൾ ജീ​നു​ക​ളി​ൽ ഉ​ണ്ടാ​കു​ന്ന ക്ര​മ​മി​ല്ലാ​യ്മ​, വ്യ​തി​യാ​ന​ങ്ങൾ എന്നിവ ജോനാഥനിൽ കുറവാണെന്നു ഗവേഷകർ കണ്ടെത്തി. മൈ​റ്റോ​കോ​ൺ​ഡ്രി​യ​ൽ ഊ​ർ​ജോ​ത്പാ​ദ​നം നി​യ​ന്ത്രി​ക്കു​ന്ന മേ​ഖ​ല​ക​ളി​ൽ, ഈ ​ക്ര​മ​മി​ല്ലാ​യ്മ വ​ള​രെ കു​റ​വാ​യാ​ണു ഗ​വേ​ഷ​ക​ർ ക​ണ്ടെ​ത്തി​യ​ത്. ജോ​നാ​ഥിനു പ്രാ​യ​മാ​യി​ട്ടി​ല്ലെ​ന്നു തോ​ന്നി​ക്കു​ന്ന ത​ര​ത്തി​ലാ​ണു ജീ​നു​ക​ൾ കാ​ണ​പ്പെ​ട്ട​ത്.

മൈ​റ്റോ​കോ​ൺ​ഡ്രി​യ​യു​ടെ ക്ഷ​യ​വും ഊ​ർ​ജോ​ത്പാ​ദ​ന​വും നി​യ​ന്ത്രി​ക്കു​ന്ന​തി​ലൂ​ടെ ദീ​ർ​ഘാ​യു​സ് സാ​ധ്യ​മാ​ക്കാം. ജോ​നാ​ഥ​ന്‍റെ ജീ​നു​ക​ളു​ടെ പ​ഠ​നം ഇ​ങ്ങ​നെ​യൊ​രു സാ​ധ്യ​ത​യി​ലേ​ക്കാ​ണു വ​ഴി​തു​റ​ക്കു​ന്ന​തെ​ന്നു ഗ​വേ​ഷ​ക​ർ അ​ഭി​പ്രാ​യ​പ്പെ​ട്ടു. മൈ​റ്റോ​കോ​ൺ​ഡ്രി​യ​യ്ക്ക് ഉ​ണ്ടാ​കു​ന്ന പ്രാ​യ​മാ​ക​ലി​ന്‍റെ ആ​ഘാ​ത​ങ്ങ​ളി​ൽ​നി​ന്നു സം​ര​ക്ഷി​ക്കാ​ൻ സാ​ധി​ച്ചേ​ക്കാം. അ​ങ്ങ​നെ മ​നു​ഷ്യ​ന്‍റെ ആ​രോ​ഗ്യ​പൂർണമായ ആ​യു​സു വ​ർ​ധി​പ്പി​ക്കാ​ൻ ക​ഴി​യു​മെ​ന്ന് വാ​ണ്ട​ർ​ബി​ൽ​റ്റ്-​ഇ​ൻ​ഗ്രാം കാ​ൻ​സ​ർ സെ​ന്‍റ​റി​ലെ ഗ​വേ​ഷ​ക​നും പ​ഠ​ന​ത്തി​നു നേ​തൃ​ത്വ​വും ന​ൽ​കി​യ സ്റ്റീ​ഫ​ൻ ക്ലാ​ർ​ക്ക് വ്യ​ക്ത​മാ​ക്കി.

ദീ​ർ​ഘാ​യുസി‌​നെ​ക്കു​റി​ച്ചു​ള്ള ഗ​വേ​ഷ​ണ​ങ്ങ​ളി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്ന 'ക​ലെൽ ഫൗ​ണ്ടേ​ഷ​ൻ' ന​ട​ത്തു​ന്ന​തും സ്റ്റീ​ഫ​ൻ ക്ലാ​ർ​ക്ക് ആ​ണ്. ജോ​നാ​ഥ​ൻ ആ​മ​യി​ലും അ​തു​പോ​ലെ, മ​റ്റു ജീ​വി​ക​ളി​ലും ന​ട​ക്കു​ന്ന പ​ഠ​ന​ങ്ങ​ളു​ടെ അ​ടി​സ്ഥാ​ന​ത്തി​ൽ ദീ​ർ​ഘാ​യു​സി​നാ​യു​ള്ള മ​രു​ന്നു​ക​ൾ വി​ക​സി​പ്പി​ക്കു​ന്ന​തി​നു​ള്ള ക്ലി​നി​ക്ക​ൽ ട്ര​യ​ലു​ക​ൾ ഉ​ട​ൻ ആ​രം​ഭി​ക്കു​മെ​ന്ന് ക്ലാർക്ക് അ​റി​യി​ച്ചു.

എന്തുകൊണ്ട് ജോ​നാ​ഥ​ൻ?
ബ്രി​ട്ടനു കീഴിലുള്ള സെ​ന്‍റ് ഹെ​ലീ​ന ദ്വീ​പി​ൽ ജീ​വി​ക്കു​ന്ന 194 വ​യ​സു​ള്ള അ​ൽഡ​ബ്ര ഇ​ന​ത്തി​ൽ​പ്പെ​ട്ട ആ​മ​യാ​ണ് ജോ​നാ​ഥ​ൻ. ഇ​ത് സീ​ഷെ​ൽ​സ് ആ​മ​ക​ളു​ടെ ഒ​രു ഉ​പ​വി​ഭാ​ഗ​മാ​ണ്. 1832 മു​ത​ൽ ജീ​വി​ച്ചി​രി​ക്കു​ന്ന ജോ​നാ​ഥ​ന്‍റെ ദീ​ർ​ഘാ​യു​സിനെ​ക്കു​റി​ച്ച് പഠിക്കാൻ സ്റ്റീ​ഫ​ൻ ക്ലാ​ർക്ക്, അ​വന്‍റെ ര​ക്ത​സാ​മ്പി​ളു​ക​ൾ ശേ​ഖ​രി​ക്കാൻ അനുമതി തേടി. തു​ട​ക്ക​ത്തി​ൽ നിയമപരമായ അ​നുവാദം ല​ഭി​ച്ചി​ല്ലെ​ങ്കി​ലും, ആ​മ​യു​ടെ ക​വി​ളി​ന്‍റെ ഉ​ള്ളി​ൽനിന്നു കോ​ശ​​ങ്ങ​ൾ ശേ​ഖ​രി​ക്കാ​ൻ ക്ലാർക്കിന് അ​നു​മതി ല​ഭി​ച്ചു. ഇ​താ​ണു പ​ഠ​ന​ത്തി​ലേ​ക്കു വ​ഴി​തു​റ​ന്ന​ത്.

ജോ​നാ​ഥന്‍റെ ജീ​നോം മ​റ്റ് അ​ൽഡ​ബ്ര ആ​മ​ക​ളു​ടെ​യും ജീ​വി​വ​ർ​ഗങ്ങ​ളു​ടെ​യും ജീ​നോ​മു​മാ​യി താ​ര​ത​മ്യം ചെ​യ്താ​ണു ആയുർരഹസ്യം പഠിച്ചത്. ഡി​എ​ൻ​എ പുനരുദ്ധാരണം, കോ​ശ​ങ്ങ​ളു​ടെ കേ​ടു​പാ​ടു​ക​ൾ ത​ട​യ​ൽ, ഉപാപചയ പ്രവർത്തനം, മൈ​റ്റോ​കോ​ൺ​ഡ്രി​യ​ൽ പ്ര​വ​ർ​ത്ത​നം എ​ന്നി​വ​യു​മാ​യി ബ​ന്ധ​പ്പെ​ട്ട നി​ര​വ​ധി അ​പൂ​ർ​വ ജ​നി​ത​ക വ്യ​തി​യാ​ന​ങ്ങ​ൾ ജോ​നാ​ഥ​നി​ൽ ക​ണ്ടെ​ത്തി. ഇ​തി​ൽ മൈ​റ്റോ​കോ​ൺ​ഡ്രി​യ​ൽ പ്ര​വ​ർ​ത്ത​ന​മാ​ണ് ശാ​സ്ത്ര​ജ്ഞ​രെ ഏ​റ്റ​വും കൂ​ടു​ത​ൽ ആ​ക​ർ​ഷി​ച്ച​ത്. കാ​ര​ണം പ്രാ​യ​മാ​കു​മ്പോ​ൾ ജീ​നു​ക​ളി​ൽ സാ​ധാ​ര​ണ​യാ​യി ഉ​ണ്ടാ​കു​ന്ന 'ക്ര​മ​ര​ഹി​ത​ത്വം' ജോ​നാ​ഥന്‍റെ ജീ​നു​ക​ളി​ൽ പ്ര​ക​ട​മാ​യി​രു​ന്നി​ല്ല.

വ്യ​ത്യ​സ്ത പ്രാ​യ​ത്തി​ലു​ള്ള അ​ൽഡ​ബ്ര ആ​മ​ക​ളു​ടെ മീ​ഥൈ​ലോ​മു​മാ​യി ജോ​നാ​ഥ​ന്‍റെ മീ​ഥൈ​ലോം താ​ര​ത​മ്യം ചെ​യ്ത​പ്പോ​ൾ കാ​ര്യ​മാ​യ വ്യ​ത്യാ​സ​ങ്ങ​ൾ കാ​ണ​പ്പെ​ട്ടു. അ​താ​യ​ത്, എ​ല്ലാ അ​ൽഡ​ബ്ര ആ​മ​ക​ളി​ലും ​പ്ര​ത്യേ​ക​ത ഉ​ണ്ടാ​ക​ണ​മെ​ന്നി​ല്ലെ​ന്നു പഠനം വെളിപ്പെടുത്തുന്നു.

Tags : International Jonathantortoise Aldabra KallelFoundation DNAmethylome Methylationentropy ScienceNews