19

ഇ​രി​ട്ടി: ആ​റ​ളം പു​ന​ര​ധി​വാ​സ മേ​ഖ​ല​യി​ൽ കാട്ടാനയുടെ ആക്രമണത്തിൽ കഴിഞ്ഞ 10 വർഷത്തിനിടയിൽ പൊലിഞ്ഞത് 15 ജീവനുകൾ. അ​ധി​കൃ​ത​രു​ടെ അ​നാ​സ്ഥ​യുടെ ഏറ്റവുമൊടുവിലെ ഇരയാകുകയാണ് അനീഷ്.

ഇന്നു പുലർച്ചെ നാലോടെയാണ് ബ്ലോ​ക്ക് 10 ലെ താമസക്കാരനായ അനീഷിനെ (44) കാ​ട്ടാ​ന തു​ന്പി​ക്കൈ​യി​ൽ ചു​റ്റി​യെ​ടു​ത്ത് അ​ടി​ച്ചു കൊ​ലപ്പെടുത്തിയത്. പ്രാ​ഥ​മി​ക ആ​വ​ശ്യം നി​ർ​വ​ഹി​ക്കു​ന്ന​തി​ന് അ​നീ​ഷും ഭാ​ര്യ അ​മ്പി​ളി​യും വീ​ടി​ന്‍റെ മു​റ്റ​ത്തേ​ക്ക് ഇ​റ​ങ്ങി​യ​പ്പോ​ഴാ​ണ് ആ​ക്ര​മ​ണം.

മു​റ്റ​ത്തി​ന് സ​മീ​പ​ത്തു​ള്ള പ്ലാ​വി​ൽ നി​ന്നും ച​ക്ക പ​റി​ച്ചു തി​ന്നു​ക​യാ​യി​രു​ന്ന കാ​ട്ടാ​ന അ​തി​വേ​ഗം ര​ണ്ടാ​ൾ​ക്കും നേ​രേ തി​രി​യു​ക​യാ​യി​രു​ന്നു. ഉ​റ​ക്ക​ച്ച​ട​വിലായി​രു​ന്ന ഇ​രു​വ​രും എ​ന്തു​ചെ​യ്യ​ണമെന്ന​റി​യാ​തെ ഭ​യ​ന്നു​പോ​യി. ആ​ന​യെ ക​ണ്ട് അ​മ്പി​ളി ആ​ദ്യം വീ​ടി​നു​ള്ളി​ലേ​ക്ക് ക​യ​റി​യെ​ങ്കി​ലും ഓ​ടു​ന്ന​തി​നി​ട​യി​ൽ കാ​ല് തെ​ന്നി അ​നീ​ഷി​ന് വേ​ഗ​ത്തി​ൽ ഓ​ടി മാ​റാ​ൻ ക​ഴി​ഞ്ഞി​ല്ല.

വീ​ടി​ന്‍റെ പി​ൻ​വ​ശ​ത്തേ​ക്ക് ഓ​ടി​യെ അ​നീ​ഷി​നെ പി​ന്തു​ട​ർ​ന്നെ​ത്തി​യ ആ​ന പി​ടി​കൂ​ടു​ക​യാ​യി​രു​ന്നു. അ​നീ​ഷി​നെ തു​ന്പി​ക്കൈ​യി​ൽ ചു​റ്റി​യെ​ടു​ത്ത് മു​ൻ​വ​ശ​ത്ത് എ​ത്തി​ച്ച് ക​ല്ലി​ൽ അ​ടി​ക്കു​ക​യാ​യി​രു​ന്നു. വി​വ​രം അ​റി​ഞ്ഞ് പ്ര​ദേ​ശ​വാ​സി​ക​ൾ ചേ​ർ​ന്ന് അ​നീ​ഷി​നെ പേ​രാ​വൂ​ർ താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​ര​ണം സം​ഭ​വി​ക്കു​ക​യാ​യി​രു​ന്നു. മോ​ഴ​യാ​ന​യാ​ണ് ആ​ക്ര​മി​ച്ച​ത്.

അ​നീ​ഷി​ന്‍റെ മൃ​ത​ദേഹം പോ​സ്റ്റു​മോ​ർ​ട്ടം ന​ട​പ​ടി​ക​ൾ​ക്കാ​യി പ​രി​യാ​രം ഗ​വ. മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. വെ​ളി​മാ​നം സ്കൂ​ളി​ലെ വി​ദ്യാ​ർ​ഥി​ക​ളാ​യ അ​നീ​ഷ, ആ​ദി​കൃ​ഷ്ണ​ൻ എ​ന്നി​വ​ർ മ​ക്ക​ളാ​ണ്.

Tags : Aralam Farm Wild Elephant Attack