തിരുവനന്തപുരം: രമ്യ ഹരിദാസിന്റെ സ്ഥാനാര്ത്ഥിത്വവുമായി ബന്ധപ്പെട്ട് ചിറയിന്കീഴ് കോണ്ഗ്രസില് പൊട്ടിത്തെറി. കഠിനംകുളം പഞ്ചായത്ത് ഓഫീസിനു സമീപത്തു നടത്തിയ പ്രതിഷേധത്തിൽ കെപിസിസി പ്രസിഡന്റ് സണ്ണി ജോസഫിന്റെയും രമ്യ ഹരിദാസിന്റെയും കോലം കത്തിച്ചു.
രമ്യയെ ചിറയിന്കീഴില് മത്സരിപ്പിക്കാനുള്ള നീക്കത്തിനെതിരെ നേരത്തെയും പ്രതിഷേധം ഉയര്ന്നിരുന്നു. കോഴിക്കോട് ജില്ലക്കാരിയായ രമ്യയെ ചിറയിന്കീഴ് കെട്ടിയിറക്കാന് ശ്രമിക്കുന്നുവെന്നായിരുന്നു വിമര്ശനം. ഇക്കാര്യം ചൂണ്ടിക്കാട്ടി പ്രാദേശിക നേതാക്കള് എഐസിസി നേതൃത്വത്തിന് പരാതി നല്കിയിരുന്നു.
അടൂര് പ്രകാശ് തിരുവനന്തപുരത്തെ പ്രവര്ത്തകരുടെ വികാരം വ്രണപ്പെടുത്തുകയാണെന്നും രമ്യ ഭയന്നോടിയാണ് തിരുവനന്തപുരത്തേക്ക് എത്തുന്നതെന്നും ഇവര് പരാതിയില് ആരോപിച്ചിരുന്നു. ഗ്രൗണ്ടില് ഇറങ്ങി പ്രവര്ത്തിക്കാതെ പാട്ടുംപാടി കറങ്ങി നടന്ന് തോറ്റയാളാണ് രമ്യാ ഹരിദാസ് എന്നും പരാതിയില് പറയുന്നു.
Tags : ramya haridas congress chirayinkeezhu