19

കൊ​ച്ചി: മോ​ഡ​ലിംഗ് എ​ന്ന വ്യാ​ജേ​ന യു​വ​തി​ക​ളെ വി​ദേ​ശ​ത്ത് എ​ത്തി​ച്ച് ക്രൂ​ര​മാ​യ ലൈം​ഗി​ക ചൂ​ഷ​ണ​ത്തി​ന് ഇ​ര​യാ​ക്കി​യ മ​നു​ഷ്യ​ക്ക​ട​ത്ത് സം​ഘ​ത്തി​ലെ ര​ണ്ട് യു​വ​തി​ക​ളെ മ​ര​ട് പോ​ലീ​സ് അ​റ​സ്റ്റ് ചെ​യ്തു. സം​ഘ​ത്തി​ലെ പ്ര​ധാ​ന ക​ണ്ണി​ക​ളാ​യ സി​ന്ധു, അ​ലീ​ന എ​ന്നി​വ​രാ​ണ് പി​ടി​യി​ലാ​യ​ത്. അ​റ​സ്റ്റി​ലാ​യ അ​ലീ​ന​യ്ക്ക് മു​ൻ​പ് പ​ല ക്രി​മി​ന​ൽ കേ​സു​ക​ളി​ലും പ​ങ്കു​ണ്ടെ​ന്നും പ്ര​മു​ഖ ഗു​ണ്ടാ​സം​ഘ​ങ്ങ​ളു​മാ​യി ഇ​വ​ർ​ക്ക് അ​ടു​ത്ത ബ​ന്ധ​മു​ണ്ടെ​ന്നും പോ​ലീ​സ് വെ​ളി​പ്പെ​ടു​ത്തി.

മ​നു​ഷ്യ​ക്ക​ട​ത്തി​ന് പി​ന്നി​ൽ വ​ലി​യൊ​രു അ​ന്താ​രാ​ഷ്ട്ര മാ​ഫി​യ ത​ന്നെ പ്ര​വ​ർ​ത്തി​ക്കു​ന്നു​ണ്ടെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക വി​ല​യി​രു​ത്ത​ൽ. ഇ​ര​ക​ളാ​യ ര​ണ്ട് യു​വ​തി​ക​ൾ ന​ൽ​കി​യ ര​ഹ​സ്യ​മൊ​ഴി​യു​ടെ അ​ടി​സ്ഥാ​ന​ത്തി​ൽ അ​ഞ്ച് പേ​രെ ഉ​ൾ​പ്പെ​ടു​ത്തി പോ​ലീ​സ് പ്രാ​ഥ​മി​ക പ്ര​തി​പ്പ​ട്ടി​ക ത​യ്യാ​റാ​ക്കി​യി​ട്ടു​ണ്ട്.

മോ​ഡ​ലിം​ഗ് രം​ഗ​ത്ത് മി​ക​ച്ച അ​വ​സ​ര​ങ്ങ​ൾ വാ​ഗ്ദാ​നം ചെ​യ്താ​ണ് പ്ര​തി​ക​ൾ യു​വ​തി​ക​ളെ വി​ദേ​ശ​ത്തേ​ക്ക് ആ​ക​ർ​ഷി​ച്ച​ത്. എ​ന്നാ​ൽ വി​ദേ​ശ​ത്ത് എ​ത്തി​യ​തോ​ടെ യു​വ​തി​ക​ളു​ടെ പാ​സ്‌​പോ​ർ​ട്ടും രേ​ഖ​ക​ളും പി​ടി​ച്ചു​വെ​ക്കു​ക​യും പ​ല​ർ​ക്കാ​യി കാ​ഴ്ച​വെ​ക്കു​ക​യു​മാ​യി​രു​ന്നു.

ചൂ​ഷ​ണ​ത്തി​ന് വ​ഴ​ങ്ങാ​ത്ത​തി​ന് ത​ങ്ങ​ളെ അ​വി​ടെ​വ​ച്ച് ക്രൂ​ര​മാ​യ മ​ർ​ദ​ന​ത്തി​ന് ഇ​ര​യാ​ക്കി​യ​താ​യും പ​ല​രു​ടെ​യും കാ​രു​ണ്യ​വും സ​ഹാ​യ​വും കൊ​ണ്ടാ​ണ് ക​ഷ്ടി​ച്ച് ര​ക്ഷ​പ്പെ​ട്ട് നാ​ട്ടി​ൽ തി​രി​ച്ചെ​ത്താ​ൻ ക​ഴി​ഞ്ഞ​തെ​ന്നും ഇ​ര​ക​ളാ​യ യു​വ​തി​ക​ൾ പോ​ലീ​സി​ന് ന​ൽ​കി​യ പ​രാ​തി​യി​ൽ പ​റ​യു​ന്നു.

നാ​ട്ടി​ൽ തി​രി​ച്ചെ​ത്തി​യ യു​വ​തി​ക​ൾ ന​ൽ​കി​യ പ​രാ​തി​യി​ൽ മ​ര​ട് പോ​ലീ​സ് എ​ഫ്ഐ​ആ​ർ ര​ജി​സ്റ്റ​ർ ചെ​യ്ത് അ​ന്വേ​ഷ​ണം ഊ​ർ​ജി​ത​മാ​ക്കു​ക​യാ​യി​രു​ന്നു. കേ​സു​മാ​യി ബ​ന്ധ​പ്പെ​ട്ട് വ​രും ദി​വ​സ​ങ്ങ​ളി​ൽ കൂ​ടു​ത​ൽ പ്ര​തി​ക​ൾ വ​ല​യി​ലാ​കു​മെ​ന്നാ​ണ് പോ​ലീ​സ് ന​ൽ​കു​ന്ന സൂ​ച​ന. സം​ഘ​ത്തി​ന്‍റെ സാ​മ്പ​ത്തി​ക ഇ​ട​പാ​ടു​ക​ളെ​ക്കു​റി​ച്ചും മു​ൻ​പ് എ​ത്ര​പേ​രെ ഇ​ത്ത​ര​ത്തി​ൽ ക​ട​ത്തി​യി​ട്ടു​ണ്ടെ​ന്ന​തി​നെ​ക്കു​റി​ച്ചും പോ​ലീ​സ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

Tags : human trafficking young women Arrest Kochi Latest News