19

കാ​ഞ്ഞി​ര​പ്പ​ള്ളി: പൂ​ർ​ണ​മാ​യും കൃ​ത്രി​മബു​ദ്ധി സാ​ങ്കേ​തി​ക​വി​ദ്യ ഉ​പ​യോ​ഗ​പ്പെ​ടു​ത്തി ഔ​ദ്യോ​ഗി​ക വെ​ബ്സൈ​റ്റ് രൂ​പ​ക​ല്പ​ന ചെ​യ്ത് വി​ക​സി​പ്പി​ച്ച ഇ​ന്ത്യ​യി​ലെ ആ​ദ്യ എ​ൻ​ജി​നി​യ​റിം​ഗ് കോ​ള​ജാ​യി കാ​ഞ്ഞി​ര​പ്പ​ള്ളി അ​മ​ൽ​ ജ്യോ​തി കോ​ള​ജ് ഓ​ഫ് എ​ൻ​ജി​നി​യ​റിം​ഗ് (ഓ​ട്ടോ​ണ​മ​സ്) മാ​റി. ലോ​ക​പ്ര​ശ​സ്ത എ​ഐ ഗ​വേ​ഷ​ണ ക​മ്പ​നി​യാ​യ ആ​ന്ത്രോ​പി​ക്കി​ന്‍റെ ക്ലോ​ഡ് എ​ന്ന നി​ർ​മി​തബു​ദ്ധി മാ​തൃ​ക​യാ​ണ് വെ​ബ്സൈ​റ്റി​ന്‍റെ കോ​ഡിം​ഗ്, ഡി​സൈ​ൻ, ഉ​ള്ള​ട​ക്ക നി​ർ​മാ​ണം എ​ന്നീ എ​ല്ലാ ഘ​ട്ട​ങ്ങ​ളി​ലും ഉ​പ​യോ​ഗ​പ്പെ​ടു​ത്തി​യ​ത്.

നാ​ക് എ ​പ്ല​സ് അ​ക്രെ​ഡി​റ്റേ​ഷ​ൻ ല​ഭി​ച്ചി​ട്ടു​ള്ള​തും എ.​പി.​ജെ. അ​ബ്ദു​ൾ ക​ലാം സാ​ങ്കേ​തി​ക സ​ർ​വ​ക​ലാ​ശാ​ല​യു​മാ​യി അ​ഫി​ലി​യേ​റ്റ് ചെ​യ്തി​ട്ടു​ള്ള​തു​മാ​യ അ​മ​ൽ ജ്യോ​തി, കി​ർ​ഫ് റാ​ങ്കിം​ഗി​ൽ കേ​ര​ള​ത്തി​ൽ നാ​ലാം സ്ഥാ​ന​ത്തു​ള്ള പ്ര​മു​ഖ സാ​ങ്കേ​തി​ക വി​ദ്യാ​ഭ്യാ​സ സ്ഥാ​പ​ന​മാ​ണ്. കോ​ള​ജി​ന്‍റെ ഔ​ദ്യോ​ഗി​ക വെ​ബ്സൈ​റ്റി​ൽ (www.ajce.in) വി​ദ്യാ​ർ​ഥി​ക​ൾ​ക്കും ര​ക്ഷി​താ​ക്ക​ൾ​ക്കും അ​ക്കാ​ദ​മി​ക സ​മൂ​ഹ​ത്തി​നും ആ​വ​ശ്യ​മാ​യ വി​വ​ര​ങ്ങ​ൾ വ്യ​ക്ത​വും ആ​ക​ർ​ഷ​ക​വു​മാ​യ രീ​തി​യി​ൽ അ​വ​ത​രി​പ്പി​ക്കു​ന്ന നി​ര​വ​ധി പേ​ജു​ക​ൾ ഇ​പ്പോ​ൾ പൂ​ർ​ണ​മാ​യും എ​ഐ വി​ക​സി​ത​മാ​ണ്.

പ​ര​മ്പ​രാ​ഗ​ത വെ​ബ് ഡ​വ​ല​പ്മെ​ന്‍റ് രീ​തി​യി​ൽ നി​ന്ന് വ്യ​ത്യ​സ്ത​മാ​യി പ്ര​കൃ​തി​ഭാ​ഷാ നി​ർ​ദേ​ശ​ങ്ങ​ളി​ലൂ​ടെ എ​ഐ കോ​ഡ് ഉത്പാ​ദി​പ്പി​ക്കു​ന്ന വൈ​ബ് കോ​ഡിം​ഗ് രീ​തി​യാ​ണ് ഈ ​പ​ദ്ധ​തി​യി​ൽ പ്ര​യോ​ഗി​ച്ച​ത്. വാ​ക്കാ​ലു​ള്ള വി​ശ​ദീ​ക​ര​ണ​ങ്ങ​ൾ ന​ൽ​കി​യാ​ൽ ആ ​വി​വ​ര​ണ​ത്തി​ന് അ​നു​സൃ​ത​മാ​യി എ​ച്ച്ടി​എം​എ​ൽ, സി​എ​സ്എ​സ്, ജാ​വാ​സ്ക്രി​പ്റ്റ് കോ​ഡു​ക​ൾ എ​ഐ സ്വ​യം നി​ർ​മി​ക്കു​ന്ന നൂ​ത​ന രീ​തി​യാ​ണി​ത്. പ്ര​ഫ​ഷ​ണ​ൽ ഗു​ണ​നി​ല​വാ​ര​ത്തി​ലു​ള്ള വെ​ബ്സൈ​റ്റു​ക​ൾ കു​റ​ഞ്ഞ സ​മ​യ​ത്തി​ൽ വി​ക​സി​പ്പി​ക്കാ​ൻ ഈ ​സ​മ്പ്ര​ദാ​യം സ​ഹാ​യ​ക​മാ​ണെ​ന്ന് കോ​ള​ജ് അ​ധി​കൃ​ത​ർ വ്യ​ക്ത​മാ​ക്കി.

വെ​ബ്സൈ​റ്റി​ന്‍റെ പ്ര​ധാ​ന സ​വി​ശേ​ഷ​ത​ക​ൾ

• ഏ​കീ​കൃ​ത സ്ഥാ​പ​ന ഡി​സൈ​ൻ വ്യ​വ​സ്ഥ - നേ​വി ബ്ലൂ, ​ആം​ബ​ർ വ​ർ​ണ​വി​ന്യാ​സ​ത്തോ​ടെ കാ​ർ​ഡ് അ​ടി​സ്ഥാ​ന​ത്തി​ലു​ള്ള ആ​ധു​നി​ക ലേ​ഔ​ട്ട്.
• ഗൂ​ഗി​ൾ ഷീ​റ്റ്സി​ൽ നി​ന്ന് നേ​രി​ട്ട് ഡാ​റ്റ ല​ഭ്യ​മാ​ക്കു​ന്ന ത​ത്സ​മ​യ വി​വ​ര വ്യ​വ​സ്ഥ - വി​വ​ര​ങ്ങ​ൾ പു​തു​ക്കാ​ൻ കോ​ഡ് മാ​റ്റേ​ണ്ട ആ​വ​ശ്യ​മി​ല്ല.
• എ​ല്ലാ ഉ​പ​ക​ര​ണ​ങ്ങ​ൾ​ക്കും അ​നു​യോ​ജ്യ​മാ​യ മൊ​ബൈ​ൽ-​സൗ​ഹൃ​ദ റെ​സ്പോ​ൺ​സീ​വ് ഡി​സൈ​ൻ.
• പ്ലേ​ഫെ​യ​ർ ഡി​സ്പ്ലേ, ഡി​എം സാ​ൻ​സ്, ഫ്രോ​ൻ​സെ​സ്, ഔ​ട്ട്ഫി​റ്റ് തു​ട​ങ്ങി​യ പ്ര​ഫ​ഷ​ണ​ൽ ടൈ​പ്പോ​ഗ്ര​ഫി.
• അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള വാം ​അ​ക്കാ​ദ​മി​ക് അ​ഥോ​റി​റ്റി ഡി​സൈ​ൻ ഫി​ലോ​സ​ഫി.

പു​തി​യ വാ​ണി​ജ്യ വി​ദ്യാ​ഭ്യാ​സ വി​ഭാ​ഗ​മാ​യി ആ​രം​ഭി​ച്ച അ​മ​ൽ ​ജ്യോ​തി ബി​സി​ന​സ് സ്കൂ​ളി​ന്‍റെ ഔ​ദ്യോ​ഗി​ക വെ​ബ്സൈ​റ്റും ക്ലോ​ഡ് എ​ഐ ​ഉ​പ​യോ​ഗി​ച്ച് പൂ​ർ​ണ​മാ​യും വി​ക​സി​പ്പി​ച്ച​താ​ണ്. ബി​ബി​എ പ്രോ​ഗ്രാ​മും വാ​ണി​ജ്യ വി​ദ്യാ​ഭ്യാ​സ​ത്തി​ലെ പു​തി​യ കോ​ഴ്സു​ക​ളും വാ​ഗ്ദാ​നം ചെ​യ്യു​ന്ന എ​ബി​എ​സി​ന്‍റെ വെ​ബ്സൈ​റ്റ് അ​മ​ൽ​ജ്യോ​തി​യു​ടെ എ​ഐ - ഫ​സ്റ്റ് ഡി​ജി​റ്റ​ൽ ത​ന്ത്ര​ത്തി​ന്‍റെ ഭാ​ഗ​മാ​യാ​ണ് നി​ർ​മി​ച്ച​ത്. വാ​ണി​ജ്യ വി​ദ്യാ​ഭ്യാ​സ മേ​ഖ​ല​യി​ലെ ആ​ധു​നി​ക സ​മ്പ്ര​ദാ​യ​ങ്ങ​ളും അ​ന്താ​രാ​ഷ്ട്ര നി​ല​വാ​ര​വും പ്ര​തി​ഫ​ലി​പ്പി​ക്കു​ന്ന ത​ര​ത്തി​ൽ പ്ര​ത്യേ​കം രൂ​പ​ക​ൽ​പ്പ​ന ചെ​യ്ത​താ​ണ് എ​ബി​എ​സ് വെ​ബ്സൈ​റ്റ്.

പ്ര​ധാ​ന ഉ​ള്ള​ട​ക്കം

അ​ക്കാ​ദ​മി​ക് വി​വ​ര​ങ്ങ​ൾ, പാ​ഠ്യ​പ​ദ്ധ​തി രൂ​പ​രേ​ഖ, ഫാ​ക്ക​ൽ​റ്റി പ്രൊ​ഫൈ​ലു​ക​ൾ, ഗ​വേ​ഷ​ണ പ്ര​വ​ർ​ത്ത​ന​ങ്ങ​ൾ, വ്യ​വ​സാ​യ-​അ​ക്കാ​ദ​മിക് സ​ഹ​ക​ര​ണ വി​ശ​ദാം​ശ​ങ്ങ​ൾ, വി​ദ്യാ​ർ​ഥി നേ​ട്ട​ങ്ങ​ൾ, പ്ര​വേ​ശ​ന വി​വ​ര​ങ്ങ​ൾ, കാ​മ്പ​സ് സൗ​ക​ര്യ​ങ്ങ​ൾ, വാ​ർ​ത്ത​ക​ൾ, പ​രി​പാ​ടി​ക​ൾ എ​ന്നി​ങ്ങ​നെ വി​ദ്യാ​ർ​ഥി​ക​ൾ​ക്കും ര​ക്ഷി​താ​ക്ക​ൾ​ക്കും ആ​വ​ശ്യ​മാ​യ സ​മ​ഗ്ര​മാ​യ വി​വ​ര​ങ്ങ​ൾ പു​തി​യ വെ​ബ്സൈ​റ്റി​ൽ ല​ഭ്യ​മാ​ണ്. ഉ​പ​യോ​ക്തൃ-​സൗ​ഹൃ​ദ നാ​വി​ഗേ​ഷ​ൻ, വേ​ഗ​ത​യേ​റി​യ ലോ​ഡിം​ഗ്, എ​ല്ലാ ഉ​പ​ക​ര​ണ​ങ്ങ​ളി​ലും അ​നു​യോ​ജ്യ​മാ​യ പ്ര​ദ​ർ​ശ​നം എ​ന്നി​വ വെ​ബ്സൈ​റ്റി​ന്‍റെ പ്ര​ത്യേ​ക​ത​ക​ളാ​ണ്. ഭി​ന്ന​ശേ​ഷി​ക്കാ​ർ​ക്ക​ട​ക്കം എ​ല്ലാ​വ​ർ​ക്കും പ്ര​വേ​ശ​ന​യോ​ഗ്യ​മാ​യ രീ​തി​യി​ലാ​ണ് വെ​ബ്സൈ​റ്റ് രൂ​പ​ക​ൽ​പ്പ​ന ചെ​യ്തി​ട്ടു​ള്ള​ത്.

കോ​ള​ജ് അ​ധി​കൃ​ത​ർ പ​റ​യു​ന്നു

നി​ർ​മി​ത ബു​ദ്ധി ഇ​ന്ന് വി​ദ്യാ​ഭ്യാ​സ മേ​ഖ​ല​യി​ൽ ഉ​ണ്ടാക്കു​ന്ന വി​പ്ല​വം മ​ന​സി​ലാ​ക്കി​യാ​ണ് അ​മ​ൽ​ജ്യോ​തി ഈ ​ദി​ശ​യി​ൽ മു​ന്നോ​ട്ടു പോ​യ​ത്. ക്ലോ​ഡ് എ​ഐ ഉ​പ​യോ​ഗി​ച്ച് വെ​ബ്സൈ​റ്റ് നി​ർ​മി​ച്ച​ത് വെ​റും സാ​ങ്കേ​തി​ക നൂ​ത​ന​ത്വം മാ​ത്ര​മ​ല്ല - വി​ദ്യാ​ർ​ഥി​ക​ൾ​ക്കും ഫാ​ക്ക​ൽ​റ്റി​ക്കും എ​ഐ എ​ങ്ങ​നെ ഉ​ത്​പാ​ദ​ന​ക്ഷ​മ​മാ​യി ഉ​പ​യോ​ഗി​ക്കാം എ​ന്ന​തി​ന്‍റെ പ്രാ​യോ​ഗി​ക ഉ​ദാ​ഹ​ര​ണം കൂ​ടി​യാ​ണ്.

വി​ദ്യാ​ഭ്യാ​സ മേ​ഖ​ല​യി​ലെ പ്രാ​ധാ​ന്യം

എ​ഐ​യു​ടെ ദൈ​നം​ദി​ന ഉ​പ​യോ​ഗ​ത്തി​ലൂ​ടെ പ്ര​ഫ​ഷ​ണ​ൽ ഉ​ത്പ​ന്ന​ങ്ങ​ൾ നി​ർ​മി​ക്കാ​ൻ ക​ഴി​യു​മെ​ന്ന് ഈ ​പ​ദ്ധ​തി തെ​ളി​യി​ക്കു​ന്നു. വെ​ബ് ഡെ​വ​ല​പ്മെ​ന്‍റ് വൈ​ദ​ഗ്ദ്ധ്യം മാ​ത്ര​മ​ല്ല, അ​ക്കാ​ദ​മി​ക് ഡോ​ക്യു​മെ​ന്‍റേ​ഷ​ൻ, പാ​ഠ്യ​പ​ദ്ധ​തി രൂ​പ​ക​ൽ​പ്പ​ന, വി​ദ്യാ​ർ​ഥി പി​ന്തു​ണ സം​വി​ധാ​നം എ​ന്നീ മേ​ഖ​ല​ക​ളി​ൽ എ​ഐ സാ​ങ്കേ​തി​ക​വി​ദ്യ വ്യാ​പ​ക​മാ​യി ഉ​പ​യോ​ഗ​പ്പെ​ടു​ത്താ​ൻ കോ​ള​ജ് പ​ദ്ധ​തി​യി​ടു​ന്നു​ണ്ട്. എ​ൻ​ജി​നി​യ​റിം​ഗ് വി​ദ്യാ​ർ​ഥി​ക​ൾ​ക്ക് എ​ഐ ഉ​പ​യോ​ഗി​ച്ച് യ​ഥാ​ർ​ഥ ലോ​ക​ത്തെ പ്ര​ശ്ന​ങ്ങ​ൾ പ​രി​ഹ​രി​ക്കാ​നു​ള്ള മാ​ർ​ഗം പ്ര​ദ​ർ​ശി​പ്പി​ക്കു​ന്ന ഒ​രു മാ​തൃ​കാ പ​ദ്ധ​തി​യാ​യി ഇ​തു മാ​റു​മെ​ന്നാ​ണ് കോ​ള​ജ് അ​ധി​കൃ​ത​രു​ടെ പ്ര​തീ​ക്ഷ.

ഭാ​വി പ​ദ്ധ​തി​ക​ൾ

എ​ഐ സ​ഹാ​യ​ത്തോ​ടെ വെ​ബ്സൈ​റ്റി​ലെ ശേ​ഷി​ക്കു​ന്ന പേ​ജു​ക​ൾ കൂ​ടി പു​തു​ക്കിപ്പ​ണി​യാ​നും ദേ​ശീ​യ വി​ദ്യാ​ഭ്യാ​സ ന​യം 2020 (NEP 202), NCrF, Outcome Based Education (OBE), NBA GAPC v4.0 തു​ട​ങ്ങി​യ ച​ട്ട​ക്കൂ​ടു​ക​ൾ​ക്ക് അ​നു​സൃ​ത​മാ​യി പു​തി​യ​താ​യി ത​യാ​റാ​ക്കി​യ പാ​ഠ്യ​പ​ദ്ധ​തി ച​ട്ട​ങ്ങ​ൾ (AJCE Curriculum Regulations v5) ഫ​ല​പ്ര​ദ​മാ​യി ന​ട​പ്പി​ലാ​ക്കാ​നും കോ​ള​ജ് ഇ​പ്പോ​ൾ ശ്ര​മി​ക്കു​ന്നു. വി​ദ്യാ​ഭ്യാ​സ പ്ര​വ​ർ​ത്ത​ന​ങ്ങ​ളി​ലെ എ​ഐ ഇ​ട​പെ​ട​ലു​ക​ൾ ധാ​ർ​മി​ക​മാ​യും ഉ​ത്ത​ര​വാ​ദി​ത്വബോ​ധ​ത്തോ​ടെ​യും ന​ട​ത്താ​നു​ള്ള മാ​ർ​ഗ​രേ​ഖ​ക​ളും കോ​ള​ജ് ഒ​രു​ക്കി​യി​ട്ടു​ണ്ട്.

Tags : Kanjirapally Amaljyothi website developed AI