പാണത്തൂർ: നാല്പതാം വെള്ളിയാഴ്ച ദിനത്തിൽ പാണത്തൂർ സെന്‍റ് മേരീസ് പള്ളിയിൽ നിന്ന് അമ്പലത്തറ സ്നേഹാലയത്തിലേക്ക് 36 കിലോമീറ്റർ കാൽനടയായി സഞ്ചരിച്ചുകൊണ്ട് കുരിശിന്‍റെ വഴി പാപപരിഹാര സന്ദേശയാത്ര നടത്തി.
രാവിലെ 6.30 ന് ഇടവക വികാരി ഫാ. വർഗീസ് ചെരിയംപുറത്തിന്‍റെ നേതൃത്വത്തിൽ വിശുദ്ധ കുർബാനയോടുകൂടി ആരംഭിച്ച യാത്ര വൈകുന്നേരം ആറുമണിക്ക് സ്നേഹാലയത്തിലെത്തി സമാപിച്ചു.
ഫാ. മാത്യു ചെമ്പളായിൽ, ഫാ. സിബി കൊച്ചുമലയിൽ, ഫാ. ബിബിൻ വെള്ളാരംകല്ലിൽ, ഫാ. ജോസഫ് വാരണാത്ത്, ഫാ. ജിബിൻ കുന്നശേരി, ഫാ. ഡിനോ കുമ്മാനിക്കാട്ട്, ഫാ. ജോബിഷ് തടത്തിൽ, ഫാ. വക്കച്ചൻ പഴേപറമ്പിൽ, ഫാ. ജോർജ് കുടുന്തയിൽ, ഫാ. ജോസഫ് തറപ്പുതൊട്ടിയിൽ, ഫാ. ബേബി കട്ടിയാങ്കൽ, ഫാ. ജോൺസൺ വേങ്ങപ്പറമ്പിൽ, ഫാ. ജോഷി വല്ലാർക്കാട്ടിൽ, ഫാ. സണ്ണി തോമസ് ഉപ്പൻ, ഫാ. ഏബ്രഹാം പുതുകുളത്തിൽ, ഫാ. അഗസ്റ്റിൻ പുന്നശേരി, ഫാ. ലിജോ തടത്തിൽ, ബ്രദർ യാക്കോബ് അപ്പൻ, ബ്രദർ ലിയ, ബ്രദർ ഈശോദാസ് എന്നിവർ കുരിശിന്‍റെ വഴിയിലെ വിവിധ ഇടങ്ങളിൽ സന്ദേശം നല്കി.
മദ്യത്തിനോടും മയക്കുമരുന്നിനോടുമുള്ള അടിമത്തത്തിൽ നിന്നും ആത്മഹത്യാ പ്രവണതയിൽ നിന്നുമുള്ള മോചനത്തിനും ലോക സമാധാനത്തിനും വേണ്ടിയുള്ള പ്രാർഥനകളോടെയാണ് വിവിധ ഇടവകാ സമൂഹങ്ങളും ഭക്ത സംഘടനകളും ആകാശപറവകളുടെ കൂട്ടുകാരും സംയുക്തമായി ഓരോ വർഷവും നാല്പതാം വെള്ളിയാഴ്ചകളിൽ കുരിശിന്‍റെ വഴിയിലൂടെയുള്ള യാത്ര നടത്തുന്നത്.