റെ​യി​ൽ​വേ സ്റ്റേ​ഷ​നി​ലെ പാ​ർ​ക്കിം​ഗ് കേ​ന്ദ്രം ച​ര​ക്കു​ലോ​റി​ക​ൾ കൈ​യ​ട​ക്കു​ന്നു
Sunday, March 24, 2024 3:46 AM IST
നീ​ലേ​ശ്വ​രം: റെ​യി​ൽ​വേ സ്റ്റേ​ഷ​ന്‍റെ കി​ഴ​ക്കു​വ​ശ​ത്ത് പു​തു​താ​യി ഒ​രു​ക്കി​യ പാ​ർ​ക്കിം​ഗ് കേ​ന്ദ്രം ആ​രോ​ടും ചോ​ദി​ക്കാ​തെ ച​ര​ക്കു​ലോ​റി​ക​ൾ കൈ​യ​ട​ക്കു​ന്നു. എ​ഫ്സി​ഐ ഗോ​ഡൗ​ണി​ൽ നി​ന്നും ഭ​ക്ഷ്യ​ധാ​ന്യ​ങ്ങ​ൾ കൊ​ണ്ടു​പോ​കാ​നും സി​മ​ന്‍റ് ലോ​ഡ് എ​ടു​ക്കാ​നും വ​രു​ന്ന ലോ​റി​ക​ളാ​ണ് ഇ​പ്പോ​ൾ ഇ​വി​ടെ നി​ർ​ത്തി​യി​ടു​ന്ന​ത്. ഇ​തോ​ടെ ട്രെ​യി​നി​ൽ പോ​കു​ന്ന യാ​ത്ര​ക്കാ​രു​ടെ വാ​ഹ​ന​ങ്ങ​ൾ നി​ർ​ത്തി​യി​ടാ​ൻ ഇ​വി​ടെ വീ​ണ്ടും ഇ​ട​മി​ല്ലാ​താ​യി.

നീ​ലേ​ശ്വ​രം റെ​യി​ൽ​വേ സ്റ്റേ​ഷ​നെ ആ​ശ്ര​യി​ക്കു​ന്ന യാ​ത്ര​ക്കാ​രി​ൽ ഗ​ണ്യ​മാ​യ ഒ​രു വി​ഭാ​ഗം മ​ല​യോ​ര മേ​ഖ​ല​യി​ൽ നി​ന്നു​ള്ള​വ​രാ​ണ്. സ്റ്റേ​ഷ​ന്‍റെ കി​ഴ​ക്കു​വ​ശ​ത്ത് വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ സ്ഥ​ലം വേ​ണ​മെ​ന്ന​ത് ഇ​വ​രു​ടെ ഏ​റെ​ക്കാ​ല​മാ​യു​ള്ള ആ​വ​ശ്യ​മാ​യി​രു​ന്നു.

രാ​ജാ​റോ​ഡി​ലെ മേ​ൽ​പ്പാ​ല​വും ഗ​താ​ഗ​ത​ക്കു​രു​ക്കും ക​ട​ന്ന് ഒ​ന്നാ​മ​ത്തെ പ്ലാ​റ്റ്ഫോ​മി​ന് സ​മീ​പ​ത്തെ​ത്തി വാ​ഹ​ന​ങ്ങ​ൾ പാ​ർ​ക്ക് ചെ​യ്ത് സ്റ്റേ​ഷ​നി​ലെ​ത്തു​മ്പോ​ഴേ​ക്കും പ​ല​പ്പോ​ഴും ഇ​വ​ർ​ക്ക് ട്രെ​യി​ൻ കി​ട്ടാ​താ​കു​ന്ന അ​വ​സ്ഥ​യാ​യി​രു​ന്നു. കി​ഴ​ക്കു​വ​ശ​ത്ത് പാ​ർ​ക്കിം​ഗ് സൗ​ക​ര്യ​മൊ​രു​ങ്ങു​ന്ന​തോ​ടെ ഈ ​ബു​ദ്ധി​മു​ട്ട് പ​രി​ഹ​രി​ക്കാ​നാ​കു​മെ​ന്നാ​യി​രു​ന്നു പ്ര​തീ​ക്ഷ. പ​ക്ഷേ ആ ​സ്ഥ​ല​മാ​ണ് ഇ​പ്പോ​ൾ ലോ​റി​ക​ൾ കൈ​യ​ട​ക്കി​യ​ത്.

എ​ഫ്സി​ഐ ഗോ​ഡൗ​ണി​നു സ​മീ​പം ലോ​റി​ക​ൾ​ക്ക് നി​ർ​ത്താ​നും സ്ഥ​ല​മി​ല്ലെ​ന്ന പ​രാ​തി നേ​ര​ത്തേ​യു​ണ്ടാ​യി​രു​ന്നു. ഇ​ത് പ​രി​ഹ​രി​ക്കാ​ൻ എ​ഫ്സി​ഐ​യു​മാ​യി ആ​ലോ​ചി​ച്ച് സൗ​ക​ര്യ​മൊ​രു​ക്കു​ന്ന​തി​നു പ​ക​രം റെ​യി​ൽ​വേ സ്റ്റേ​ഷ​നി​ൽ ഒ​രു​ക്കി​യ സൗ​ക​ര്യം ഏ​ക​പ​ക്ഷീ​യ​മാ​യി കൈ​യ​ട​ക്കി​യ​താ​ണ് ഇ​പ്പോ​ൾ യാ​ത്ര​ക്കാ​രു​ടെ പ്ര​തി​ഷേ​ധ​ത്തി​നി​ട​യാ​ക്കു​ന്ന​ത്.

Copyright @ 2022 , Rashtra Deepika Ltd.