24

ത​മി​ഴ്‌​നാ​ടിന്‍റെ രാ​ഷ്ട്രീ​യ ച​രി​ത്രം തി​രു​ത്തി​ക്കു​റി​ച്ച് മു​ഖ്യ​മ​ന്ത്രി ക​സേ​ര​യി​ലേ​ക്ക് വി​ജ​യ് ന​ട​ത്തി​യ യാ​ത്ര അ​ത്ര എ​ളു​പ്പ​മു​ള്ള​താ​യി​രു​ന്നി​ല്ല. കല്ലും മുള്ളും നിറഞ്ഞ ​കഠിനയാ​ത്ര​യെ ഏ​റ്റ​വും അ​ടു​ത്ത​റി​ഞ്ഞ വ്യ​ക്തി​യാ​ണ് അ​ദ്ദേ​ഹ​ത്തിന്‍റെ അ​മ്മ ശോ​ഭ ച​ന്ദ്ര​ശേ​ഖ​ര്‍. വി​ജ​യ്‌​യു​ടെ അ​മ്പ​ത്തി​ര​ണ്ടാം ജ​ന്മ​ദി​ന​ത്തി​ല്‍, മ​ക​ന്‍ രാ​ഷ്ട്രീ​യ​ത്തി​ലേ​ക്കു ചു​വ​ടുവ​ച്ച​പ്പോ​ഴു​ണ്ടാ​യ പ്ര​തി​സ​ന്ധി​ക​ളെ​ക്കു​റി​ച്ചും നേ​രി​ട്ട വെ​ല്ലു​വി​ളി​ക​ളെ​ക്കു​റി​ച്ചും അ​വ​ര്‍ മ​ന​സു​തു​റ​ക്കു​ക​യാ​ണ്.

ഒ​രു ദേശീയമാധ്യമത്തിനു നൽകിയ അ​ഭി​മു​ഖ​ത്തി​ല്‍ ശോ​ഭ ച​ന്ദ്ര​ശേ​ഖ​ര്‍ പ​റ​ഞ്ഞ വാ​ക്കുകൾ സി​നി​മ-​രാ​ഷ്ട്രീ​യ ലോ​ക​ത്ത് ശ്ര​ദ്ധേ​യ​മായി. സി​നി​മ​യി​ല്‍ തു​ട​ക്ക​മി​ട്ട കാ​ല​ത്തും വി​ജ​യ്ക്ക് വ​ലി​യ പി​ന്തു​ണ​യൊ​ന്നും ല​ഭി​ച്ചി​രു​ന്നി​ല്ല. നി​ര​ന്ത​ര​മാ​യ വി​മ​ര്‍​ശ​ന​ങ്ങ​ളെ​യും നെ​ഗ​റ്റീ​വു​ക​ളെ​യും പോ​സി​റ്റീ​വാ​ക്കി മാ​റ്റി​യാ​ണ് അ​വ​ന്‍ വി​ജ​യ​ത്തി​ലേ​ക്കു ന​ട​ന്നു ക​യ​റി​യ​തെന്നും ശോഭ.

"കനത്ത ഭ​യം തോ​ന്നി​യ കാ​ല​ഘ​ട്ട​മാ​യി​രു​ന്നു അ​ത്. വ​ള​രെ ബു​ദ്ധി​മു​ട്ടേ​റി​യ മേ​ഖ​ല​യി​ലേ​ക്കാ​ണ് അ​വ​ന്‍ ഇ​റ​ങ്ങി​ച്ചെ​ന്ന​ത്. എ​ങ്ങ​നെ കൈ​കാ​ര്യം ചെ​യ്യു​മെ​ന്ന് എ​നി​ക്ക​റി​യി​ല്ലാ​യി​രു​ന്നു. അ​വ​നു വ​ലി​യ പി​ന്തു​ണ​യൊ​ന്നും ഉ​ണ്ടാ​യി​രു​ന്നി​ല്ല. എ​ല്ലാം ഒ​റ്റ​യ്ക്കു നേ​രി​ടേ​ണ്ടിവ​ന്ന​ത് കാ​ര്യ​ങ്ങ​ള്‍ കൂ​ടു​ത​ല്‍ പ്ര​യാ​സ​ക​ര​മാ​ക്കി. വ​രാ​നി​രി​ക്കു​ന്ന വെ​ല്ലു​വി​ളി​ക​ളെ​ക്കു​റി​ച്ച് ന​ന്നാ​യി അ​റി​യാ​മാ​യി​രു​ന്നി​ട്ടും അ​വ​ന്‍ എ​ന്തി​നാ​ണ് ഈ ​വ​ഴി തെ​ര​ഞ്ഞെ​ടു​ത്ത​തെ​ന്ന് ഞാ​ന്‍ ചി​ന്തി​ച്ച നി​മി​ഷ​ങ്ങ​ളു​ണ്ട്. എ​ങ്കി​ലും എ​ന്‍റെ ഭ​യം ഞാ​ന്‍ അ​വ​നു​മാ​യി പ​ങ്കുവ​ച്ചി​ല്ല. ആ ​സ​മ​യ​ത്ത് അ​വ​ന്‍ വ​ല്ലാ​തെ സ​ങ്ക​ട​പ്പെ​ട്ടി​രു​ന്നു, എ​ങ്കി​ലും ഒ​ടു​വി​ല്‍ എ​ല്ലാ​റ്റി​നെ​യും അ​തി​ജീ​വി​ച്ച് അ​വ​ന്‍ മു​ന്നോ​ട്ടുപോ​വു​ക ത​ന്നെ ചെ​യ്തു...'

സി​നി​മ​യിൽ സജീവമായി നിൽക്കുന്പോഴാണ് 2024ൽ ദളപതി വിജയ് രാ​ഷ്ട്രീ​യ​ത്തി​ലേ​ക്ക് ഔ​ദ്യോ​ഗി​ക​മാ​യി പ്ര​വേ​ശി​ക്കു​ന്ന​ത്. തു​ട​ര്‍​ന്ന് ത​മി​ഴ്‌​നാ​ട് നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ വി​ജ​യ്‌​‌യുടെ പാ​ര്‍​ട്ടി​യാ​യ ത​മി​ഴ​ക വെ​ട്രി ക​ഴ​കം (ടിവികെ) 108 സീ​റ്റു​ക​ള്‍ നേ​ടി ച​രി​ത്ര വി​ജ​യം സ്വ​ന്ത​മാ​ക്കി. കോൺഗ്രസ് ഉൾപ്പെടെയുള്ള പാർട്ടികളുടെ പിന്തുണയോടെ വിജയ് മുഖ്യമന്ത്രിയാകുകയും ചെയ്തു. ദ്രാ​വി​ഡ രാ​ഷ്ട്രീ​യ​ത്തിന്‍റെ ആ​റു പ​തി​റ്റാ​ണ്ട് നീ​ണ്ട ച​രി​ത്ര​മാ​ണ് വി​ജ​യ്‌​‌യുടെ ​രാ​ഷ്ട്രീ​യപ്ര​വേ​ശ​നം തി​രു​ത്തി​ക്കു​റി​ച്ച​ത്.

Tags : vijay actor Chief Minister of Tamil Nadu Shoba Chandrasekhar Tamil Movie Kollywood TVK