ബംഗളൂരു: ബംഗളൂരുവിൽ ഒരു കുടുംബത്തിലെ മൂന്നു പേരെ കുത്തേറ്റ് മരിച്ചനിലയിൽ കണ്ടെത്തി. സോമസുന്ദർ (52), ഭാര്യ മുത്തുലക്ഷ്മി (48), ഇളയമകൾ സുപ്രിയ (19) എന്നിവരാണ് കൊല്ലപ്പെട്ടത്.
സംഭവത്തിനു പിന്നിൽ ഇവരുടെ മൂത്തമകളും ആൺസുഹൃത്തുമാണെന്ന് സംശയിക്കുന്നതായി പോലീസ് പറഞ്ഞു. ഇവർ ഒളിവിലാണ്.
സീഗനഹള്ളിക്കു സമീപമുള്ള അപ്പാർട്ട്മെന്റിൽ തിങ്കളാഴ്ച രാത്രിയാണ് സംഭവം. മൂത്തമകൾക്ക് യുവാവുമായുണ്ടായിരുന്ന ബന്ധത്തിൽ കൊല്ലപ്പെട്ട ദന്പതിമാർക്ക് എതിർപ്പുണ്ടായിരുന്നു. കഴിഞ്ഞ രണ്ടുമാസമായി ആൺസുഹൃത്തിനൊപ്പമായിരുന്നു യുവതിയുടെ താമസം.
Tags : Bengaluru Couple daughter killed