19

കേരളത്തിലെ തിയറ്ററുകളിൽ വൻ തരംഗം സൃഷ്ടിച്ചുകൊണ്ട് 'വാഴ 2' ബോക്സ് ഓഫീസിൽ തകർപ്പൻ മുന്നേറ്റം തുടരുന്നു. സാവിൻ സംവിധാനം ചെയ്ത് വിപിൻ ദാസ് രചന നിർവഹിച്ച ഈ ചിത്രം, വലിയ ഹൈപ്പുകളില്ലാതെ തിയറ്ററുകളിലെത്തി പിന്നീട് പ്രേക്ഷകരുടെ പ്രശംസയിലൂടെ വൻ വിജയമായി മാറുകയായിരുന്നു.

ഏപ്രിൽ രണ്ടിന് റിലീസ് ചെയ്ത ചിത്രം വെറും ഏഴ് ദിവസത്തിനുള്ളിൽ 100 കോടി ക്ലബ്ബിൽ ഇടംനേടുകയും നിലവിൽ 160 കോടി രൂപയും പിന്നിട്ട് പ്രദർശനം തുടരുകയുമാണ്. ഹാഷിർ ഉൾപ്പെടെയുള്ള സോഷ്യൽ മീഡിയ താരങ്ങളും മുതിർന്ന അഭിനേതാക്കളും അണിനിരന്ന ഈ ചിത്രം ആദ്യദിനം മുതൽ തന്നെ മികച്ച അഭിപ്രായമാണ് നേടിയത്.

ട്രാക്കിങ് റിപ്പോർട്ടുകൾ പ്രകാരം ആദ്യദിനം ഇന്ത്യയിൽ നിന്ന് 4.75 കോടിയും ആഗോളതലത്തിൽ ഏകദേശം 10 കോടിയുമാണ് ചിത്രം നേടിയത്. റിലീസിനു ശേഷമുള്ള 10 ദിവസങ്ങളിലും മികച്ച കളക്ഷൻ നിലനിർത്താൻ സിനിമയ്ക്ക് സാധിച്ചു. രണ്ടാം ഞായറാഴ്ചയായ ഏപ്രിൽ 12-ന് മാത്രം ഇന്ത്യയിൽ നിന്ന് 8.50 കോടി രൂപയാണ് ചിത്രം നേടിയത്.

11 ദിവസത്തെ പ്രദർശനം പൂർത്തിയാക്കുമ്പോൾ 163.50 കോടി രൂപയാണ് ആഗോളതലത്തിൽ ചിത്രം സ്വന്തമാക്കിയിരിക്കുന്നത്. ഇതിൽ ഇന്ത്യയിലെ ഗ്രോസ് കളക്ഷൻ 89.75 കോടി രൂപയും നെറ്റ് കളക്ഷൻ 77.50 കോടി രൂപയുമാണ്.

വിദേശ വിപണികളിൽ നിന്ന് 5.75 കോടി രൂപയും ചിത്രം ഇതിനകം നേടിയിട്ടുണ്ട്. ഏകദേശം 13 കോടി രൂപ ബജറ്റിൽ ഒരുങ്ങിയ ഈ ചിത്രം നിർമ്മാണച്ചെലവിനേക്കാൾ പതിന്മടങ്ങ് ലാഭം കൊയ്ത് മലയാള സിനിമയിലെ ഈ വർഷത്തെ ഏറ്റവും വലിയ വിജയങ്ങളിലൊന്നായി മാറിക്കഴിഞ്ഞു.

Tags : BoxOfficeSuccess Vaazha2 MalayalamCinema Vaazha2Collection 150CroreClub