19

ഒ​രു ഫി​ലിം ഇ​ന്‍​സ്റ്റി​റ്റ്യൂ​ട്ടി​ലും പ​ഠി​ക്കാ​തെ, ആ​രെ​യും അ​സി​സ്റ്റ് ചെ​യ്യാ​തെ പ്രേ​ക്ഷ​ക​രെ മ​ല​യാ​ള​ത്തി​ലെ എ​ക്കാ​ല​ത്തെ​യും മി​ക​ച്ച ടൈം ​ലൂ​പ്പ്, ടൈം ​ട്രാ​വ​ല്‍ കാ​ഴ്ച​ക​ളു​ടെ വി​സ്മ​യ​വ​ന​ത്തി​ലെ​ത്തി​ക്കു​ക​യാ​ണ് സം​ഭ​വം അ​ധ്യാ​യം ഒ​ന്നി​ലൂ​ടെ സം​വി​ധാ​യ​ക​ന്‍ ജി​ത്തു സ​തീ​ശ​ന്‍ മം​ഗ​ല​ത്ത്.

ജി​ത്തു ക​ഥ​യെ​ഴു​തി സം​വി​ധാ​നം​ചെ​യ്ത "സം​ഭ​വം’ എ​ന്ന ഷോ​ര്‍​ട്ട് ഫി​ലി​മി​ല്‍ നി​ന്നാ​ണ് ഈ ​സി​നി​മ​യു​ടെ പി​റ​വി. അ​സ്ക​ര്‍ അ​ലി, വി​നീ​ത്കു​മാ​ര്‍, സി​ദ്ധാ​ര്‍​ഥ് ഭ​ര​ത​ന്‍, അ​സീം ജ​മാ​ല്‍, സെ​ന്തി​ല്‍​കൃ​ഷ്ണ തു​ട​ങ്ങി​യ​വ​ര്‍ പ്ര​ധാ​ന വേ​ഷ​ങ്ങ​ളി​ലെ​ത്തു​ന്ന ചി​ത്രം മേ​ക്കിം​ഗ് മി​ക​വി​ല്‍ മ​ഹാ​സം​ഭ​വ​മാ​വു​ക​യാ​ണ്.

"മി​സ്റ്റ​റി ഫാ​ന്‍റ​സി ത്രി​ല്ല​ര്‍ ഇ​ഷ്ട​പ്പെ​ടു​ന്ന​വ​ര്‍​ക്കു​ള്ള സി​നി​മ​യാ​ണി​ത്. തി​യ​റ്റ​റി​ല്‍ ത​ന്നെ അ​നു​ഭ​വി​ച്ച​റി​യ​ണം. ആ ​രീ​തി​യി​ലാ​ണ് ഇ​തി​ന്‍റെ ശ​ബ്ദ​വും ദൃ​ശ്യ​ങ്ങ​ളു​മൊ​ക്കെ ഒ​രു​ക്കി​യി​ട്ടു​ള്ള​ത്’-​ജി​ത്തു പ​റ​യു​ന്നു.

സി​നി​മ​യി​ലെ തു​ട​ക്കം..?

ഏ​ഴു വ​ര്‍​ഷ​മാ​യി സി​നി​മ​യി​ലെ​ത്താ​നു​ള്ള ശ്ര​മ​ങ്ങ​ളി​ലാ​യി​രു​ന്നു. ബാ​ങ്കിം​ഗ് മേ​ഖ​ല​യി​ലാ​യി​രു​ന്നു ജോ​ലി. അ​ക്കാ​ല​ത്തു​ത​ന്നെ സം​വി​ധാ​ന സ​ഹാ​യി​യാ​കാ​ന്‍ ശ്ര​മി​ച്ചെ​ങ്കി​ലും ന​ട​ന്നി​ല്ല. ക​ഥ​ക​ളു​മാ​യി പ​ല നി​ര്‍​മാ​ണ​ക്ക​മ്പ​നി​ക​ളെ​യും സ​മീ​പി​ച്ചു. സി​നി​മ​യി​ലേ​ക്കു​ള്ള ച​വി​ട്ടു​പ​ടി എ​ന്ന രീ​തി​യി​ല്‍ ഷോ​ര്‍​ട്ട് ഫി​ലി​മു​ക​ള്‍ ചെ​യ്തു​തു​ട​ങ്ങി.

അ​തി​ൽ "സം​ഭ​വം’ എ​ന്ന ഷോ​ര്‍​ട്ട് ഫി​ലിം ശ്ര​ദ്ധ​നേ​ടി. അ​ങ്ങ​നെ ഫ​ഹ​ദ് എ​ന്ന നി​ര്‍​മാ​താ​വ് ഞ​ങ്ങ​ളെ സ​മീ​പി​ച്ചു. പ​ല ക​ഥ​ക​ളും ച​ര്‍​ച്ച​യാ​യി, അ​വ​സാ​നം "സം​ഭ​വ’​ത്തി​ന്‍റെ ത​ന്നെ വി​പു​ലീ​ക​രി​ച്ച ക​ഥ സി​നി​മ​യാ​ക്കാ​ന്‍ തീ​രു​മാ​നി​ച്ചു. വാ​സ്ത​വ​ത്തി​ല്‍ സം​ഭ​വ​ത്തി​ന്‍റെ ആ​ശ​യം സി​നി​മ​യ്ക്കു​വേ​ണ്ടി​ത്ത​ന്നെ​യാ​യി​രു​ന്നു. അ​തി​ന്‍റെ ഒ​രു ഭാ​ഗ​മെ​ടു​ത്താ​ണു ഷോ​ര്‍​ട്ട് ഫി​ലിം ചെ​യ്ത​ത്.

ഷോ​ര്‍​ട്ട് ഫി​ലി​മി​ല്‍ നി​ന്നു സി​നി​മ​യു​ണ്ടാ​ക്കാ​നു​ള്ള ആ​ത്മ​വി​ശ്വാ​സം..?

15 മി​നി​റ്റു​ള്ള സി​നി​മ എ​ന്ന രീ​തി​യി​ലാ​ണ് ഞാ​ന്‍ ഷോ​ര്‍​ട്ട് ഫി​ലി​മി​നെ കാ​ണു​ന്ന​ത്. അ​ല്‍​ഫോ​ണ്‍​സ് പു​ത്ര​ന്‍റെ "നേ​രം’, പ്ര​ദീ​പ് രം​ഗ​നാ​ഥ​ന്‍റെ "ല​വ് റ്റു​ഡേ’​എ​ന്നി​വ​യൊ​ക്കെ ആ​ദ്യം ഷോ​ര്‍​ട്ട്ഫി​ലി​മു​ക​ളാ​യി​രു​ന്നു. അ​തു​ത​ന്നെ​യാ​യി​രു​ന്നു ആ​ത്മ​വി​ശ്വാ​സം. ക​ഥ​പ​റ​ച്ചി​ലി​ന്‍റെ ഒ​രു ഘ​ട്ട​ത്തി​ല്‍ നി​ര്‍​ത്തി​വ​ച്ച നി​ല​യി​ലാ​യി​രു​ന്നു "സം​ഭ​വം’ ഷോ​ര്‍​ട്ട്ഫി​ലിം. ബാ​ക്കി അ​റി​യാ​നു​ള്ള ആ​കാം​ക്ഷ ആ ​സ​മ​യ​ത്തു​ത​ന്നെ പ്രേ​ക്ഷ​ക​രി​ല്‍ നി​ന്നു​ണ്ടാ​യി. അ​തു സി​നി​മ​യാ​യി കാ​ണ​ണ​മെ​ന്ന ക​മ​ന്‍റു​ക​ളു​മു​ണ്ടാ​യി. അ​തൊ​ക്കെ ക​ണ്ട​പ്പോ​ള്‍ ഒ​ന്നു ശ്ര​മി​ച്ചു നോ​ക്കാ​മെ​ന്നു തീ​രു​മാ​നി​ച്ചു.

ക​ഥാ​പ​ശ്ചാ​ത്ത​ലം..?

കേ​ര​ള-​ത​മി​ഴ്നാ​ട് അ​തി​ര്‍​ത്തി​ലെ ഒ​രു വ​ന​പ്ര​ദേ​ശം. ആ ​കാ​ടി​നു​ള്ളി​ല്‍ ക​യ​റി​യ​വ​രാ​രും ഇ​തേ​വ​രെ ജീ​വ​നോ​ടെ പു​റ​ത്തി​റ​ങ്ങി​യി​ട്ടി​ല്ല. കാ​ണാ​താ​യ ഒ​രു ത​മി​ഴ്നാ​ട് പോ​ലീ​സ് ഉ​ദ്യോ​ഗ​സ്ഥ​നെ അ​ന്വേ​ഷി​ച്ച് മൂ​ന്ന് കേ​ര​ള പോ​ലീ​സു​കാ​ര്‍ ആ ​വ​ന​ത്തി​ലേ​ക്കു പ്ര​വേ​ശി​ക്കു​ന്നു. അ​ന്വേ​ഷ​ണ​ത്തി​നി​ടെ അ​വ​ര്‍​ക്കു ടൈം ​ലൂ​പ്പ്, ടൈം ​ട്രാ​വ​ല്‍ തു​ട​ങ്ങി​യ വി​ചി​ത്ര പ്ര​തി​ഭാ​സ​ങ്ങ​ള്‍ നേ​രി​ടേ​ണ്ടി​വ​രു​ന്നു. ആ ​കാ​ടി​നു​ള്ളി​ല്‍ എ​ന്താ​ണു സം​ഭ​വി​ക്കു​ന്ന​ത് എ​ന്ന​തി​ന്‍റെ ഉ​ത്ത​ര​മാ​ണു സി​നി​മ പ​റ​യു​ന്ന​ത്.

ക​ഥ​യി​ലേ​ക്കു ടൈം ​ലൂ​പ്പ്, ടൈം ​ട്രാ​വ​ല്‍ കൊ​ണ്ടു​വ​ന്ന​ത്..?

അ​ത്ത​രം ജോ​ണ​റി​ലു​ള്ള ചു​രു​ളി, ട്ര​യാ​ങ്കി​ള്‍, ടൈം ​ക്രൈം​സ് തു​ട​ങ്ങി​യ സി​നി​മ​ക​ളും ഡാ​ര്‍​ക്ക്, ലോ​സ്റ്റ് എ​ന്നീ സീ​രീ​സു​ക​ളു​മൊ​ക്കെ ഏ​റെ​യി​ഷ്ട​മാ​ണ്. അ​ത്ത​രം ഒ​രു സി​നി​മ ചെ​യ്യ​ണ​മെ​ന്ന് ആ​ഗ്ര​ഹി​ച്ചു​ത​ന്നെ ചെ​യ്ത​താ​ണ്. ടൈം ​ട്രാ​വ​ല്‍ ബ്രാ​ഞ്ച് തി​യ​റി​യും ഇ​തി​ല്‍ ഉ​പ​യോ​ഗി​ച്ചി​ട്ടു​ണ്ട്.

കാ​സ്റ്റിം​ഗി​ല്‍ ശ്ര​ദ്ധി​ച്ച​ത്..‍?

എ​ന്‍റെ സു​ഹൃ​ത്തി​ന്‍റെ സു​ഹൃ​ത്താ​ണ് അ​സ്ക​ര്‍ അ​ലി. ഞ​ങ്ങ​ള്‍ നേ​ര​ത്തേ​ത​ന്നെ പ​ല ക​ഥ​ക​ളും സം​സാ​രി​ച്ചി​രു​ന്നു. ഇ​തി​ലെ കേ​ന്ദ്ര ക​ഥാ​പാ​ത്രം അ​സ്ക​ര്‍ ചെ​യ്താ​ല്‍ ന​ന്നാ​യി​രി​ക്കു​മെ​ന്നു തോ​ന്നി. വി​നീ​ത്കു​മാ​റി​ന്‍റെ ക​ഥാ​പാ​ത്രം റെ​ജി കു​റ​ച്ച് ധാ​ര്‍​ഷ്ട്യ​മു​ള്ള പോ​ലീ​സ് ഉ​ദ്യോ​ഗ​സ്ഥ​നാ​ണ്. നി​ല​വി​ല്‍ അ​ത്ത​രം വേ​ഷ​ങ്ങ​ള്‍ ചെ​യ്യാ​ത്ത ഒ​രാ​ള്‍ എ​ന്ന രീ​തി​യി​ലാ​ണ് വി​നീ​തി​നെ സ​മീ​പി​ച്ച​ത്.

സി​ദ്ധാ​ര്‍​ഥ് ഭ​ര​ത​ന്‍റേ​ത് ഏ​റെ നി​ഗൂ​ഢ​ത​ക​ളു​ള്ള ക​ഥാ​പാ​ത്ര​മാ​ണ്. അ​യാ​ളു​ടെ ക​ഥ​പ​റ​ച്ചി​ലി​ലാ​ണ് വ​ന​ത്തി​ല്‍ എ​ന്താ​ണു സം​ഭ​വി​ക്കു​ന്ന​തെ​ന്നു പ്രേ​ക്ഷ​ക​ര്‍ അ​റി​യു​ന്ന​ത്. ന​റേ​ഷ​നി​ല്‍ ഗം​ഭീ​ര​മാ​യി പെ​ര്‍​ഫോം ചെ​യ്യു​ന്ന ഒ​രു ന​ട​ന്‍ ത​ന്നെ ആ ​വേ​ഷം ചെ​യ്യ​ണം എ​ന്നു​ണ്ടാ​യി​രു​ന്നു.

"ഭ്ര​മ​യു​ഗ’​ത്തി​ല്‍ സി​ദ്ധാ​ര്‍​ഥി​ന്‍റെ പ്ര​ക​ട​നം ന​മ്മ​ള്‍ ക​ണ്ട​താ​ണ്. അ​തു​മാ​യി യാ​തൊ​രു ബ​ന്ധ​വു​മി​ല്ലാ​ത്ത രീ​തി​യി​ല്‍ അ​ദ്ദേ​ഹം ഈ ​വേ​ഷം മി​ക​വു​റ്റ​താ​ക്കി. പോ​ലീ​സ് ഇ​ന്‍​സ്പെ​ക്ട​ര്‍ ക​ഥാ​പാ​ത്രം ചെ​യ്ത അ​സീം ജ​മാ​ലി​ന്‍റെ​യും ഗം​ഭീ​ര പെ​ര്‍​ഫോ​മ​ന്‍​സാ​ണ്.

വ​ലി​യ താ​ര​ങ്ങ​ളെ കാ​സ്റ്റ് ചെ​യ്യാ​ന്‍ ശ്ര​മി​ച്ചി​രു​ന്നോ..?

വ​ലി​യ സ്റ്റാ​ര്‍ കാ​സ്റ്റി​ല്ലാ​തെ​ത​ന്നെ ക​ഥ പ​റ​യ​ണം എ​ന്നു തീ​രു​മാ​നി​ച്ചി​രു​ന്നു. വ​ലി​യ കാ​സ്റ്റിം​ഗി​ലേ​ക്കു പോ​യി​രു​ന്നെ​ങ്കി​ല്‍ ചി​ല​പ്പോ​ള്‍ ഇ​പ്പോ​ഴ​ത്തെ റി​സ​ള്‍​ട്ട് ഉ​ണ്ടാ​ക​ണ​മെ​ന്നു​മി​ല്ല. നാ​യ​ക ക​ഥാ​പാ​ത്രം സാ​ധാ​ര​ണ​ക്കാ​ര​നാ​യി​ത്ത​ന്നെ ഫീ​ല്‍ ചെ​യ്യ​ണം എ​ന്നു​ണ്ടാ​യി​രു​ന്നു.

പ​റ​ങ്കി​ക​ളു​ടെ വ​ര​വും കാ​ക്ക​മ​നു​ഷ്യ​നും തി​ക​ച്ചും ഭാ​വ​ന​യാ​ണോ..‍?

പ​റ​ങ്കി​ക​ളു​ടെ ക​ഥ​യൊ​ക്കെ ഭാ​വ​ന ത​ന്നെ​യാ​ണ്. വ​ന​ത്തി​ലെ കാ​ക്ക​മ​നു​ഷ്യ​ന്‍റെ പ്ര​തി​മ കാ​ക്ക​യു​ടെ ത​ല​യും മ​നു​ഷ്യ​ന്‍റെ ഉ​ട​ലു​മു​ള്ള കാ​ക ഭൂ​ശു​ണ്ഡി എ​ന്ന പു​രാ​ണ ക​ഥാ​പാ​ത്ര​ത്തി​ന്‍റെ റ​ഫ​റ​ന്‍​സ് എ​ടു​ത്ത് ആ​ര്‍​ട്ട് വി​ഭാ​ഗം രൂ​പ​പ്പെ​ടു​ത്തി​യ​താ​ണ്. അ​തി​നു സ​മ​യ​ത്തെ നി​യ​ന്ത്രി​ക്കു​ന്ന ദൈ​വം എ​ന്ന സ​ങ്ക​ല്പ​വു​മാ​യി ബ​ന്ധ​മു​ണ്ട്. ഈ ​ക​ഥാ​പാ​ത്ര​ത്തി​നു വ​ര്‍​ത്ത​മാ​ന​കാ​ല​ത്തി​ല്‍​നി​ന്നു ഭൂ​ത​കാ​ല​ത്തി​ലേ​ക്കും ഭാ​വി​കാ​ല​ത്തി​ലേ​ക്കും ഒ​രേ​സ​മ​യം സ​ഞ്ച​രി​ക്കാ​നാ​വും. കാ​ക ഭൂ​ശു​ണ്ഡി മ​ഹാ​ഭാ​ര​ത​യു​ദ്ധ​വും രാ​മാ​യ​ണ​വും പ​ല ത​വ​ണ ക​ണ്ടി​ട്ടു​ണ്ട്. ഓ​രോ ത​വ​ണ​യും ഓ​രോ രീ​തി​യി​ലാ​ണു ക​ണ്ട​തെ​ന്നു​മാ​ത്രം.

ഇ​ത്ത​രം ടൈം ​ലൂ​പ്പ് സി​നി​മ​ക​ള്‍ എ​ല്ലാ​ത്ത​രം പ്രേ​ക്ഷ​ക​ര്‍​ക്കും ദ​ഹി​ക്കു​മോ..?

നെ​റ്റ്ഫ്ളി​ക്സും ആ​മ​സോ​ണു​മൊ​ക്കെ ഇ​വി​ട​ത്തെ പ്രേ​ക്ഷ​ക​രു​ടെ കൈ​ക്കു​മ്പി​ളി​ല​ല്ലേ. വെ​ബ്സീ​രീ​സു​ക​ളാ​യ ഡാ​ര്‍​ക്ക് വ്യൂ​വും ട്വ​ല്‍​വ് മ​ങ്കീ​സു​മൊ​ക്കെ ക​ണ്ടു​ശീ​ലി​ച്ച പ്രേ​ക്ഷ​ക​രെ സം​ബ​ന്ധി​ച്ചി​ട​ത്തോ​ളം ഇ​തു ഗ്ര​ഹി​ച്ചെ​ടു​ക്കാ​ന്‍ വ​ലി​യ ബു​ദ്ധി​മു​ട്ടു​ണ്ടെ​ന്നു തോ​ന്നു​ന്നി​ല്ല. 75 ശ​ത​മാ​ന​ത്തി​ലേ​റെ​യും പോ​സി​റ്റീ​വ് പ്ര​തി​ക​ര​ണ​ങ്ങ​ളാ​ണു വ​ന്നു​കൊ​ണ്ടി​രി​ക്കു​ന്ന​ത്.

മേ​ക്കിം​ഗി​ലെ വെ​ല്ലു​വി​ളി..?

പാ​ല​ക്കാ​ട് ധോ​ണി​യി​ലെ കാ​ടി​നു​ള്ളി​ലാ​യി​രു​ന്നു ചി​ത്രീ​ക​ര​ണം. രാ​വി​ലെ ഏ​ഴു മ​ണി​ക്കു സൂ​ര്യ​പ്ര​കാ​ശ​മെ​ത്തും. അ​ഞ്ച​ര​യോ​ടെ വെ​ളി​ച്ചം മ​ങ്ങും. ഫോ​റ​സ്റ്റ് അ​നു​മ​തി ആ​റു വ​രെ. മി​ക്ക​വാ​റും ദി​വ​സ​ങ്ങ​ളി​ല്‍ ഉ​ച്ച ക​ഴി​യു​ന്ന​തോ​ടെ ഷൂ​ട്ടിം​ഗി​നു വെ​ല്ലു​വി​ളി​യാ​യി മ​ഴ​യെ​ത്തു​മാ​യി​രു​ന്നു. അ​തു മു​ന്നി​ല്‍​ക്ക​ണ്ട് എ​ല്ലാ​വ​രും ഒ​ന്നി​ച്ചു​നി​ന്ന് ടീം ​വ​ര്‍​ക്കി​ല്‍ പ​ര​മാ​വ​ധി വേ​ഗ​ത്തി​ല്‍ ഷൂ​ട്ടിം​ഗ് തീ​ര്‍​ത്തു.

ഞെ​ട്ടി​യു​ണ​രു​ന്ന അ​സ്ക​റി​ന്‍റെ ക​ഥാ​പാ​ത്രം ത​രു​ന്ന വ്യാ​ഖ്യാ​ന​മെ​ന്താ​ണ്..?

കാ​ണി​ക​ള്‍​ക്കു തോ​ന്നു​ന്ന രീ​തി​യി​ല്‍ വ്യാ​ഖ്യാ​നി​ക്കാം. അ​യാ​ള്‍ അ​തു​വ​രെ ക​ണ്ട​തെ​ല്ലാം ഒ​രു സ്വ​പ്ന​മാ​ണെ​ന്നു ചി​ന്തി​ക്കാം. പു​തി​യ​താ​യി ഉ​ണ്ടാ​കു​ന്ന ടൈം ​ലൈ​നി​ല്‍ ഇ​ങ്ങ​നെ​യാ​ണു സം​ഭ​വി​ച്ച​തെ​ന്നു ക​രു​താം. ചു​രു​ളി​യി​ലേ​തു​പോ​ലെ ഓ​രോ പ്രേ​ക്ഷ​ക​നും എ​ന്താ​ണോ കി​ട്ടു​ന്ന​ത് അ​താ​ണു ക​ഥ.

സാ​ങ്കേ​തി​ക​വി​ഭാ​ഗ​ത്തി​ന്‍റെ പി​ന്തു​ണ..‍?

എ​ഡി​റ്റ​ര്‍ അ​ര്‍​ജു​ന്‍ പ്ര​കാ​ശും മ്യൂ​സി​ക് ഡ​യ​റ​ക്ട​ര്‍ ഗോ​ഡ്‌​വി​ന്‍ തോ​മ​സും ഷോ​ര്‍​ട്ട് ഫി​ലി​മി​ല്‍ പ്ര​വ​ര്‍​ത്തി​ച്ച​വ​ര്‍ ത​ന്നെ​യാ​ണ്. ഛാ യാ​ഗ്ര​ഹ​ണം ന​വീ​ന്‍ ന​ജോ​സ്. മെ​ല്‍​ബി​ന്‍ മാ​ത്യു, അ​നൂ​പ് മോ​ഹ​ന്‍ എ​ന്നി​വ​രാ​ണു ചീ​ഫ് അ​സോ​സി​യേ​റ്റ്സ്. എ​ല്ലാ​വ​രു​ടെ​യും കൂ​ട്ടാ​യ പി​ന്തു​ണ പ്ര​തി​സ​ന്ധി​ഘ​ട്ട​ത്തി​ലും ചി​ത്രീ​ക​ര​ണം അ​നാ​യാ​സ​മാ​ക്കി. വി​വി​ധ ഘ​ട്ട​ങ്ങ​ളി​ല്‍ പെ​ട്ടു​പോ​യ ആ​ളു​ക​ളു​ടെ ശ​ബ്ദം ഉ​ള്‍​പ്പെ​ടെ കാ​ടി​നു​ള്ളി​ലെ മു​ഴ​ക്ക​ങ്ങ​ള്‍ തി​ര​ക്ക​ഥ​യി​ലു​ണ്ട്. അ​തു രൂ​പ​ക​ല്പ​ന​ചെ​യ്ത് സി​നി​മ​യെ മ​റ്റൊ​രു ത​ല​ത്തി​ലേ​ക്ക് ഉ​യ​ര്‍​ത്തി​യ​തി​ല്‍ സൗ​ണ്ട് ഡി​സൈ​ന​റാ​യ വി​ഷ്ണു ഗോ​വി​ന്ദി​ന്‍റെ ഇ​ന്‍​പു​ട്സ് നി​ര്‍​ണാ​യ​ക​മാ​യി.

സം​ഭ​വം അ​ധ്യാ​യം ര​ണ്ട് ആ​ണോ അ​ടു​ത്ത സി​നി​മ..?

ഒ​രു ഓ​പ്പ​ണ്‍ എ​ന്‍​ഡി​ലാ​ണ് ഇ​തി​ന്‍റെ ക​ഥ നി​ര്‍​ത്തി​യി​രി​ക്കു​ന്ന​ത്. അ​ടു​ത്ത ഭാ​ഗ​ങ്ങ​ള്‍​ക്കു സാ​ധ്യ​ത​യു​ണ്ടെ​ന്നു വി​ശ്വ​സി​ക്കു​ന്നു. അ​ധ്യാ​യം ര​ണ്ടി​ന്‍റെ എ​ഴു​ത്തി​ലാ​ണ്. വേ​റെ ഒ​ന്നു ര​ണ്ട് സി​നി​മ​ക​ളു​ടെ ആ​ശ​യ​ങ്ങ​ളു​മു​ണ്ട്. മി​സ്റ്റ​റി, ഫാ​ന്‍റ​സി, സൈ ​ഫൈ ജോ​ണ​റു​ക​ളി​ലു​ള്ള പ​രീ​ക്ഷ​ണ സി​നി​മ​ക​ള്‍ ചെ​യ്യാ​നാ​ണു താ​ത്പ​ര്യം.

Tags : Jithu Satheesan Mangalathu sambhavan adhayam onnu movie interview