4

താ​ര​സം​ഘ​ട​ന​യാ​യ അ​മ്മ​യി​ല്‍ ത​ര്‍​ക്കം രൂ​ക്ഷ​മാ​യി പ​ശ്ചാ​ത്ത​ല​ത്തി​ല്‍ ശ്വേ​ത മേ​നോ​നും ര​മേ​ഷ് പി​ഷാ​ര​ടി​യും ത​മ്മി​ലു​ള്ള ലീ​ക്കാ​യ ഫോ​ണ്‍ സം​ഭാ​ഷ​ണം കോ​ളി​ള​ക്കം സൃ​ഷ്ടി​ക്കു​ന്നു. വ​ള​രെ മോ​ശ​മാ​യ രീ​തി​യി​ല്‍ പ​ല താ​ര​ങ്ങ​ളും പെ​രു​മാ​റി എ​ന്നാ​ണ് ശ്വേ​ത പ​റ​ഞ്ഞ​ത്. ബാ​ബു​രാ​ജും സി​ദ്ദി​ഖും പ​റ​ഞ്ഞ​ത് ഒ​രു പെ​ണ്ണും കേ​ട്ടു​നി​ല്‍​ക്കി​ല്ല, അ​നൂ​പ് ച​ന്ദ്ര​ന്‍ അ​ടി​ക്കാ​ന്‍ പോ​യി എ​ന്ന​ത​ട​ക്കം പ​റ​യു​ന്ന​താ​ണ് ശ്വേ​ത​യു​ടെ ഓ​ഡി​യോ.

എ​ന്നാ​ല്‍ ഓ​ഡി​യോ ക്ലി​പ്പ് അ​ജ​ണ്ട​യോ​ടെ​യാ​ണ് പു​റ​ത്തു​വി​ട്ട​തെ​ന്നും ശ്വേ​ത​യു​ടെ ന​ട​പ​ടി വ​ള​രെ മോ​ശ​മാ​ണെ​ന്നും ഇ​ന്ന് രാ​വി​ലെ ന​ട​ന്ന വാ​ര്‍​ത്താ​സ​മ്മേ​ള​ന​ത്തി​ല്‍ മാ​ലാ പാ​ര്‍​തി​യും ഉ​ഷ ഹ​സീ​ന​യും പ​റ​ഞ്ഞു. ഓ​ഡി​യോ ക്ലി​പ്പി​ല്‍ പ​ല ഭാ​ഗ​ത്തും അ​വ​ര് സം​സാ​രി​ച്ച​ത് മ്യൂ​ട്ട് ചെ​യ്തി​ട്ടു​ണ്ട്. പി​ഷാ​ര​ടി സം​സാ​രി​ച്ച​ത് മാ​ത്ര​മാ​ണ് മു​ഴു​വ​നാ​യി ന​ല്‍​കി​യി​ട്ടു​ള്ള​ത്. അ​ത് വ​ള​രെ മോ​ശ​മാ​യ കാ​ര്യ​മാ​ണ്. അ​തൊ​രു ക്രൈം ​ആ​ണ്.

എ​ല്ലാ ഓ​ഡി​യോ, വീ​ഡി​യോ ക്ലി​പ്പു​ക​ളു​മു​ണ്ടെ​ന്നാ​ണ് അ​വ​ര്‍ പ​റ​യു​ന്ന​ത്. അ​തൊ​ക്കെ തെ​റ്റാ​യ രീ​തി​യാ​ണ്. പ​ല സാ​ഹ​ച​ര്യ​ത്തി​ലും പ​ല​തും അ​വ​രോ​ട് പ​ല​ര്‍​ക്കും സം​സാ​രി​ക്കേ​ണ്ട​താ​യി വ​ന്നി​ട്ടു​ണ്ട്. അ​തൊ​ക്കെ റെ​ക്കോ​ര്‍​ഡ് ചെ​യ്ത് വ​ച്ച് അ​തെ​ന്റെ കൈ​യ്യി​ല്‍ ഉ​ണ്ടെ​ന്ന് പ​റ​ഞ്ഞ് ഭീ​ഷ​ണി​പ്പെ​ടു​ത്തു​ന്ന​തും ശ​രി​യ​ല്ല എ​ന്ന് ഉ​ഷ ഹ​സീ​ന പ​റ​ഞ്ഞു. ര​മേ​ഷ് പി​ഷാ​ര​ടി​യു​ടെ ഫോ​ണ്‍ സം​ഭാ​ഷ​ണം അ​ജ​ണ്ട​യോ​ടു കൂ​ടി അ​വ​ര്‍ പു​റ​ത്തു​വി​ട്ടു. ഒ​രാ​ള്‍ കൂ​ടി ആ ​ഫോ​ണ്‍ കോ​ളി​ല്‍ ഉ​ണ്ടാ​യി​രു​ന്നു എ​ന്ന് മാ​ലാ പാ​ര്‍​വ​തി പ​റ​ഞ്ഞു.

അ​തേ​സ​മ​യം, ജ​ന​റ​ല്‍ ബോ​ഡി​യി​ല്‍ ത​ന്നെ അ​പ​മാ​നി​ച്ച​തി​ന് തെ​ളി​വു​ക​ള്‍ ഉ​ണ്ട് എ​ന്നാ​യി​രു​ന്നു ശ്വേ​ത ഓ​ഡി​യോ​യി​ല്‍ പ​റ​ഞ്ഞ​ത്. ക​ണ​ക്കു​ക​ള്‍ അ​വ​ത​രി​പ്പി​ക്കാ​ന്‍ അ​നു​വ​ദി​ച്ചി​ല്ല. മീ​റ്റിം​ഗ് തു​ട​ങ്ങി​യ​പ്പോ​ള്‍ ത​ന്നെ ബാ​ബു​രാ​ജ് ബ​ഹ​ളം ഉ​ണ്ടാ​ക്കി. നി​ര​വ​ധി സ്ത്രീ​ക​ള്‍ ത​ന്നെ വി​ളി​ച്ച് ഇ​തി​ല്‍ വി​ഷ​മം പ​റ​ഞ്ഞു. സ്ത്രീ​ക​ള്‍​ക്ക് സം​സാ​രി​ക്കാ​ന്‍ പ​റ്റാ​ത്ത ഒ​രു സ്ഥാ​പ​ന​മാ​യി അ​മ്മ മാ​റി. സം​ഘ​ട​ന​യെ ഓ​ര്‍​ത്താ​ണ് താ​ന്‍ ഇ​ത്ര​യും ദി​വ​സ​വും മി​ണ്ടാ​തെ ഇ​രു​ന്ന​ത് നി​ര​പ​രാ​ധി​ത്വം തെ​ളി​യി​ക്കാ​നും ക​ണ​ക്ക് അ​വ​ത​രി​പ്പി​ക്കാ​നും അ​വ​സ​രം ത​ര​ണ​മെ​ന്ന് ശ്വേ​ത ആ​വ​ശ്യ​പ്പെ​ട്ടു.

മോ​ഹ​ന്‍​ലാ​ല്‍ പ്ര​സി​ഡ​ന്റ് ആ​യി​രു​ന്ന​പ്പോ​ഴു​ള്ള ച​ട്ട​മ​ല്ല താ​ന്‍ പ്ര​സി​ഡ​ന്റാ​യ​പ്പോ​ള്‍ എ​ന്നും ശ്വേ​ത കു​റ്റ​പ്പെ​ടു​ത്തി. നി​ങ്ങ​ള്‍​ക്ക് പ​റ​യാ​നു​ള്ള അ​വ​സ​രം ഉ​ണ്ടാ​ക്കി​യി​രി​ക്കു​മെ​ന്ന് ര​മേ​ഷ് പി​ഷാ​ര​ടി ഉ​റ​പ്പ് ന​ല്‍​കു​ന്നു​മു​ണ്ട്. ജ​ന​റ​ല്‍ ബോ​ഡി യോ​ഗ​ത്തി​ല്‍ എ​ങ്ങ​നെ​യു​ള്ള വാ​ക്കു​ക​ളാ​ണ് അ​വ​ര്‍ പ​റ​ഞ്ഞ​ത് എ​ന്ന് തെ​ളി​യി​ക്കാ​നു​ള്ള ഒ​രു​പാ​ട് വീ​ഡി​യോ​സ് ത​ന്റെ പ​ക്ക​ലു​ണ്ട് എ​ന്ന് ശ്വേ​ത മ​റു​പ​ടി ന​ല്‍​കു​ന്നു.

ഒ​രു സ്ത്രീ ​ഏ​ഴ് മ​ണി​ക്കൂ​ര്‍ സ്റ്റേ​ജി​ല്‍ അ​ശ്ലീ​ല വാ്കു​ക​ള്‍ കേ​ട്ടു. ബാ​ബു​രാ​ജ്, ഇ​ട​വേ​ള ബാ​ബു, സി​ദ്ദി​ഖ്, സു​രേ​ഷ് കൃ​ഷ്ണ, സാ​ദി​ഖ്, അ​പ്പ ഹാ​ജ, മ​ജീ​ദ്, മാ​ലാ പാ​ര്‍​വ​തി, മാ​യ വി​ശ്വ​നാ​ഥ് എ​ന്നി​വ​രെ​ല്ലാം പ​റ​യു​ന്ന വീ​ഡി​യോ​യും ഓ​ഡി​യോ​യും എ​ന്റെ കൈ​യ്യി​ലു​ണ്ട്. മീ​റ്റിം​ഗ് തു​ട​ങ്ങു​ന്ന​തി​ന് മു​മ്പു ത​ന്നെ ബാ​ബു​രാ​ജ് തു​ട​ങ്ങി. ബാ​ബു​രാ​ജി​ന്റെ​യും സി​ദ്ദി​ഖി​ന്റെ​യും വാ​ക്കു​ക​ള്‍, സ്ത്രീ​ക​ള്‍​ക്ക് ഒ​ച്ച​യു​ണ്ടാ​ക്കാ​ന്‍ പ​റ്റാ​ത്ത സ്ഥാ​പ​ന​മാ​യി മാ​റി​യി​ട്ടു​ണ്ട്.

അ​മ്മ​യ്ക്ക് വേ​ണ്ടി മാ​ത്ര​മാ​ണ് ഇ​തു​വ​രെ ഒ​ന്നും പ​റ​യാ​തി​രു​ന്ന​ത് എ​ന്ന് ശ്വേ​ത പ​റ​യു​ന്നു. സ്ത്രീ​ക​ള്‍​ക്ക് മി​ണ്ടാ​ന്‍ പ​റ്റാ​ത്ത സ്ഥ​ലം എ​ന്ന് നി​ങ്ങ​ള്‍ പ​റ​യു​ന്നി​ട​ത്ത് എ​ല്ലാം സ്ത്രീ​ക​ളാ​ണു​ള്ള​ത് എ​ന്ന് ര​മേ​ഷ് പി​ഷാ​ര​ടി മ​റു​പ​ടി പ​റ​യു​ന്നു​ണ്ട്. സ്ത്രീ ​വ​ന്ന​പ്പോ​ള്‍ എ​ല്ലാം പോ​യി എ​ന്ന് പൊ​തു​ജ​ന​ങ്ങ​ള്‍​ക്കി​ട​യി​ല്‍ അ​ഭി​പ്രാ​യ​മാ​യി​ല്ലേ. എ​ല്ലാം പ​ഴ​യ ക​മ്മി​റ്റി​ക്ക് തി​രി​ച്ചു​കൊ​ടു​ക്കു​മെ​ന്ന് പ​റ​യാ​ന്‍ പ​റ്റി​ല്ല, കാ​ര​ണം ജ​ന​റ​ല്‍ ബോ​ഡി​ക്കേ അ​തി​നു​ള്ള അ​ധി​കാ​ര​മു​ള്ളൂ എ​ന്നും പി​ഷാ​ര​ടി പ​റ​യു​ന്നു​ണ്ട്.

്അ​മ്മ​യു​ടെ ബൈ​ലോ പ്ര​കാ​രം അ​ഡ്ഹോ​ക് ക​മ്മി​റ്റി ഉ​ണ്ടാ​ക്കാ​ന്‍ പ​റ്റു​മോ എ​ന്ന് ശ്വേ​ത ചോ​ദി​ച്ചു. ലാ​ലേ​ട്ട​ന്റെ ക​മ്മി​റ്റി അ​ഡ്ഹോ​ക് ആ​യ​പ്പോ​ള്‍ റൂ​ള്‍ വേ​റെ. ഞ​ങ്ങ​ള്‍​ക്ക് റൂ​ള്‍ വേ​റെ. കൊ​ല്ലം തു​ള​സി ഞ​ങ്ങ​ള്‍​ക്ക് വേ​ണ്ടി സം​സാ​രി​ച്ച​പ്പോ​ള്‍ മൈ​ക്ക് എ​ന​തി​നാ​ണ് സി​ദ്ദി​ഖ് പി​ടി​ച്ചു വാ​ങ്ങി​യ​ത്, അ​നൂ​പ് ച​ന്ദ്ര​ന്‍ എ​ന്തി​നാ അ​ടി​ക്കാ​ന്‍ പോ​യ​ത്, മ​ല്ലി​ക സു​കു​മാ​ര​ന്റെ കൈ​യ്യി​ല്‍ നി​ന്ന് എ​ന്തി​നാ​ണ് മൈ​ക്ക് പി​ടി​ച്ചു​വ​ലി​ച്ച​ത് എ​ന്നും ശ്വേ​ത മേ​നോ​ന്‍ ചോ​ദി​ക്കു​ന്ന​തും ഓ​ഡി​യോ​യി​ലു​ണ്ട്.

Tags : Shwetha agenda Leaked phone conversation audio