പ്രതീകാത്മക ചിത്രം
മാനന്തവാടി: മാനന്തവാടിയില് വാടക വീട്ടില് രാത്രി അതിക്രമിച്ചു കയറി ലക്ഷങ്ങള് വിലമതിക്കുന്ന സ്വര്ണാഭരണം കവര്ന്ന മോഷ്ടാവ് പിടിയിൽ. കോഴിക്കോട് കുന്ദമംഗലം സ്വദേശി എം. മുഹമ്മദലി (67)
ആണ് പിടിയിലായത്.
സംഭവം നടന്ന് ദിവസങ്ങള്ക്കുള്ളില് മാനന്തവാടി പോലീസ് മുഹമ്മദലിയെ വലയിലാക്കുകയായിരുന്നു. പോലീസ് നടത്തിയ ശാസ്ത്രീയ അന്വേഷണത്തിനൊടുവില് ഇരിട്ടിയിലെ ലോഡ്ജില് നിന്നാണ് ഇയാളെ പിടികൂടിയത്.
ജൂണ് 29നാണ് മാനന്തവാടി കെഎസ്ആര്ടിസി ഗാരേജ് റോഡില് വാടക വീട്ടില് മോഷണം നടന്നത്. ക്വാര്ട്ടേഴ്സിലെ മുന്വശത്തെ വാതിലിന്റെ പൂട്ട് പൊളിച്ച് അകത്തു കയറി മേശവലിപ്പില് സൂക്ഷിച്ചിരുന്ന മൂന്നര പവന് തൂക്കമുള്ള മാല പ്രതി മുഹമ്മദലി കവരുകയായിരുന്നു.