19

പു​തി​യ ക​ഴി​വു​ക​ൾ സാ​യ​ത്ത​മാ​ക്കാ​ൻ ഇ​ഷ്ട​പ്പെ​ടു​ന്ന​വ​രു​ടെ കൂ​ട്ട​ത്തി​ലാ​ണ് ന​ടി മ​ഞ്ജു വാ​ര്യ​റും. അ​ഭി​ന​യ​ത്തി​നും നൃ​ത്ത​ത്തി​നു​മൊ​പ്പം ബൈ​ക്ക് റൈ​ഡിം​ഗും മ​ഞ്ജു​വി​ന്‍റെ ഇ​ഷ്ട​ങ്ങ​ളി​ലൊ​ന്നാ​ണ്. ഇ​പ്പോ​ഴി​താ ന​ടി​യു​ടെ കു​തി​ര സ​വാ​രി​യി​ലാ​ണ് പ​രി​ശീ​ല​നം നേ​ടി​യി​രി​ക്കു​ന്ന​ത്.

ആ​ലു​വ ശി​വ​രാ​ത്രി മ​ണ​പ്പു​റ​ത്താ​ണ് താ​രം പ​രി​ശീ​ല​നം ന​ട​ത്തി​യ​ത്. ഏ​ക​ദേ​ശം ഒ​രു മാ​സ​ത്തോ​ളം നീ​ണ്ട പ​രി​ശീ​ല​ന​മാ​യി​രു​ന്നു ന​ട​ത്തി​യ​ത്. ആ​ലു​വ തോ​ട്ട​ക്കാ​ട്ടു​ക​ര ആ​ല​പ്പാ​ട്ട് ജോ​ര്‍​ജ് ഡ​യ​സാ​ണ് മ​ഞ്ജു​വി​ന് കു​തി​ര സ​വാ​രി​യി​ൽ പ​രി​ശീ​ല​നം ന​ൽ​കി​യ​ത്. ജോ​ര്‍​ജി​ന്‍റെ ഉ​ട​മ​സ്ഥ​ത​യി​ലു​ള്ള ലോ​റ​എ​ന്ന പെ​ണ്‍ കു​തി​ര​യി​ലാ​ണ് താ​രം കു​തി​ര സ​വാ​രി പ​ഠി​ച്ച​ത്.

പു​ല​ര്‍​ച്ചെ അ​ഞ്ച് മ​ണി​യോ​ടെ മ​ണ​പ്പു​റ​ത്ത് എ​ത്തി​യി​രു​ന്ന മ​ഞ്ജു എ​ന്നും ര​ണ്ട് മ​ണി​ക്കൂ​റാ​ണ് കു​തി​ര സ​വാ​രി പ​രി​ശീ​ല​നം ന​ട​ത്തി​യ​ത്. ഒ​രാ​ഴ്ച​യ്ക്ക​കം ത​ന്നെ മ​ഞ്ജു കു​തി​ര സ​വാ​രി പ​ഠി​ച്ചെ​ടു​ത്തു​വെ​ന്ന് പ​രി​ശീ​ല​ക​ൻ ജോ​ർ​ജ് പ​റ​യു​ന്നു. തു​ട​ർ​ന്നു​ള്ള ദി​വ​സ​ങ്ങ​ളി​ല്‍ ഒ​റ്റ​യ്ക്ക് സ​വാ​രി ന​ട​ത്തി തു​ട​ങ്ങി.

മ​ണ​പ്പു​റ​ത്ത് തി​ര​ക്കാ​കു​ന്ന​തി​ന് മു​ൻ​പ് ന​ടി പ​ഠ​നം ക​ഴി​ഞ്ഞ് മ​ട​ങ്ങും. എ​റ​ണാ​കു​ള​ത്തെ ഫ്ലാ​റ്റി​ല്‍ നി​ന്നു​മാ​ണ് ആ​ലു​വ​യി​ല്‍ ന​ടി എ​ത്തി​യി​രു​ന്ന​ത്. ജാ​ക്ക​റ്റും തൊ​പ്പി​യും ധ​രി​ച്ച് ബൈ​ക്കി​ല്‍ എ​ത്തു​ന്ന മ​ഞ്ജു​വി​നെ അ​ധി​കം ആ​രും തി​രി​ച്ച​റി​ഞ്ഞി​രു​ന്നി​ല്ല. പ​രി​ശീ​ല​ന ശേ​ഷം ഓ​ൾ​ഡ് ദേ​ശം റോ​ഡി​ലെ ക​ട​ക​ളി​ലെ​ത്തി​യാ​യി​രു​ന്നു ഭ​ക്ഷ​ണം.

ച​ല​ച്ചി​ത്ര​താ​ര​ങ്ങ​ളാ​യ സ​ണ്ണി വെ​യി​ൻ, സി​ജു വി​ൽ​സ​ൺ, നി​ർ​മാ​താ​വ് ബി​നീ​ഷ് ച​ന്ദ്ര​ൻ എ​ന്നി​വ​രും മ​ഞ്ജു​വി​നൊ​പ്പം കു​തി​ര​സ​വാ​രി പ​ഠി​ക്കാ​ൻ മ​ണ​പ്പു​റ​ത്ത് എ​ത്തി​യി​രു​ന്നു. ആ​ലു​വ സ്വ​ദേ​ശി കൂ​ടി​യാ​യ സി​ജു വി​ൽ​സ​ൺ മു​ഖാ​ന്ത​ര​മാ​ണ് മ​ഞ്ജു കു​തി​ര സ​വാ​രി പ​ഠ​ന​ത്തി​ന് ജോ​ർ​ജി​നെ സ​മീ​പി​ച്ച​ത്.

Tags : Manju Warrier Aluva Manappuram horseback riding