28

സം​വി​ധാ​യ​ക​ന്‍ ഹ​രി​ഹ​ര​ന്‍റെ സി​നി​മാ​ജീ​വി​ത​ത്തി​ന്‍റെ തു​ട​ക്ക​കാ​ലം. അ​ദ്ദേ​ഹ​ത്തി​ന്‍റെ നി​ര്‍​ദേ​ശ​ത്തി​ല്‍ രാ​ജ​ഹം​സം എ​ന്ന സി​നി​മ​യ്ക്കു​വേ​ണ്ടി വ​യ​ലാ​ര്‍ രാ​മ​വ​ര്‍​മ ഒ​രു പാ​ട്ടെ​ഴു​തി ന​ല്കു​ന്നു. എ​ന്നാ​ല്‍ സ​ന്ദ​ര്‍​ഭ​ത്തി​നു യോ​ജി​ച്ച രീ​തി​യി​ല്‍ പാ​ട്ട് എ​ത്തി​യി​ട്ടി​ല്ലെ​ന്ന തോ​ന്ന​ല്‍ ഹ​രി​ഹ​ര​നു​ണ്ടാ​യി.

അ​ക്കാ​ല​ത്ത് വ​ള​രെ പ്ര​ശ​സ്ത​നാ​ണ് വ​യ​ലാ​ര്‍. വ​യ​ലാ​റി​നോ​ട് എ​ങ്ങ​നെ​യാ​ണ് ഗാ​നം മാ​റ്റി എ​ഴു​തി ന​ല്കു​ന്ന കാ​ര്യം പ​റ​യു​ന്ന​ത് ? ഹ​രി​ഹ​ര​ന്‍ വി​ഷ​മ​ത്തി​ലാ​യി. ഒ​രു​വി​ധം ധൈ​ര്യം സം​ഭ​രി​ച്ച് വ​യ​ലാ​റി​നോ​ട് പാ​ട്ട് ഒ​ന്ന് മാ​റ്റി ത​രാ​മോ എ​ന്ന് ചോ​ദി​ച്ചു. ഹ​രി​ഹ​ര​ന്‍റെ ആ​വ​ശ്യം വ​യ​ലാ​റി​ന് ആ​ദ്യം ഇ​ഷ്‌​ട​മാ​യി​ല്ല. പാ​ട്ട് മാ​റ്റാം എ​ന്നോ മാ​റ്റി​ല്ലെ​ന്നോ കൃ​ത്യ​മാ​യി പ​റ​യാ​തെ ഫോ​ണ്‍ വ​ച്ചു. എ​ന്താ​വും പ​രി​ണ​ത​ഫ​ലം എ​ന്ന​റി​യാ​തെ ഹ​രി​ഹ​ര​നും ധ​ര്‍​മ​സ​ങ്ക​ട​ത്തി​ലാ​യി.

അ​ടു​ത്ത ദി​വ​സം പു​ല​ര്‍​ച്ചെ മൂ​ന്ന​ര​യ്ക്ക് ഹ​രി​ഹ​ര​ന്‍റെ ലാ​ന്‍​ഡ്ഫോ​ണ്‍ മു​ഴ​ങ്ങി. ഫോ​ണെ​ടു​ത്ത​പ്പോ​ള്‍ മ​റു​ത​ല​യ്ക്ക​ല്‍ വ​യ​ലാ​ര്‍ രാ​മ​വ​ര്‍​മ​യാ​ണ്. ‘പാ​ട്ട് മാ​റ്റി​യി​ട്ടു​ണ്ട്. എ​ഴു​തി എ​ടു​ത്തോ​ള്ളൂ’ എ​ന്ന് വ​യ​ലാ​ര്‍. ഉ​റ​ക്ക​ച്ച​ട​വി​ല്‍ എ​ഴു​ന്നേ​റ്റ് ഹ​രി​ഹ​ര​ന്‍ പേ​ന​യും പേ​പ്പ​റും എ​ടു​ത്തു.... സൗ​മ്യ​ശ​ബ്‌​ദ​ത്തി​ല്‍ വ​യ​ലാ​ര്‍ പ​റ​ഞ്ഞു​തു​ട​ങ്ങി.

’സ​ന്യാ​സി​നീ നി​ന്‍ പു​ണ്യാ​ശ്ര​മ​ത്തി​ല്‍ ഞാ​ന്‍ സ​ന്ധ്യാ​പു​ഷ്പ​വു​മാ​യി വ​ന്നു...’​പാ​ട്ട് പു​രോ​ഗ​മി​ക്കും​തോ​റും ആ​ഹ്ലാ​ദ​വും അ​ഭി​മാ​ന​വും എ​ല്ലാം​കൂ​ടി ഹ​രി​ഹ​ര​ന്‍റെ ക​ണ്ണു​ക​ള്‍ നി​റ​യാ​ന്‍ തു​ട​ങ്ങി. നി​ന്‍റെ മ​ന​സി​ന്‍റെ തീ​ക്ക​ന​ല്‍ ക​ണ്ണി​ല്‍ വീ​ണെ​ന്‍റെ ഈ ​പൂ​ക്ക​ള്‍ ക​രി​ഞ്ഞു...​രാ​ത്രി പ​ക​ലി​നോ​ടെ​ന്ന​പോ​ലെ​യാ​ത്ര ചോ​ദി​പ്പൂ ഞാ​ന്‍...’

വ​യ​ലാ​ര്‍ തു​ട​ര്‍​ന്ന​പ്പോ​ള്‍ ഹ​രി​ഹ​ര​ന്‍റെ ക​ണ്ണു​ക​ള്‍ നി​റ​ഞ്ഞൊ​ഴു​കാ​ന്‍ തു​ട​ങ്ങി.
പാ​ട്ട് മാ​റ്റി​യെ​ഴു​താ​ന്‍ ആ​ദ്യം വൈ​മു​ഖ്യം കാ​ണി​ച്ചു​വെ​ങ്കി​ലും രാ​ജ​ഹം​സ​ത്തി​ലെ പ്രേം​ന​സീ​ര്‍ ജീ​വ​ന്‍ ന​ല്‍​കു​ന്ന ച​ന്ദ്ര​ന്‍ എ​ന്ന ക​ഥാ​പാ​ത്ര​മാ​യി വ​യ​ലാ​ര്‍ മാ​റി​പ്പോ​യ​പ്പോ​ള്‍ സ​ന്യാ​സി​നീ... എ​ന്ന അ​ന​ശ്വ​ര​ഗാ​നം പി​റ​ന്നു.

ഹ​രി​ഹ​ര​ന്‍ ത​ന്നെ പ​റ​ഞ്ഞ ഈ ​ക​ഥ ആ​സ്വാ​ദ​ക​രോ​ട് പ​ങ്കു​വ​ച്ച​ത് ക​വി​യും മു​ന്‍ ചീ​ഫ് സെ​ക്ര​ട്ട​റി​യും തി​രു​വി​താം​കൂ​ര്‍ ദേ​വ​സ്വം ബോ​ര്‍​ഡ് പ്ര​സി​ഡ​ന്‍റു​മാ​യ കെ. ​ജ​യ​കു​മാ​റാ​ണ്. തി​രു​വ​ന​ന്ത​പു​രം സെ​ക്ര​ട്ടേ​റി​യ​റ്റ് പാ​ട്ടു​കൂ​ട്ട​ത്തി​ന്‍റെ പ്ര​തി​മാ​സ പ​രി​പാ​ടി​യാ​യി​രു​ന്നു വേ​ദി. വ​യ​ലാ​റി​ന്‍റെ 50-ാം ഓ​ര്‍​മ​വാ​ര്‍​ഷി​ക​ത്തി​ന്‍റെ ഭാ​ഗ​മാ​യി കെ. ​ജ​യ​കു​മാ​ര്‍ ന​ട​ത്തി​യ പ്ര​ഭാ​ഷ​ണ​പ​ര​മ്പ​ര​യി​ലാ​യി​രു​ന്നു വ​യ​ലാ​റി​ന്‍റെ സ​ര്‍​ഗ​പ്ര​പ​ഞ്ച​ത്തി​ലേ​ക്കു​ള്ള യാ​ത്ര.

1974ല്‍ ​പു​റ​ത്തി​റ​ങ്ങി​യ രാ​ജ​ഹം​സ​ത്തി​നു​വേ​ണ്ടി ഗാ​ന​ഗ​ന്ധ​ര്‍​വ​ന്‍ യേ​ശു​ദാ​സ് പാ​ടി​യ സ​ന്യാ​സി​നീ... എ​ന്ന ഗാ​നം മ​ല​യാ​ള​ത്തി​ലെ തീ​വ്ര പ്ര​ണ​യ​നൊ​മ്പ​ര ഗാ​ന​മാ​യി നി​രൂ​പ​ക​ന്മാ​ര്‍ വി​ല​യി​രു​ത്തു​ന്നു.

ഇ​നി ‘സ​ന്യാ​സി​നി’.... യു​ടെ സം​ഗീ​ത​ത്തി​ലേ​ക്കു ക​ട​ക്കാം. കാ​പി രാ​ഗ​ത്തി​ലാ​ണ് വി​ര​ഹ​ത്തി​ന്‍റെ ക​ന​ല്‍ എ​രി​ഞ്ഞു​നീ​റു​ന്ന ഗാ​നം ജി. ​ദേ​വ​രാ​ജ​ന്‍ എ​ന്ന സം​ഗീ​ത മാ​ന്ത്രി​ക​ന്‍ സൃ​ഷ്ടി​ച്ചി​ട്ടു​ള്ള​ത്. ശോ​കാ​ര്‍​ദ്ര​ത അ​ലി​യു​ന്ന​തും രാ​ത്രി​കാ​ല​ങ്ങ​ളി​ല്‍ പാ​ടാ​ന്‍ യോ​ജി​ച്ച രാ​ഗ​വു​മാ​ണ് കാ​പി. ഹി​ന്ദു​സ്ഥാ​നി സ്പ​ര്‍​ശ​മു​ള്ള ക​ര്‍​ണാ​ട​ക രാ​ഗ​മാ​ണ്.

തു​ട​ക്ക​ത്തി​ല്‍ സ​ന്യാ​സി​നീ എ​ന്ന് പാ​ടി​യ ശേ​ഷം നി​റ​യു​ന്ന ‘ഓ’.... ​എ​ന്ന ഹ​മ്മിം​ഗ് ഉ​ണ്ട്. പ്ര​ണ​യി​നി​യു​ടെ വേ​ര്‍​പാ​ടി​ല്‍ ചു​ട്ടു​പൊ​ള്ളു​ന്ന കാ​മു​ക​ന്‍റെ ഹൃ​ദ​യ​ത്തി​ല്‍ നി​ന്നു​യ​രു​ന്ന തേ​ങ്ങ​ല്‍ പോ​ല​യാ​ണ​ത്.

മൃ​ദു​വാ​ണ് ! എ​ന്നാ​ല്‍ നാ​യ​ക​നി​ല്‍​നി​ന്ന് പാ​ട്ടി​ന്‍റെ ഒ​ടു​വി​ല്‍ ഉ​യ​രു​ന്ന ഹ​മ്മിം​ഗ് ആ​ക​ട്ടെ ദുഃ​ഖ​ത്തി​ന്‍റെ ക​ട​ല​ല​പോ​ലെ ഉ​യ​രു​ന്ന​തു കാ​ണാം. രാ​ത്രി പ​ക​ലി​നോ​ട് എ​ന്ന പോ​ലെ പ്ര​ണ​യി​നി​യോ​ടു യാ​ത്ര പ​റ​യു​ന്ന കാ​മു​ക​ന്‍റെ ആ​ത്മാ​വി​ന്‍റെ നി​ല​വി​ളി​യാ​ണ​ത്!

വ​യ​ലാ​റി​ന്‍റെ ആ​ദ്യ ഭാ​ര്യ ച​ന്ദ്ര​മ​തി ത​മ്പു​രാ​ട്ടി​യു​ടെ ഓ​ര്‍​മ​യി​ല്‍ എ​ഴു​തി​യ ഗാ​നം എ​ന്ന് വി​ശ്വ​സി​ക്കു​ന്ന​വ​രു​ണ്ട്. അ​ടു​ത്ത കാ​ല​ത്താ​യി അ​ങ്ങ​നെ​യ​ല്ല എ​ന്ന വാ​ദ​വും ഉ​യ​ര്‍​ന്നു​വ​രു​ന്നു​ണ്ട്. എ​ന്താ​യാ​ലും ഹ​രി​ഹ​ര​ന് അ​ഭി​മാ​നി​ക്കാം. വ​യ​ലാ​ര്‍ എ​ന്ന ഗ​ന്ധ​ര്‍​വ ക​വി​യെ​ക്കൊ​ണ്ട് ഗാ​നം മാ​റ്റി എ​ഴു​തി​ച്ച​തി​ല്‍. ഒ​രു​പ​ക്ഷേ, കാ​ലം ഹ​രി​ഹ​ര​നെ ഇ​ത്ത​ര​മൊ​രു ദൗ​ത്യ​ത്തി​ന് നി​യോ​ഗി​ച്ച​താ​കാം...

Tags : Vayalar Devarajan Yesudas Hariharan song music news