28

ന്യൂ​ഡ​ൽ​ഹി: പ​രീ​ക്ഷാക്ര​മ​ക്കേ​ടു​ക​ളി​ൽ പ​ങ്കാ​ളി​ക​ളാ​കു​ന്ന​വ​ർ​ക്ക് ക​ടു​ത്ത ശി​ക്ഷ ഉ​റ​പ്പ് ന​ൽ​കു​ന്ന പ​ബ്ലി​ക് എ​ക്സാ​മി​നേ​ഷ​ൻ​സ് (പ്രി​വ​ൻ​ഷ​ൻ ഓ​ഫ് അ​ൺ​ഫെ​യ​ർ മീ​ൻ​സ്) ഭേ​ദ​ഗ​തി ബി​ൽ മ​ന്ത്രി ജി​തേ​ന്ദ്ര സിം​ഗ് ലോ​ക്സ​ഭ​യി​ൽ അ​വ​ത​രി​പ്പി​ച്ചു. എ​ന്നാ​ൽ പ്ര​തി​പ​ക്ഷ ബ​ഹ​ള​ത്തെ തു​ട​ർ​ന്ന് ബി​ല്ലി​ൽ ച​ർ​ച്ച ഉ​ണ്ടാ​യി​ല്ല. സ​ഭാ ന​ട​പ​ടി​ക​ളു​മാ​യി സ​ഹ​ക​രി​ക്കാ​മെ​ന്ന് പ്ര​തി​പ​ക്ഷം വ്യ​ക്ത​മാ​ക്കി​യ​തോ​ടെ ബി​ല്ലി​ൽ ഇ​ന്ന് ച​ർ​ച്ച ന​ട​ക്കും.

പ​രീ​ക്ഷാ ക്ര​മ​ക്കേ​ടി​ൽ വി​ദ്യാ​ർ​ഥി പ്ര​ക്ഷോ​ഭം കേ​ന്ദ്ര സ​ർ​ക്കാ​രി​നെ പ്ര​തി​സ​ന്ധി​യി​ലാ​ക്കി​യ​തോ​ടെ​യാ​ണ് ബി​ൽ അ​വ​ത​രി​പ്പി​ക്കാ​ൻ തീ​രു​മാ​നി​ച്ച​ത്.

ബി​ല്ലി​ലെ പ്ര​ധാ​ന വ്യ​വ​സ്ഥ​ക​ൾ

• പ​രീ​ക്ഷ ക്ര​മ​ക്കേ​ടി​ൽ ഏ​ർ​പ്പെ​ടു​ന്ന വ്യ​ക്തി​ക​ൾ​ക്ക് അ​ഞ്ച് മു​ത​ൽ 10 വ​ർ​ഷം വ​രെ ത​ട​വും 50 ല​ക്ഷം രൂ​പ വ​രെ​യും ശി​ക്ഷ ല​ഭി​ക്കും. നേ​ര​ത്തെ മൂ​ന്നു മു​ത​ൽ അ​ഞ്ച് വ​ർ​ഷം വ​രെ ത​ട​വാ​യി​രു​ന്നു ശി​ക്ഷ.
• ത​ട്ടി​പ്പി​ൽ ഏ​ർ​പ്പെ​ടു​ന്ന സ്ഥാ​പ​ന​ങ്ങ​ൾ​ക്കു​ള്ള പി​ഴ​ത്തു​ക ഒ​രു കോ​ടി​യി​ൽ​നി​ന്ന് അ​ഞ്ച് കോ​ടി രൂ​പ​യാ​യും പ​രീ​ക്ഷാ ന​ട​ത്തി​പ്പി​നു​ള്ള വി​ല​ക്ക് നാ​ല് വ​ർ​ഷ​ത്തി​ൽ നി​ന്ന് എ​ട്ട് വ​ർ​ഷ​മാ​യും വ​ർ​ധി​പ്പി​ച്ചു.
• സ്ഥാ​പ​ന​ങ്ങ​ളു​ടെ ഡ​യ​റ​ക്‌​ട​ർ​മാ​ർ​ക്കോ മു​തി​ർ​ന്ന മാ​നേ​ജ്‌​മെ​ന്‍റി​നോ പ​ങ്കു​ണ്ടെ​ങ്കി​ൽ കു​റ​ഞ്ഞ ശി​ക്ഷ അ​ഞ്ച് വ​ർ​ഷം ത​ട​വാ​ണ്. അ​ഞ്ച് കോ​ടി രൂ​പ പി​ഴ​യും ശി​ക്ഷ ല​ഭി​ക്കും.
• ചോ​ദ്യ പേ​പ്പ​ർ ചോ​ർ​ച്ച ഉ​ൾ​പ്പെ​ടെ​യു​ള്ള സം​ഘ​ടി​ത കു​റ്റ​കൃ​ത്യ​ങ്ങ​ൾ​ക്ക് കു​റ​ഞ്ഞ​ത് ഏ​ഴ് വ​ർ​ഷം ത​ട​വും 10 കോ​ടി രൂ​പ​യി​ൽ കു​റ​യാ​ത്ത പി​ഴ​യും ചു​മ​ത്തും.
• കു​റ്റ​കൃ​ത്യ​ങ്ങ​ൾ വേ​ഗ​ത്തി​ൽ അ​ന്വേ​ഷി​ക്കാ​ൻ കേ​ന്ദ്ര ഏ​ജ​ൻ​സി​ക​ൾ​ക്ക് പു​റ​മെ സ്പെ​ഷ​ൽ ടാ​സ്ക് ഫോ​ഴ്സ് രൂ​പ​വ​ത്ക​രി​ക്കാ​ൻ കേ​ന്ദ്ര സ​ർ​ക്കാ​രി​ന് അ​ധി​കാ​ര​മു​ണ്ടാ​കും. സ്പെ​ഷ​ൽ ടാ​സ്ക് ഫോ​ഴ്സോ മ​റ്റ് ഏ​ജ​ൻ​സി​ക​ളോ അ​ന്വേ​ഷി​ക്കു​ന്ന കേ​സു​ക​ൾ വി​ജ്ഞാ​പ​നം വ​ന്ന് ര​ണ്ട് മാ​സ​ത്തി​ന​കം പൂ​ർ​ത്തി​യാ​ക്ക​ണം.
• വി​ചാ​ര​ണ വേ​ഗ​ത്തി​ലാ​ക്കാ​ൻ എ​ല്ലാ സം​സ്ഥാ​ന​ങ്ങ​ളും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളും ഹൈ​ക്കോ​ട​തി ചീ​ഫ് ജ​സ്റ്റീ​സു​മാ​യി ആ​ലോ​ചി​ച്ച് സെ​ഷ​ൻ​സ് കോ​ട​തി​ക​ളെ സ്പെ​ഷ​ൽ ഫാ​സ്റ്റ് ട്രാ​ക്ക് കോ​ട​തി​ക​ളാ​യി വി​ജ്ഞാ​പ​നം ചെ​യ്യ​ണം. ഈ ​കോ​ട​തി​ക​ളി​ൽ എ​ല്ലാ ദി​വ​സ​വും വി​ചാ​ര​ണ ന​ട​ക്കു​ക​യും കു​റ്റ​പ​ത്രം സ​മ​ർ​പ്പി​ച്ച് മൂ​ന്ന് മാ​സ​ത്തി​ന​കം വി​ചാ​ര​ണ പൂ​ർ​ത്തി​യാ​ക്കി വി​ധി പ​റ​യു​ക​യും വേ​ണം.
• ഫാ​സ്റ്റ് ട്രാ​ക്ക് കോ​ട​തി​യു​ടെ ഉ​ത്ത​ര​വു​ക​ൾ​ക്കെ​തി​രെ​യു​ള്ള അ​പ്പീ​ലു​ക​ൾ ഹൈ​ക്കോ​ട​തി​യി​ലെ ര​ണ്ടം​ഗ ബെ​ഞ്ചാ​ണ് പ​രി​ഗ​ണി​ക്കേ​ണ്ട​ത്. അ​പ്പീ​ൽ സ്വീ​ക​രി​ച്ച് മൂ​ന്നു മാ​സ​ത്തി​ന​കം ഹൈ​ക്കോ​ട​തി തീ​രു​മാ​നം എ​ടു​ക്ക​ണം.
• ജാ​മ്യം സം​ബ​ന്ധി​ച്ച ഉ​ത്ത​ര​വു​ക​ൾ​ക്കെ​തി​രെ 30 ദി​വ​സ​ത്തി​നു​ള്ളി​ൽ ഹൈ​ക്കോ​ട​തി​യെ സ​മീ​പി​ക്കാം. ത​ക്ക​താ​യ കാ​ര​ണ​ങ്ങ​ളു​ണ്ടെ​ങ്കി​ൽ ഇ​ത് പ​ര​മാ​വ​ധി 90 ദി​വ​സം വ​രെ​യാ​കാം. എ​ന്നാ​ൽ 90 ദി​വ​സ​ത്തി​നു ശേ​ഷ​മു​ള്ള അ​പ്പീ​ലു​ക​ൾ സ്വീ​ക​രി​ക്കി​ല്ല.

Tags : Punishment Exam Irregularities Toughened Bill LokSabha Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash