ബംഗളൂരു പൊലിസ് കമ്മിഷണർ സീമാകാന്ത് കുമാർ സിംഗ്
ബംഗളൂരു: പത്തുകോടി രൂപ വിലമതിക്കുന്ന ലഹരിമരുന്നുമായി വിദേശ പൗരനുൾപ്പടെ ആറുപേർ പൊലിസിന്റെ വലയിലായി.
ഗിരിനഗർ, ഹെബ്ബാൽ, വിദ്യാരണ്യപുര എന്നിവിടങ്ങളിലെ കോളജ് വിദ്യാർഥികൾക്കിടയിൽ വില്പന നടത്താൻ കൊണ്ടുവന്ന 5.48 കിലോഗ്രാം സിന്തറ്റിക് ലഹരിമരുന്നാണ് ഇവരുടെ പക്കലുണ്ടായിരുന്നത്.
ഏപ്രിലിൽ ആരംഭിച്ച മയക്കുമരുന്നു വേട്ടയിൽ ഇതുവരെ 161 കോടി രൂപ വിലവരുന്ന, 75 കിലോ എംഡിഎംഎയും 1000 എക്സ്റ്റസി ഗുളികകളും 18.6 ലക്ഷം രൂപയും 43 മൊബൈൽഫോണുകളും പിടിച്ചെടുത്തതായി ബംഗളൂരു പൊലിസ് കമ്മിഷണർ സീമാകാന്ത് കുമാർ സിംഗ് പറഞ്ഞു.
കൂടാതെ നോർത്ത് ഈസ്റ്റ് ഡിവിഷൻ പ്രത്യേക സ്ക്വാഡിന്റെ നേതൃത്വത്തിൽ ഒരുവർഷത്തിനിടെ മുന്നൂറുകോടിയുടെ ലഹരിമരുന്നാണ് പിടികൂടിയതെന്നും കമ്മിഷണർ കൂട്ടിച്ചേർത്തു.
Tags : SixArrested Bengaluru MDMA Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash