പി.ജി. സൽജു
പറവൂർ: ഭാര്യയെ കൊലപ്പെടുത്തിയ കേസിൽ യുവാവിന് ജീവപര്യന്തം തടവ്. ഇടപ്പിള്ളി സൗത്ത് വില്ലേജിൽ വെണ്ണല പുറകേരി വീട്ടിൽ പി.ജി. സൽജുവിനെയാണ് പറവൂർ അഡീഷണൽ ഡിസ്ട്രിക്ട് ആൻഡ് സെഷൻസ് കോടതി 2 ജഡ്ജി ടി.ഡി. ബൈജു ജീവപര്യന്തം തടവിനു ശിക്ഷിച്ചത്. തടവുശിക്ഷയ്ക്കു പുറമെ ഒരു ലക്ഷം രൂപ പിഴയും അടയ്ക്കണം.
2018 ഒക്ടോബർ 11ന് സംശയത്തെത്തുടർന്ന് ഭാര്യയെ കളമശേരി മഞ്ഞുമ്മൽ റോഡിൽ ആറാട്ടുകടവിനു സമീപത്തെ വീട്ടിൽ വച്ചാണ് ഇയാൾ കുത്തിക്കൊലപ്പെടുത്തിയത്.
കളമശേരി സബ് ഇൻസ്പെക്ടർ സി.ബി. പ്രസന്നൻ എഫ്ഐആർ രജിസ്റ്റർ ചെയ്ത കേസിൽ കളമശേരി എസ്ഐ ആന്റണി ജോസഫ് നെറ്റോയാണ് അന്വേഷണം നടത്തിയത്.
കളമശേരി പൊലിസ് ഇൻസ്പെക്ടർ എ. പ്രസാദ് അന്വേഷണം പൂർത്തിയാക്കി കോടതിയിൽ കുറ്റപത്രം സമർപ്പിച്ചു. പ്രോസിക്യൂഷനുവേണ്ടി അഡീഷണൽ പബ്ലിക് പ്രോസിക്യൂട്ടർ അഡ്വ. എം.ബി. ഷാജി, അഡ്വ. എസ്. രാഖി എന്നിവർ കോടതിയിൽ ഹാജരായി.
Tags : LifeImprisonment Wife MurderCase PGSulju Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash