ഇംഗ്ലണ്ടിലെ കേംബ്രിഡ്ജ് സർവകലാശാല ക്യാന്പസിലെ ഗ്രീക്ക് റസ്‌റ്ററന്‍റിൽ മുളപൊട്ടിയ പ്രണയം, പിന്നീട് അതിർത്തിയും ഭാഷയും സംസ്കാരവും മറികടന്ന് അവർ ഒന്നായി. ഇറ്റലിയിലെ ലൂസിയാനയിൽ ജനിച്ചുവളർന്ന എഡ്‌വിഗെ അന്‍റോണിയ അൽബിന മെയ്നോ എന്ന യുവതി, ഇന്ത്യൻ രാഷ്‌ട്രീയത്തെ നിയന്ത്രിക്കുന്ന നെഹ്റു കുടുംബാംഗമായ രാജീവിന്‍റെ വധുവായി ഇന്ത്യയിലേക്കെത്തി. പിന്നീട്, ലോകമറിയുന്ന സോണിയ ഗാന്ധിയായി.

ബി​ലോംഗിം​ഗ്: എ ​ജേ​ർ​ണി ഓ​ഫ് ല​വ്' (Belonging: A Journey of Love) എ​ന്ന തന്‍റെ ആ​ത്മ​ക​ഥ​ പുറത്തിറങ്ങുന്നതിനു മു​ന്നോ​ടി​യാ​യി എ​ക്സി​ൽ പ​ങ്കുവ​ച്ച വീ​ഡി​യോ​യി​ലാ​ണ് സോ​ണി​യ ഗാന്ധി പ്രണയാതുരസ്മരണകൾ പങ്കുവച്ചത്.

കേം​ബ്രി​ഡ്ജി​ലെ ഗ്രീ​ക്ക് റസ്‌റ്ററന്‍റിൽ വ​ച്ചാ​ണു തങ്ങ​ളു​ടെ പ്ര​ണ​യ​യാ​ത്ര ആ​രം​ഭി​ച്ച​തെ​ന്ന് സോണിയ വീഡിയോയിൽ പറയുന്നു. ഇറ്റലിക്കാരിയായ താൻ, തന്‍റെ രാജ്യത്തിന്‍റെ തനതു രുചിക്കൂട്ടുകൾ തേ​ടി​യു​ള്ള അ​ന്വേ​ഷ​ണ​ത്തിനിടെയാണ് ഗ്രീ​ക്ക് റസ്‌റ്ററന്‍റിൽ എത്തിയത്. യൂ​റോ​പ്യ​ൻ, ഇ​ന്ത്യ​ൻ വി​ദ്യാ​ർഥികളുടെ പ്രധാന താവളങ്ങളിലൊന്നായിരുന്നു 'വാ​ഴ്​സി​റ്റി റ​സ്‌റ്ററന്‍റ്.' അവിടെ വച്ചാണ് രാജീവിനെ ആദ്യമായി കാണുന്നത്. സുഹൃത്താണ് അദ്ദേഹത്തെ പരിചയപ്പെടുത്തിയത്. ആ​ദ്യ കാ​ഴ്ച​യി​ൽ​ത്ത​ന്നെ രാ​ജീ​വി​നു തന്നോടു പ്ര​ത്യേ​ക​ അ​ടു​പ്പം തോ​ന്നി​യി​രു​ന്നതായും അ​ദ്ദേ​ഹ​ത്തിന്‍റെ സൗ​മ്യ​ത​യും വ്യ​ക്തി​ത്വ​വും ത​ന്നെ ഏ​റെ ആ​ക​ർ​ഷി​ച്ചെന്നും സോണിയ പറഞ്ഞു.

പിന്നീട്, ‌സു​ഹൃ​ത്തു​ക്ക​ളാ​യ ഇ​രു​വ​രും, ഒ​ന്നി​ച്ചു​ള്ള പാർട്ടികളിലൂടെയും ​യാ​ത്ര​ക​ളി​ലൂ​ടെ​യും കൂ​ടു​ത​ൽ അ​ടു​ക്കു​ക​യാ​യി​രു​ന്നു. 1968 ഫെ​ബ്രു​വ​രി 25-ന് ആ​യി​രു​ന്നു സോണിയ-രാജീവ് വിവാഹം. ര​ണ്ടാം ലോ​ക​മ​ഹാ​യു​ദ്ധ​ത്തി​നുശേ​ഷ​മു​ള്ള ഇ​റ്റ​ലി​യി​ലെ ബാ​ല്യ​കാ​ലം മു​ത​ൽ രാ​ജീ​വു​മാ​യു​ള്ള പ്ര​ണ​യ​വും ഇ​ന്ത്യ​യി​ലേ​ക്കു​ള്ള വ​ര​വും ജീ​വി​ത​ത്തി​ൽ നേ​രി​ടേ​ണ്ടിവ​ന്ന വ​ലി​യ ന​ഷ്ട​ങ്ങ​ളും ഉ​ൾ​ക്കൊ​ള്ളു​ന്ന​താ​ണു തന്‍റെ ആ​ത്മ​ക​ഥ​യെ​ന്ന് വീഡിയോയിൽ തുറന്നു പറയുന്നുണ്ട് സോ​ണി​യ.

നേ​ര​ത്തെ, പ്രസാധകരായ പെ​ൻ​ഗ്വി​ൻ റാ​ൻ​ഡം ഹൗ​സുമായി ഉടലെടുത്ത അ​ഭി​പ്രാ​യ​വ്യ​ത്യാ​സ​ങ്ങ​ൾ പു​സ്ത​ക​ത്തെ വിവാദത്തിലാക്കിയിരുന്നു. ന​രേ​ന്ദ്ര മോ​ദി, ആ​ർ​എ​സ്എ​സ്, ഇ​ന്ത്യ-​ചൈ​ന അ​തി​ർ​ത്തി ത​ർ​ക്കം തു​ട​ങ്ങി​യ വി​ഷ​യ​ങ്ങ​ളിലെ പ​രാ​മ​ർ​ശ​ങ്ങ​ളി​ലാ​യി​രു​ന്നു അ​ഭി​പ്രാ​യ​വ്യ​ത്യാ​സമെന്നു റിപ്പോർട്ടുകൾ പുറത്തുവന്നിരുന്നു. തു​ട​ർ​ന്ന്, ആത്മകഥയുടെ പ്രസിദ്ധീകരണം ഹാ​ർ​പ്പ​ർ കോ​ളി​ൻ​സ് ഏറ്റെടുക്കുകയായിരുന്നു. ലോകം കാത്തിരിക്കുന്ന, ആത്മകഥ ന​വം​ബ​ർ പത്തിനു ​വാ​യ​ന​ക്കാ​രി​ലേ​ക്കെ​ത്തും.

Tags : SoniaGandhi Varsity Restaurant BelongingAJourneyofLove RajivGandhi CambridgeUniversity