24

ചെ​ന്നൈ: കാ​ഞ്ചീ​പു​രം പ​ര​ന്തൂ​രി​ൽ നി​ർ​ദേ​ശി​ച്ചി​രു​ന്ന ര​ണ്ടാ​മ​ത്തെ ചെ​ന്നൈ ഗ്രീ​ൻ​ഫീ​ൽ​ഡ് അ​ന്താ​രാ​ഷ്ട്ര വി​മാ​ന​ത്താ​വ​ള പ​ദ്ധ​തി ഉ​പേ​ക്ഷി​ക്കാ​നു​ള്ള ത​മി​ഴ്‌​നാ​ട് മു​ഖ്യ​മ​ന്ത്രി സി. ​ജോ​സ​ഫ് വി​ജ​യി​യു​ടെ തീ​രു​മാ​ന​ത്തി​നെ​തി​രെ പ്ര​തി​പ​ക്ഷ നേ​താ​വും മു​ൻ മു​ഖ്യ​മ​ന്ത്രി​യു​മാ​യ എം.​കെ. സ്റ്റാ​ലി​ൻ. സ​ർ​ക്കാ​രി​ന്‍റെ ഈ ​നീ​ക്കം സം​സ്ഥാ​ന​ത്തി​ന്‍റെ വി​ക​സ​ന​ത്തെ വ​ർ​ഷ​ങ്ങ​ളോ​ളം പി​ന്നോ​ട്ട​ടി​ക്കു​മെ​ന്നും സ്റ്റാ​ലി​ൻ കു​റ്റ​പ്പെ​ടു​ത്തി.

നി​യ​മ​സ​ഭ​യി​ൽ ച​ട്ടം 110 പ്ര​കാ​രം കൃ​ഷി​ഭൂ​മി​യും ക​ർ​ഷ​ക​രു​ടെ ഉ​പ​ജീ​വ​ന​മാ​ർ​ഗ​വും സം​ര​ക്ഷി​ക്കു​ന്ന​തി​നാ​ണ് പ​ദ്ധ​തി ഉ​പേ​ക്ഷി​ക്കു​ന്ന​തെ​ന്ന് മു​ഖ്യ​മ​ന്ത്രി വി​ജ​യ് അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് വി​ഷ​യ​ത്തി​ൽ ച​ർ​ച്ച​യ്ക്കു​ള്ള അ​നു​വാ​ദം നി​ഷേ​ധി​ച്ച​തി​നെ തു​ട​ർ​ന്ന് ഡി​എം​കെ എം​എ​ൽ​എ​മാ​ർ സ​ഭ​യി​ൽ നി​ന്ന് ഇ​റ​ങ്ങി​പ്പോ​യി. ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ളും പ്രാ​ഥ​മി​കാ​നു​മ​തി​ക​ളും പൂ​ർ​ത്തി​യാ​യ പ​ദ്ധ​തി ഉ​പേ​ക്ഷി​ക്കു​ന്ന​ത് ത​മി​ഴ്‌​നാ​ടി​ന്‍റെ വി​ക​സ​ന ഗ​തി​യെ പ്ര​തി​കൂ​ല​മാ​യി ബാ​ധി​ക്കു​മെ​ന്നും, 1 ട്രി​ല്യ​ൺ ഡോ​ള​ർ സാ​മ്പ​ത്തി​ക ല​ക്ഷ്യം കൈ​വ​രി​ക്കു​ന്ന​തി​ന് ഇ​ത് ത​ട​സ​മാ​കു​മെ​ന്നും സ്റ്റാ​ലി​ൻ ആ​രോ​പി​ച്ചു.

കൃ​ഷി​ഭൂ​മി​യും ജ​ലാ​ശ​യ​ങ്ങ​ളും ന​ശി​പ്പി​ച്ച് വി​മാ​ന​ത്താ​വ​ളം നി​ർ​മി​ക്കി​ല്ലെ​ന്നും, പൊ​തു​ജ​ന​ങ്ങ​ൾ​ക്ക് ആ​ഘാ​തം കു​റ​ഞ്ഞ മ​റ്റ് അ​നു​യോ​ജ്യ​മാ​യ സ്ഥ​ല​ങ്ങ​ൾ ക​ണ്ടു​പി​ടി​ക്കു​മെ​ന്നും മു​ഖ്യ​മ​ന്ത്രി വി​ജ​യ് വ്യ​ക്ത​മാ​ക്കി.  പു​തി​യ വി​മാ​ന​ത്താ​വ​ളം വ​രു​ന്ന​തു​വ​രെ നി​ല​വി​ലു​ള്ള മീ​ന​മ്പാക്കം വി​മാ​ന​ത്താ​വ​ള​ത്തി​ൽ പു​തി​യ ടെ​ർ​മി​ന​ൽ ഉ​ൾ​പ്പെ​ടെ നി​ർ​മി​ച്ച് ശേ​ഷി വ​ർ​ധി​പ്പി​ക്കു​മെ​ന്ന് സ​ർ​ക്കാ​ർ അ​റി​യി​ച്ചു.  

Tags : Vijay TamilNadu  Parandur Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash