17

ന്യൂ​ഡ​ൽ​ഹി: വി​മാ​ന ടി​ക്ക​റ്റ് നി​ര​ക്കി​ലെ അ​നി​യ​ന്ത്രി​ത​മാ​യ വ​ർ​ധ​ന​വ്, സ​ർ​ജ് പ്രൈ​സിം​ഗ്, അ​മി​ത ല​ഗേ​ജ് ചാ​ർ​ജ് എ​ന്നി​വ നി​യ​ന്ത്രി​ക്കു​ന്ന​തി​ൽ സ​ർ​ക്കാ​ർ ഉ​ത്ത​ര​വു​ക​ൾ പാ​ലി​ക്കാ​ത്ത വി​മാ​ന​ക്ക​മ്പ​നി​ക​ളു​ടെ സ​ർ​വീ​സു​ക​ൾ നിർത്തിവെയ്ക്കാൻ നിർദേശിച്ച് സുപ്രീംകോടതി. 

ഇത്തരം വിമാനങ്ങൾ അടിയന്തരമായി നിലത്തിറക്കാനാണ് കോടതി നിർദേശം. ജ​സ്റ്റി​സ് വി​ക്രം നാ​ഥ്, ജ​സ്റ്റി​സ് സ​ന്ദീ​പ് മേ​ത്ത എ​ന്നി​വ​ര​ട​ങ്ങി​യ ബെ​ഞ്ചാ​ണ് യാ​ത്ര​ക്കാ​രു​ടെ പ​രാ​തി​ക​ളി​ൽ ക​ർ​ശ​ന നി​ല​പാ​ട് സ്വീ​ക​രി​ച്ച​ത്. 

വി​മാ​ന ടി​ക്ക​റ്റ് നി​ര​ക്ക് വ​ർ​ധി​പ്പി​ക്കു​ന്ന​തി​നും ടി​ക്ക​റ്റ് റ​ദ്ദാ​ക്ക​ൽ ച​ട്ട​ങ്ങ​ൾ നി​യ​ന്ത്രി​ക്കു​ന്ന​തി​നു​മു​ള്ള അ​ന്തി​മ മാ​ന​ദ​ണ്ഡ​ങ്ങ​ൾ മൂ​ന്ന് ആ​ഴ്ച​യ്ക്കു​ള്ളി​ൽ പൂ​ർ​ത്തി​യാ​ക്കി സ​മ​ർ​പ്പി​ക്കാ​മെ​ന്നാ​ണ് കേ​ന്ദ്ര സ​ർ​ക്കാ​ർ കോ​ട​തി​യെ അ​റി​യി​ച്ചി​ട്ടു​ള്ള​ത്. കേ​ന്ദ്ര​ത്തി​ന് വേ​ണ്ടി ഹാ​ജ​രാ​യ അ​ഡീ​ഷ​ണ​ൽ സോ​ളി​സി​റ്റ​ർ ജ​ന​റ​ൽ ക​ര​ട് ച​ട്ട​ങ്ങ​ൾ സീ​ൽ ചെ​യ്ത ക​വ​റി​ൽ കോ​ട​തി​യി​ൽ സ​മ​ർ​പ്പി​ച്ചു.

സീ​സ​ൺ സ​മ​യ​ങ്ങ​ളി​ലെ​യും ആ​ഘോ​ഷ വേ​ള​ക​ളി​ലെ​യും അ​മി​ത ടി​ക്ക​റ്റ് നി​ര​ക്ക് വ​ർ​ധ​ന​വി​നെ​തി​രെ പൊ​തു​പ്ര​വ​ർ​ത്ത​ക​നാ​യ എ​സ്. ല​ക്ഷ്മീ​നാ​രാ​യ​ണ​ൻ ന​ൽ​കി​യ ഹ​ർ​ജി​യി​ലാ​ണ് സു​പ്രീം കോ​ട​തി​യു​ടെ ഈ ​നി​ർ​ണാ​യ​ക നി​രീ​ക്ഷ​ണം. കേ​സ് സെ​പ്റ്റം​ബ​ർ ഏ​ഴി​ന് വീ​ണ്ടും പ​രി​ഗ​ണി​ക്കും.

Tags : SupremeCourt LatestNews DeepikaNews Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash