11

സൂ​റി​ച്ച്: ഫി​ഫ​യും അം​ഗ അ​സോ​സി​യേ​ഷ​നു​ക​ളും ത​മ്മി​ലു​ള്ള ശീ​ത​യു​ദ്ധം തു​ട​രു​ന്നു. പ്ര​സി​ഡ​ന്‍റ് സ്ഥാ​ന​ത്തു​നി​ന്ന് ജി​യാ​നി ഇ​ന്‍​ഫാ​ന്‍റീ​നോ​യെ പു​റ​ത്താ​ക്കാ​ന്‍ ഗൂ​ഢ​നീ​ക്കം ന​ട​ക്കു​ന്ന​താ​യി ഫി​ഫ ആ​രോ​പി​ച്ച​തി​നു പി​ന്നാ​ലെ ശ​ക്ത​മാ​യ നീ​ക്ക​വു​മാ​യി അം​ഗ​സം​ഘ​ട​ന​ക​ള്‍ രം​ഗ​ത്ത്.

അ​ടു​ത്ത വ​ര്‍​ഷം മാ​ര്‍​ച്ചി​ല്‍ ന​ട​ക്കാ​നി​രി​ക്കു​ന്ന ഫി​ഫ പ്ര​സി​ഡ​ന്‍റ് സ്ഥാ​നം നാ​ലാം ത​വ​ണ​യും മോ​ഹി​ച്ചാ​ണ് ഇ​ന്‍​ഫാ​ന്‍റീ​നോ​യും അ​ദ്ദേ​ഹ​ത്തി​ന്‍റെ ക്യാ​മ്പും. എ​ന്നാ​ല്‍, ലോ​ക​ക​പ്പ് അ​ട​ക്ക​മു​ള്ള ടൂ​ര്‍​ണ​മെ​ന്‍റു​ക​ളി​ലേ​ക്ക് സ്വ​കാ​ര്യ​നി​ക്ഷേ​പം സ്വീ​ക​രി​ക്കാ​നു​ള്ള പ​ദ്ധ​തി പ​രാ​ജ​യ​പ്പെ​ട്ട​തോ​ടെ​യാ​ണ് ഫി​ഫ പ്ര​സി​ഡ​ന്‍റ് ജി​യാ​നി ഇ​ന്‍​ഫാ​ന്‍റീ​നോ​യ്ക്ക് എ​തി​രാ​യ നീ​ക്കം ശ​ക്ത​മാ​യ​ത്. മാ​ര്‍​ച്ചി​ലെ തെ​ര​ഞ്ഞെ​ടു​പ്പി​നു മു​മ്പു​ത​ന്നെ ഇ​ന്‍​ഫാ​ന്‍റീ​നോ​യെ പു​റ​ത്താ​ക്കാ​നു​ള്ള നീ​ക്ക​മാ​ണ് യൂ​റോ​പ്യ​ന്‍ ഫു​ട്‌​ബോ​ള്‍ സം​ഘ​ട​ന​യാ​യ യു​വേ​ഫ​യു​ടെ നേ​തൃ​ത്വ​ത്തി​ല്‍ ന​ട​ക്കു​ന്ന​തെ​ന്ന​താ​ണ് ശ്ര​ദ്ധേ​യം.

തു​റ​ന്ന ക​ത്ത്

യു​വേ​ഫ, കോ​ണ്‍​കാ​കാ​ഫ്, എ​എ​ഫ്‌​സി എ​ന്നീ മൂ​ന്ന് അ​സോ​സി​യേ​ഷ​നു​ക​ള്‍ ഫി​ഫ​യ്ക്കും പ്ര​സി​ഡ​ന്‍റ് ജി​യാ​നി ഇ​ന്‍​ഫാ​ന്‍റീ​നോ​യ്ക്കും തു​റ​ന്ന ക​ത്ത് ന​ല്‍​കി എ​ന്ന​താ​ണ് ഏ​റ്റ​വും ഒ​ടു​വി​ല​ത്തെ സം​ഭ​വ​വി​കാ​സം. പ്ര​സി​ഡ​ന്‍റ് വി​ശ്വാ​സ്യ​ത ന​ഷ്ട​പ്പെ​ടു​ത്തി​യെ​ന്നും രാ​ജി​വ​യ്ക്ക​ണ​മെ​ന്നു​മാ​ണ് ക​ത്തി​ലൂ​ടെ ആ​വ​ശ്യ​പ്പെ​ട്ടി​രി​ക്കു​ന്ന​ത്.

മൊ​റോ​ക്കോ​യി​ലെ റ​ബാ​ത്തി​ല്‍ ക​ഴി​ഞ്ഞ ദി​വ​സം ന​ട​ന്ന ഫി​ഫ എ​ക്‌​സി​ക്യൂ​ട്ടീ​വി​ന്‍റെ അ​ടി​യ​ന്ത​ര യോ​ഗം പ​രാ​മ​ര്‍​ശി​ച്ചാ​ണ് മൂ​ന്നു കോ​ണ്‍​ഫെ​ഡ​റേ​ഷ​നു​ക​ളും വി​മ​ര്‍​ശ​ന​മു​ന്ന​യി​ച്ച​ത്. തെ​ര​ഞ്ഞെ​ടു​ക്ക​പ്പെ​ട്ട കൗ​ണ്‍​സി​ല്‍ അം​ഗ​ങ്ങ​ളെ​യും ദേ​ശീ​യ അ​സോ​സി​യേ​ഷ​നു​ക​ളെ​യും ഒ​ഴി​വാ​ക്കി, ആ​ഭ്യ​ന്ത​ര ത​ല​പ്പ​ത്തു​ള്ള ഉ​ദ്യോ​ഗ​സ്ഥ​രെ മാ​ത്ര​മാ​ണ് ഫി​ഫ യോ​ഗ​ത്തി​ലേ​ക്ക് ക്ഷ​ണി​ച്ച​തെ​ന്നും ചൂ​ണ്ടി​ക്കാ​ണി​ച്ചു.

എ​എ​ഫ്‌​സി, യു​വേ​ഫ, കോ​ണ്‍​കാ​കാ​ഫ് അ​സോ​സി​യേ​ഷ​നു​ക​ള്‍ ഇ​ന്‍​ഫാ​ന്‍റീ​നോ​യ്ക്ക് എ​തി​രേ രം​ഗ​ത്തു​ണ്ടെ​ങ്കി​ലും ലാ​റ്റി​ന​മേ​രി​ക്ക​ന്‍, ആ​ഫ്രി​ക്ക​ന്‍ അ​സോ​സി​യേ​ഷ​നു​ക​ളും കോ​ണ്‍​കാ​കാ​ഫി​ലെ ചി​ല രാ​ജ്യ​ങ്ങ​ളി​ലെ അ​സോ​സി​യേ​ഷ​നു​ക​ളും അ​ദ്ദേ​ഹ​ത്തെ പി​ന്തു​ണ​യ്ക്കു​ന്നു.

Tags : Sports SportsNews Highlights Cold War within FIFA