18

ഒ​രേ​യൊ​രു കിം​ഗ്; കോ​ഹ്‌​ലി. മി​ഡ്-​വി​ക്ക​റ്റി​ലൂ​ടെ​യു​ള്ള പു​ള്‍ ഷോ​ട്ടി​ലൂ​ടെ എ​തി​ര്‍ ബൗ​ള​ര്‍​മാ​രു​ടെ അ​ന്ത​ക​നാ​യ വി​രാ​ട് കോ​ഹ്‌​ലി. ഡ്രൈ​വ്, ഫ്‌​ളി​ക്ക്/​ലെ​ഗ് ഗ്ലാ​ന്‍​സ് തു​ട​ങ്ങി​യ മി​ഡ്-​വി​ക്ക​റ്റ് ഷോ​ട്ടു​ക​ളി​ലൂ​ടെ ഐ​പി​എ​ല്‍ ച​രി​ത്ര​ത്തി​ലേ​ക്ക് റ​ണ്ണൊ​ഴു​ക്കി റോ​യ​ല്‍ ച​ല​ഞ്ചേ​ഴ്‌​സ് ബം​ഗ​ളൂ​രു​വി​ന്‍റെ ഈ ​ഐ​ക്ക​ണ്‍.

മ​ഴ ത​ട​സം നി​ന്ന കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സി​ന് എ​തി​രാ​യ ഐ​പി​എ​ല്‍ ചേ​സിം​ഗി​ലൂ​ടെ, ട്വ​ന്‍റി-20 ക്രി​ക്ക​റ്റ് ക​രി​യ​റി​ല്‍ 10 സെ​ഞ്ചു​റി നേ​ടു​ന്ന ആ​ദ്യ ഇ​ന്ത്യ​ന്‍ താ​രം എ​ന്ന​ത​ട​ക്ക​മു​ള്ള ഒ​രു​പി​ടി റി​ക്കാ​ര്‍​ഡു​ക​ളാ​ണ് സൂ​പ്പ​ര്‍ സ്റ്റാ​ര്‍ വി​രാ​ട് കോ​ഹ്‌​ലി സ്വ​ന്ത​മാ​ക്കി​യ​ത്.

റോ​യ​ല്‍ ച​ല​ഞ്ചേ​ഴ്‌​സ് ബം​ഗ​ളൂ​രു​വി​നാ​യി 60 പ​ന്തി​ല്‍ 11 ഫോ​റും മൂ​ന്നു സി​ക്‌​സും അ​ട​ക്കം 105 റ​ണ്‍​സു​മാ​യി കോ​ഹ്‌​ലി പു​റ​ത്താ​കാ​തെ നി​ന്നു. അ​തോ​ടെ 193 റ​ണ്‍​സ് എ​ന്ന ല​ക്ഷ്യം 20-ാം ഓ​വ​റി​ന്‍റെ ആ​ദ്യ പ​ന്തി​ല്‍ ആ​ര്‍​സി​ബി സ്വ​ന്ത​മാ​ക്കി. ചേ​സിം​ഗ് കിം​ഗി​ന്‍റെ തോ​ളി​ലേ​റി ജ​യ​ത്തി​ലേ​ക്കു​ള്ള യാ​ത്ര​യ്ക്കി​ടെ ന​ഷ്ട​പ്പെ​ട്ട​ത് നാ​ലു വി​ക്ക​റ്റ് മാ​ത്രം. സ്‌​കോ​ര്‍: കോ​ല്‍​ക്ക​ത്ത 20 ഓ​വ​റി​ല്‍ 192/4. ബം​ഗ​ളൂ​രു 19.1 ഓ​വ​റി​ല്‍ 194/4.

ഐ​പി​എ​ല്‍ ച​രി​ത്ര​ത്തി​ല്‍ ചേ​സിം​ഗി​ല്‍ കോ​ഹ്‌​ലി​യു​ടെ മൂ​ന്നാം സെ​ഞ്ചു​റി​യാ​ണ് റാ​യ്പു​രി​ലെ ഷ​ഹീ​ര്‍ വീ​ര്‍ നാ​രാ​യ​ണ്‍ സിം​ഗ് സ്റ്റേ​ഡി​യ​ത്തി​ല്‍ പി​റ​ന്ന​ത്. ഐ​പി​എ​ല്‍ ചേ​സിം​ഗി​ല്‍ ഏ​റ്റ​വും കൂ​ടു​ത​ല്‍ സെ​ഞ്ചു​റി​യി​ല്‍ ഇം​ഗ്ലീ​ഷ് താ​രം ജോ​ബ് ബ​ട്‌‌​ല​റി​ന്‍റെ (3) ഒ​പ്പ​വും കോ​ഹ്‌​ലി എ​ത്തി. ഐ​പി​എ​ല്ലി​ല്‍ കോ​ഹ്‌​ലി​യു​ടെ ഒ​മ്പ​താം സെ​ഞ്ചു​റി​യാ​ണ്. ഐ​പി​എ​ല്ലി​ല്‍ ഏ​റ്റ​വും കൂ​ടു​ത​ല്‍ സെ​ഞ്ചു​റി എ​ന്ന റി​ക്കാ​ര്‍​ഡും കോ​ഹ്‌​ലി​ക്കു സ്വ​ന്തം. ട്വ​ന്‍റി-20 ക​രി​യ​റി​ല്‍ 10-ാമ​ത്തേ​തും. ട്വ​ന്‍റി-20 ക​രി​യ​റി​ല്‍ 10 സെ​ഞ്ചു​റി നേ​ടു​ന്ന ആ​ദ്യ ഇ​ന്ത്യ​ക്കാ​ര​നാ​ണ് വി​രാ​ട് കോ​ഹ്‌​ലി എ​ന്ന​തും ച​രി​ത്രം.

◄പു​ള്‍ ഷോ​ട്ട് പ​വ​ര്‍

105 നോ​ട്ടൗ​ട്ട് എ​ന്ന ഇ​ന്നിം​ഗ്‌​സി​ല്‍ കോ​ഹ്‌​ലി ഏ​റ്റ​വും കൂ​ടു​ത​ല്‍ റ​ണ്‍​സ് നേ​ടി​യ​ത് പു​ള്‍ ഷോ​ട്ടി​ലൂ​ടെ. അ​ടി​ച്ച 11 ഫോ​റി​ല്‍ നാ​ല് ഫോ​റും പു​ള്‍ ഷോ​ട്ട് വ​ഴി, ഒ​രു സി​ക്‌​സും കൂ​ടി ചേ​ര്‍​ത്ത് ആ​കെ 32 റ​ണ്‍​സ് പു​ള്‍ ഷോ​ട്ടി​ലൂ​ടെ കോ​ഹ്‌​ലി നേ​ടി. മി​ഡ്-​വി​ക്ക​റ്റ് ഏ​രി​യ ആ​യി​രു​ന്നു കോ​ഹ്‌​ലി​യു​ടെ ഇ​ഷ്ട ഇ​ടം. ഇ​ന്നിം​ഗ്‌​സി​ലെ 46 റ​ണ്‍​സ് മി​ഡ്-​വി​ക്ക​റ്റി​ലൂ​ടെ കോ​ഹ്‌​ലി സ്വ​ന്ത​മാ​ക്കി. ട്വ​ന്‍റി-20 ക​രി​യ​റി​ല്‍ ഒ​രു ഇ​ന്നിം​ഗ്‌​സി​ല്‍ മി​ഡ്-​വി​ക്ക​റ്റി​ലൂ​ടെ ഇ​ത്ര​യും റ​ണ്‍​സ് കോ​ഹ്‌​ലി ഇ​തു​വ​രെ സ്വ​ന്ത​മാ​ക്കി​യി​ട്ടി​ല്ലെ​ന്ന​തും ച​രി​ത്രം.

തു​ട​രെ ര​ണ്ട് ഇ​ന്നിം​ഗ്‌​സി​ല്‍ പൂ​ജ്യ​ത്തി​നു പു​റ​ത്താ​യ​ശേ​ഷ​മാ​യി​രു​ന്നു കോ​ഹ്‌​ലി​യു​ടെ സെ​ഞ്ചു​റി. ഐ​പി​എ​ല്‍ ച​രി​ത്ര​ത്തി​ല്‍ തു​ട​രെ ര​ണ്ടു ത​വ​ണ ഡ​ക്ക് ആ​യ​ശേ​ഷം സെ​ഞ്ചു​റി നേ​ടു​ന്ന ആ​ദ്യ​താ​ര​മാ​ണ് കോ​ഹ്‌​ലി.

◄അ​തി​വേ​ഗം 14,000

ട്വ​ന്‍റി-20 ക്രി​ക്ക​റ്റ് ച​രി​ത്ര​ത്തി​ല്‍ അ​തി​വേ​ഗം 14,000 റ​ണ്‍​സ് എ​ന്ന റി​ക്കാ​ര്‍​ഡ് സെ​ഞ്ചു​റി ഇ​ന്നിം​ഗ്‌​സി​നി​ടെ വി​രാ​ട് കോ​ഹ്‌​ലി സ്വ​ന്ത​മാ​ക്കി. 409-ാം ഇ​ന്നിം​ഗ്‌​സി​ലാ​ണ് കോ​ഹ്‌​ലി 14,000 ട്വ​ന്‍റി-20 റ​ണ്‍​സ് പി​ന്നി​ട്ട​ത്. 423 ഇ​ന്നിം​ഗ്‌​സി​ല്‍​നി​ന്ന് 14,000 സ്വ​ന്ത​മാ​ക്കി​യ വെ​സ്റ്റ് ഇ​ന്‍​ഡീ​സ് സൂ​പ്പ​ര്‍ താ​രം ക്രി​സ് ഗെ​യ്‌‌​ലി​ന്‍റെ റി​ക്കാ​ര്‍​ഡ് ഇ​തോ​ടെ പി​ന്ത​ള്ള​പ്പെ​ട്ടു.

ട്വ​ന്‍റി-20 ക്രി​ക്ക​റ്റി​ല്‍ 14,000 റ​ണ്‍​സ് എ​ന്ന നാ​ഴി​ക​ക്ക​ല്ല് പി​ന്നി​ടു​ന്ന ആ​ദ്യ ഇ​ന്ത്യ​ന്‍ താ​ര​മാ​ണ് കോ​ഹ്‌​ലി. ലോ​ക ക്രി​ക്ക​റ്റി​ല്‍ ഈ ​നേ​ട്ടം സ്വ​ന്ത​മാ​ക്കു​ന്ന അ​ഞ്ചാ​മ​നും. ട്വ​ന്‍റി-20 ക്രി​ക്ക​റ്റി​ല്‍ ഏ​റ്റ​വും കൂ​ടു​ത​ല്‍ റ​ണ്‍​സ് വെ​സ്റ്റ് ഇ​ന്‍​ഡീ​സി​ന്‍റെ ക്രി​സ് ഗെ​യ്‌‌​ലി​ന്‍റെ പേ​രി​ലാ​ണ്. 463 മ​ത്സ​ര​ങ്ങ​ളി​ലാ​യി 455 ഇ​ന്നിം​ഗ്‌​സി​ല്‍​നി​ന്ന് 14,562 റ​ണ്‍​സാ​ണ് ഗെ​യ്‌‌​ലി​ന്‍റെ സ​മ്പാ​ദ്യം. ഗെ​യ്‌‌​ലി​ന്‍റെ ഈ ​റി​ക്കാ​ര്‍​ഡി​ലേ​ക്ക് 535 റ​ണ്‍​സി​ന്‍റെ അ​ക​ലം മാ​ത്ര​മാ​ണ് കോ​ഹ്‌​ലി​ക്കു​ള്ള​ത്.

◄കോ​ഹ്‌​ലി @ ഐ​പി​എ​ല്‍

ഐ​പി​എ​ല്‍ ച​രി​ത്ര​ത്തി​ല്‍ ഏ​റ്റ​വും കൂ​ടു​ത​ല്‍ മ​ത്സ​രം ക​ളി​ച്ച​തി​ന്‍റെ റി​ക്കാ​ര്‍​ഡും കോ​ഹ്‌​ലി (279) സ്വ​ന്ത​മാ​ക്കി. 278 മ​ത്സ​ര​ങ്ങ​ള്‍ ക​ളി​ച്ച എം.​എ​സ്. ധോ​ണി, രോ​ഹി​ത് ശ​ര്‍​മ എ​ന്നി​വ​രെ​യാ​ണ് കോ​ഹ്‌​ലി പി​ന്ത​ള്ളി​യ​ത്. കോ​ല്‍​ക്ക​ത്ത​യ്ക്ക് എ​തി​രാ​യ സെ​ഞ്ചു​റി​യി​ലൂ​ടെ പ്ലെ​യ​ര്‍ ഓ​ഫ് ദ ​മാ​ച്ച് പു​ര​സ്‌​കാ​ര​വും കോ​ഹ്‌​ലി​ക്കു സ്വ​ന്തം.

ഇ​തോ​ടെ ഐ​പി​എ​ല്‍ ച​രി​ത്ര​ത്തി​ല്‍ ഏ​റ്റ​വും കൂ​ടു​ത​ല്‍ പ്ലെ​യ​ര്‍ ഓ​ഫ് ദ ​മാ​ച്ച് പു​ര​സ്‌​കാ​രം സ്വ​ന്ത​മാ​ക്കു​ന്ന ഇ​ന്ത്യ​ന്‍ താ​രം എ​ന്ന രോ​ഹി​ത് ശ​ര്‍​മ​യു​ടെ (21) റി​ക്കാ​ര്‍​ഡി​ന്‍റെ ഒ​പ്പ​വും കിം​ഗ് കോ​ഹ്‌​ലി എ​ത്തി. എ​ബി ഡി​വി​ല്യേ​ഴ്‌​സ് (25), ക്രി​സ് ഗെ​യ്‌ല്‍ (22) എ​ന്നി​വ​രാ​ണ് ഇ​ക്കാ​ര്യ​ത്തി​ല്‍ കോ​ഹ്‌​ലി​ക്കു മു​ന്നി​ലു​ള്ള​ത്.

Tags : Virat Kohli Twenty20 cricket history IPL