13

മി​ഥു​ന​ത്തി​ലെ മൂ​ലം നാ​ളി​ൽ ച​മ്പ​ക്കു​ളം പ​മ്പ​യാ​റ്റി​ൽ അ​ര​ങ്ങേ​റു​ന്ന മൂ​ലം ജ​ലോ​ത്സ​വം വെ​റു​മൊ​രു വ​ള്ളം​ക​ളി​യ​ല്ല. ഇ​ത് ഒ​രേ​സ​മ​യം പ​ഴ​യ തി​രു​വി​താം​കൂ​റി​ന്‍റെ​യും ആ​ധു​നി​ക കേ​ര​ള​ത്തി​ന്‍റെ​യും ത​ന​ത് ക​ല​യും ക​ലാ​രൂ​പ​വും കാ​യി​ക വി​നോ​ദ​വു​മാ​ണ്. ഒ​രു കാ​ല​ത്തി​ന്‍റെ, സം​സ്‌​കാ​ര​ത്തി​ന്‍റെ, മ​ത​സൗ​ഹാ​ർ​ദ​ത്തി​ന്‍റെ, ബ​ഹു​മാ​ന​ത്തി​ന്‍റെ, ഭ​ക്തി​യു​ടെ എ​ല്ലാം കൂ​ടി​ച്ചേ​ര​ലാ​ണ്. അ​മ്പ​ല​പ്പു​ഴ ക്ഷേ​ത്രം, കു​റി​ച്ചി ക​രി​ങ്കു​ളം ക്ഷേ​ത്രം, ച​മ്പ​ക്കു​ളം ക​ല്ലൂ​ർ​ക്കാ​ട് പ​ള്ളി, ച​മ്പ​ക്കു​ള​ത്തെ മാ​പ്പി​ള​ശേ​രി എ​ന്ന ക്രി​സ്‌​ത്യ​ൻ ത​റ​വാ​ട്, ചെ​മ്പ​ക​പ്പ​ള്ളി എ​ന്ന ഈ​ഴ​വ കു​ടും​ബം എ​ന്നി​വ​യു​മാ​യി ഏ​റെ ബ​ന്ധ​പ്പെ​ട്ടു നി​ല്ക്കു​ന്ന ഒ​ന്ന്.

ആ​ചാ​ര​പ്പെ​രു​മ​യി​ൽ ഇ​ന്നും മു​ന്നി​ട്ടു​നി​ല്ക്കു​ന്ന ഒ​ന്നാ​ണ് മൂ​ലം വ​ള്ളം​ക​ളി. ഇ​രു​പ​താം നൂ​റ്റാ​ണ്ടി​ന്‍റെ പ​കു​തി വ​രെ​യും കേ​ര​ള​ത്തി​ലെ ഏ​ക വ​ള്ളം​ക​ളി മ​ത്സ​രം മൂ​ലം ജ​ലോ​ത്സ​വ​മാ​യി​രു​ന്നു. ഇ​തു​കൂ​ടാ​തെ അ​ന്നു​ണ്ടാ​യി​രു​ന്ന​ത് പ​ള്ളി​യോ​ട​ങ്ങ​ളു​ടെ മ​ത്സ​ര​ങ്ങ​ൾ മാ​ത്രം. കേ​ര​ള​ക്ക​ര​യി​ൽ ഓ​രോ വ​ള്ളം​ക​ളി കാ​ല​വും തു​ട​ങ്ങു​ന്ന​തു മൂ​ലം വ​ള്ളം​ക​ളി​യോ​ടെ​യാ​ണ്.

ച​രി​ത്ര​വും ഐ​തി​ഹ്യ​വും

ച​രി​ത്ര​വും ഐ​തി​ഹ്യ​വും ഒ​ന്നു ചേ​രു​ക​യാ​ണി​വി​ടെ. മി​ഥു​ന​മാ​സ​ത്തി​ലെ മൂ​ലം നാ​ളി​ൽ രാ​വി​ലെ ചെ​മ്പ​ക​ശേ​രി രാ​ജാ​വി​ന​ന്‍റെ പ്ര​തി​നി​ധി​യാ​യ ഒ​രു പാ​ണ​ൻ ക​ല്ലൂ​ർ​ക്കാ​ട് പ​ള്ളി​യു​ടെ തെ​ക്കേ സ​ങ്കീ​ർ​ത്തി​യു​ടെ മു​റ്റ​ത്തു വ​ന്ന് മു​ര​ട​ന​ക്കും. വി​കാ​രി​യു​ടെ ശ്ര​ദ്ധ പി​ടി​ച്ചു​പ​റ്റു​ന്ന പാ​ണ​ൻ പ​റ​യും- "ഇ​ന്ന് ചെ​മ്പ​ക​ശേ​രീ​ത​മ്പു​രാ​ന്‍റെ മൂ​ല​വും കാ​ല​വു​മാ​ണ്, മൂ​ല​ക്കാ​ഴ്ച​യാ​ണ്.' ഇ​ത് കേ​ൾ​ക്കു​ന്ന ക​ല്ലൂ​ർ​ക്കാ​ട്ടെ വി​കാ​രി കൈ​ക്കാ​ര​നെ വി​ളി​ച്ച് പാ​ണ​ന് സ​മ്മാ​നം ന​ല്കാ​ൻ ഏ​ർ​പ്പാ​ടാ​ക്കും.

മൂ​ല​ക്കാ​ഴ്ച ഗം​ഭീ​ര​മാ​ക്കാ​നു​ള്ള നി​ർ​ദേ​ശ​വും ന​ല്കും. രാ​ജാ​വി​ന്‍റെ​യും ക്ഷേ​ത്ര​ത്തി​ന്‍റെ​യും പ്ര​തി​നി​ധി​ക​ൾ താ​മ​സി​യാ​തെ ക​ല്ലൂ​ർ​ക്കാ​ട്ടെ​ത്തും. തു​ട​ർ​ന്ന് ആ​ഘോ​ഷം. അ​തോ​ടെ ഒ​രു നാ​ടി​ന​ന്‍റെ ഒ​രു വ​ർ​ഷ​ത്തെ കാ​ത്തി​രി​പ്പി​നു വി​രാ​മ​മി​ട്ട് മൂ​ല​ക്കാ​ഴ്ച എ​ന്ന മൂ​ലം ജ​ലോ​ത്സ​വം തു​ട​ങ്ങും. ഇ​താ​യി​രു​ന്നു മൂ​ല​ക്കാ​ഴ്ച​യു​ടെ പ​ഴ​യ പ​തി​പ്പി​ന്‍റെ നേ​ർ​ചി​ത്രം. ക​ല്ലൂ​ർ​ക്കാ​ട്ടാ​റ്റി​ലെ (പ​മ്പാ​ന​ദി രേ​ഖ​ക​ളി​ൽ ഇ​ങ്ങ​നെ​യും അ​റി​യ​പ്പെ​ടു​ന്നു) മൂ​ലം ക​ളി​യും ക​ല്ലൂ​ർ​ക്കാ​ട് പ​ള്ളി​യും ത​മ്മി​ലു​ള്ള ബ​ന്ധ​ത്തെ​പ്പ​റ്റി പ​റ​യു​ന്ന​ത് ഇ​പ്ര​കാ​ര​മാ​ണ്.

മൂ​ലം പി​റ​ക്കു​ന്നു

ച​മ്പ​ക്കു​ള​വും കു​ട്ട​നാ​ടും ഉ​ൾ​പ്പെ​ടു​ന്ന ദേ​ശ​ങ്ങ​ൾ ഭ​ര​ണം ന​ട​ത്തി​യി​രു​ന്ന​ത് ചെ​മ്പ​ക​ശേ​രി രാ​ജാ​ക്ക​ൻ​മാ​രാ​യി​രു​ന്നു. കൊ​ല്ല​വ​ർ​ഷം 720ൽ (​ക്രി​സ്തു​വ​ർ​ഷം 1545) ചെ​മ്പ​ക​ശേ​രി രാ​ജ്യം ഭ​രി​ച്ചി​രു​ന്ന പൂ​രാ​ടം തി​രു​നാ​ൾ ദേ​വ​നാ​രാ​യ​ണ​ൻ രാ​ജ​പു​രോ​ഹി​ത​ന്‍റെ ഉ​പ​ദേ​ശ​മ​നു​സ​രി​ച്ച് അ​മ്പ​ല​പ്പു​ഴ​യി​ൽ ഒ​രു ക്ഷേ​ത്രം നി​ർ​മി​ച്ചു. അ​വി​ടെ പ്ര​തി​ഷ്ഠി​ക്കാ​ൻ നി​ശ്ച​യി​ച്ച കൃ​ഷ്ണ​വി​ഗ്ര​ഹം അ​നു​യോ​ജ്യ​മ​ല്ലെ​ന്ന് പ്ര​ശ്ന​വ​ശാ​ൽ തെ​ളി​ഞ്ഞു​വ​ത്രേ. പു​തി​യ വി​ഗ്ര​ഹം നി​ശ്ച​യി​ക്ക​പ്പെ​ട്ട സ​മ​യ​ത്തു​ത​ന്നെ പ്ര​തി​ഷ്ഠി​ക്കു​ക​യും വേ​ണം. തി​ര​ക്കി​ട്ട അ​ന്വേ​ഷ​ണ​ത്തി​നൊ​ടു​വി​ൽ ച​ങ്ങ​നാ​ശേ​രി​ക്കു സ​മീ​പ​മു​ള്ള കു​റി​ച്ചി ക​രിം​കു​ളം ക്ഷേ​ത്ര​ത്തി​ൽ എ​ല്ലാ ല​ക്ഷ​ണ​ങ്ങ​ളും തി​ക​ഞ്ഞൊ​രു കൃ​ഷ്ണ വി​ഗ്ര​ഹ​മു​ണ്ടെ​ന്ന​റി​ഞ്ഞു.

കു​റി​ച്ചി​യി​ലെ വി​ഗ്ര​ഹം ശ്രീ​കൃ​ഷ്ണ​ൻ അ​ർ​ജു​ന​ന് നേ​രി​ട്ടു സ​മ്മാ​നി​ച്ച​താ​ണെ​ന്നാ​യി​രു​ന്നു വി​ശ്വാ​സം. ചെ​മ്പ​ക​ശേ​രി രാ​ജാ​വി​ന്‍റെ സൈ​ന്യം ജ​ല വാ​ഹ​ന​ങ്ങ​ളി​ൽ കു​റി​ച്ചി​യി​ലെ​ത്തി വി​ഗ്ര​ഹം ക​ട​ത്തി​ക്കൊ​ണ്ടു​പോ​ന്നു. പ​മ്പാ​ന​ദി​യി​ലൂ​ടെ ച​മ്പ​ക്കു​ള​ത്ത് എ​ത്തി​യ​പ്പോ​ൾ സ​ന്ധ്യ​മ​യ​ങ്ങി. ഇ​നി​യും പ​ല നാ​ഴി​ക യാ​ത്ര​ചെ​യ്താ​ലേ അ​മ്പ​ല​പ്പു​ഴ​യെ​ത്തൂ. അ​സ​മ​യ​ത്തു​ള്ള യാ​ത്ര അ​പ​ക​ടം വ​രു​ത്തി​വ​യ്ക്കും. പ​ട​നാ​യ​ക​ർ ഒ​രു തീ​രു​മാ​ന​ത്തി​ലെ​ത്തി. വി​ഗ്ര​ഹ​വു​മാ​യു​ള്ള രാ​ത്രി​യാ​ത്ര സു​ര​ക്ഷി​ത​മ​ല്ലാ​ത്ത​തി​നാ​ൽ ച​മ്പ​ക്കു​ള​ത്തെ പു​രാ​ത​ന ക്രി​സ്ത്യ​ൻ ത​റ​വാ​ടാ​യ മാ​പ്പി​ള​ശേ​രി​യി​ൽ വി​ഗ്ര​ഹം ഇ​റ​ക്കി​വ​യ്ക്കാം.

ച​മ്പ​ക്കു​ളം ക​ല്ലൂ​ർ​ക്കാ​ട് പ​ള്ളി ഇ​ട​വ​ക​യി​ൽ​പ്പെ​ട്ട ഒ​ന്നാ​യി​രു​ന്നു മാ​പ്പി​ള​ശേ​രി ത​റ​വാ​ട്. ക​ല്ലൂ​ർ​ക്കാ​ട് പ​ള്ളി​യും ചെ​മ്പ​ക​ശേ​രി രാ​ജ​കു​ടും​ബ​വു​മാ​യി വ​ള​രെ അ​ടു​ത്ത​ബ​ന്ധം നി​ല​നി​ന്നി​രു​ന്ന​തും വി​ഗ്ര​ഹം ഇ​വി​ടെ ഇ​റ​ക്കി സൂ​ക്ഷി​ക്കു​ന്ന​തി​നു​ള്ള ഒ​രു കാ​ര​ണ​മാ​യി​രു​ന്നു.

അ​പ്ര​തീ​ക്ഷി​ത​മാ​യും, അ​ടി​യ​ന്ത​ര​മാ​യും മാ​പ്പി​ള​ശേ​രി ത​റ​വാ​ട്ടി​ൽ ഇ​റ​ക്കി​വ​ച്ച ശ്രീ​കൃ​ഷ്ണ വി​ഗ്ര​ഹ​ത്തി​നു മാ​പ്പി​ള​ശേ​രി കു​ടും​ബ​ത്തി​ലെ കാ​ര​ണ​വ​രാ​യി​രു​ന്ന, രാ​ജാ​വി​ന്‍റെ അ​ടു​ത്ത ആ​ശ്രി​ത​നും, നാ​ട്ടു​പ്ര​മാ​ണി​യു​മാ​യ ഇ​ട്ടി​ത്തൊ​മ്മ​ന്‍റെ നേ​തൃ​ത്വ​ത്തി​ൽ പ്ര​ദോ​ഷം മു​ത​ൽ പ്ര​ഭാ​തം വ​രെ പൂ​ജാ​വി​ധി​പ്ര​കാ​ര​മു​ള്ള സ​ർ​വ​വി​ധ ബ​ഹു​മാ​ന​വും സു​ര​ക്ഷ​യും ന​ല്കി. ഇ​തു ന​ട​ന്ന​ത് കൊ​ല്ല​വ​ർ​ഷം 720 മി​ഥു​ന​മാ​സ​ത്തി​ലെ തൃ​ക്കേ​ട്ട നാ​ളി​ലാ​യി​രു​ന്നു. ഇ​റ​ക്കി​വ​ച്ച​തു​മു​ത​ൽ ഈ ​കു​ടും​ബം വി​ഗ്ര​ഹ​ത്തി​നു​മു​ന്നി​ൽ ഒ​രു വി​ള​ക്ക് ക​ത്തി​ച്ചു​വ​ച്ചി​രു​ന്നു. അ​തി​ന്‍റെ തു​ട​ർ​ച്ച​യാ​യി ഇ​ന്നും ഒ​രു വി​ള​ക്ക് മാ​പ്പി​ള​ശേ​രി​യി​ൽ തെ​ളി​ക്കു​ന്നു.

രാ​ജാ​വ് ച​മ്പ​ക്കു​ള​ത്തേ​ക്ക്

വി​ഗ്ര​ഹ​ത്തി​ന്‍റെ വ​ര​വു പ്ര​തീ​ക്ഷി​ച്ചി​രു​ന്ന രാ​ജാ​വ്, അ​ത് രാ​ത്രി​യി​ൽ സു​ര​ക്ഷി​ത​മാ​യി മാ​പ്പി​ള​ശേ​രി ത​റ​വാ​ട്ടി​ൽ സൂ​ക്ഷി​ക്ക​പ്പെ​ട്ടി​രി​ക്കു​ന്നു എ​ന്ന​റി​ഞ്ഞ​തി​ൽ അ​തീ​വ സ​ന്തു​ഷ്ട​നാ​യി. കാ​ര​ണം കു​റി​ച്ചി​യി​ൽ​നി​ന്ന് ക​ട​ത്തി​ക്കൊ​ണ്ടു​വ​ന്ന വി​ഗ്ര​ഹം തി​രി​ച്ചു​പി​ടി​ക്കാ​ൻ അ​ന്നാ​ട്ടു​കാ​ർ വ​രാ​നു​ള്ള സാ​ധ്യ​ത​യും, അ​തു​പോ​ലെ ത​ന്നെ കൊ​ള്ള​ക്കാ​രു​ടെ ആ​ക്ര​മ​ണ സാ​ധ്യ​ത​യും നി​ല​നി​ന്നി​രു​ന്ന​ത് രാ​ജാ​വി​നെ ആ​ശ​ങ്ക​പ്പെ​ടു​ത്തി​യി​രു​ന്നു. അ​ങ്ങ​നെ​യു​ള്ള സാ​ഹ​ച​ര്യ​ത്തി​ൽ വി​ഗ്ര​ഹം ഒ​രു ക്രൈ​സ്ത​വ ത​റ​വാ​ട്ടി​ൽ ഇ​റ​ക്കി സൂ​ക്ഷി​ക്കു​മെ​ന്ന് ആ​ർ​ക്കും ഒ​രി​ക്ക​ലും ഊ​ഹി​ക്കാ​ൻ പോ​ലു​മാ​വി​ല്ല എ​ന്ന​തും ഇ​വി​ടെ ഇ​റ​ക്കി​വ​യ്ക്കാ​നു​ള്ള ഒ​രു കാ​ര​ണ​മാ​യി​രു​ന്നു.

ശു​ഭ​വാ​ർ​ത്ത ല​ഭി​ച്ച രാ​ജാ​വ് പി​റ്റേ​ന്ന് മൂ​ലം നാ​ളി​ൽ പ​രി​വാ​ര​സ​മേ​തം അ​മ്പ​ല​പ്പു​ഴ​യി​ൽ​നി​ന്ന് ജ​ല​മാ​ർ​ഗം ച​മ്പ​ക്കു​ള​ത്ത് മാ​പ്പി​ള​ശേ​രി ത​റ​വാ​ട്ടി​ലെ​ത്തി. അ​ദ്ദേ​ഹം ഇ​ട്ടി​ത്തൊ​മ്മ​നും കു​ടും​ബാം​ഗ​ങ്ങ​ൾ​ക്കും സ​മ്മാ​ന​ങ്ങ​ൾ ന​ല്കി. വി​ഗ്ര​ഹ​ത്തോ​ടൊ​പ്പം എ​ത്തി​യ​വ​ർ​ക്കും, പ​ട​യാ​ളി​ക​ൾ​ക്കും നാ​ട്ടു​പ്ര​മാ​ണി​ക്ക് ഇ​ണ​ങ്ങും​വി​ധം ഇ​ട്ടി​ത്തൊ​മ്മ​ൻ രാ​ത്രി മു​ത​ൽ രാ​വി​ലെ​വ​രെ സ​ദ്യ ന​ട​ത്തി​യി​രു​ന്നു. അ​ന്ന് പ്ര​മാ​ണി​മാ​ർ ന​ല്കി​യി​രു​ന്ന താം​ബൂ​ല​സ​ദ്യ​യും ഇ​ട്ടി​ത്തൊ​മ്മ​നു ന​ല്കി. ശ്രീ​കൃ​ഷ്ണ​വി​ഗ്ര​ഹം എ​ത്തി​യ​ത​റി​ഞ്ഞ് നി​ര​വ​ധി നാ​ട്ടു​കാ​ർ വ​ലു​തും ചെ​റു​തു​മാ​യ വ​ള്ള​ങ്ങ​ളി​ലും ക​ളി​വ​ള്ള​ങ്ങ​ളി​ലു​മാ​യി രാ​വി​ലെ മാ​പ്പി​ള​ശേ​രി ത​റ​വാ​ട്ടി​ൽ എ​ത്തി​ച്ചേ​ർ​ന്നി​രു​ന്നു.

വി​ധി​പ്ര​കാ​ര​മു​ള്ള പ്ര​ഭാ​ത പൂ​ജ​ക​ൾ​ക്കു ശേ​ഷം രാ​ജാ​വും സം​ഘ​വും വി​ഗ്ര​ഹം​ഏ​റ്റു​വാ​ങ്ങി അ​മ്പ​ല​പ്പു​ഴ​യി​ലേ​ക്കു കൊ​ണ്ടു​പോ​യി. പോ​കും​വ​ഴി ഇ​ട്ടി​ത്തൊ​മ്മ​ന്‍റെ ഇ​ട​വ​ക​യാ​യ ച​മ്പ​ക്കു​ളം ക​ല്ലൂ​ർ​ക്കാ​ട് പ​ള്ളി​ക്ക​ട​വി​ൽ വ​ലി​യ സ്വീ​ക​ര​ണ​മാ​ണ് പ​ള്ളി​ക്കാ​ര്യ​ത്തി​ൽ​നി​ന്ന് ഒ​രു​ക്കി​യ​ത്. മു​ത്തു​ക്കു​ട​യും, ആ​ല​വ​ട്ട​വും, വെ​ഞ്ചാ​മ​ര​വും സ്വീ​ക​ര​ണ​ത്തി​ൽ സ്ഥാ​നം പി​ടി​ച്ചു. ചു​ണ്ട​ൻ വ​ള്ള​ങ്ങ​ളും, ക​ളി​വ​ള്ള​ങ്ങ​ളും ക​ല്ലൂ​ർ​ക്കാ​ട് പ​ള്ളി​ക്ക​ട​വി​ൽ​നി​ന്ന് അ​മ്പ​ല​പ്പു​ഴ​യി​ലേ​ക്കു​ള്ള ഘോ​ഷ​യാ​ത്ര​യി​ൽ പ​ങ്കു​കൊ​ണ്ടു.

മൂ​ലം നാ​ളി​ൽ മാ​പ്പി​ള​ശേ​രി​യി​ൽ​നി​ന്ന് ക​ല്ലൂ​ർ​ക്കാ​ട് പ​ള്ളി​യി​ലെ​ത്തി അ​മ്പ​ല​പ്പു​ഴ ക്ഷേ​ത്ര​ത്തി​ലേ​ക്ക് അ​ന്നു ന​ട​ന്ന വി​ഗ്ര​ഹ​ഘോ​ഷ​യാ​ത്ര​യു​ടെ ഓ​ർ​മ​പു​തു​ക്ക​ലാ​ണ് മാ​പ്പി​ള​ശേ​രി ക​ട​വി​ൽ​നി​ന്നു ച​മ്പ​ക്കു​ളം പ​ള്ളി​ക്ക​ട​വി​ലേ​ക്കു ന​ട​ത്തി​വ​ന്നി​രു​ന്ന വ​ള്ളം​ക​ളി. പി​ന്നീ​ട് മ​ത്സ​ര പ്രാ​ധാ​ന്യം വ​ന്ന​തോ​ടെ വ​ള്ളം​ക​ളി​യു​ടെ സ്റ്റാ​ർ​ട്ടിം​ഗ്, ഫി​നി​ഷിം​ഗ് പോ​യി​ന്‍റു​ക​ളി​ൽ മാ​റ്റം വ​രി​ക​യാ​യി​രു​ന്നു.

ചെ​മ്പ​ക​പ്പ​ള്ളി കു​ടും​ബം

വി​ഗ്ര​ഹം ച​മ്പ​ക്കു​ള​ത്തു​നി​ന്ന് പു​റ​പ്പെ​ട്ട അ​വ​സ​ര​ത്തി​ൽ നാ​ട്ടി​ൽ​നി​ന്ന് നി​ര​വ​ധി ആ​ളു​ക​ളെ​ത്തി വി​വി​ധ വ​സ്തു​ക്ക​ൾ വി​ഗ്ര​ഹ​ത്തി​നു മു​ന്നി​ൽ കാ​ഴ്ച​വ​ച്ചു. ഈ ​കാ​ഴ്ച സാ​ധ​ന​ങ്ങ​ളെ​ല്ലാം അ​മ്പ​ല​പ്പു​ഴ​യ്ക്കു കൊ​ണ്ടു​പോ​യ​ത് ചെ​മ്പ​ക​പ്പ​ള്ളി കു​ടും​ബ​ത്തി​ന്‍റെ വ​ലി​യ വ​ള്ള​ത്തി​ലാ​യി​രു​ന്നു. മു​ന്നേ പോ​യ ജ​ല​വാ​ഹ​ന​ത്തി​ൽ ക​ല്ലൂ​ർ​ക്കാ​ട് പ​ള്ളി​യി​ൽ​നി​ന്നു ന​ല്കി​യ വ​ലി​യ വ​ട​ത്തി​ലാ​ണ് ദേ​ശ​ക്കൊ​ടി കെ​ട്ടി​യി​രു​ന്ന​ത്. അ​ത് കെ​ട്ടി വ​ള്ള​ത്തെ നി​യ​ന്ത്രി​ച്ചി​രു​ന്ന​ത് ച​മ്പ​ക്കു​ളം ചെ​മ്പ​ക​പ്പ​ള്ളി എ​ന്ന ഈ​ഴ​വ കു​ടും​ബ​ത്തി​ലെ മു​തി​ർ​ന്ന അം​ഗ​മാ​യി​രു​ന്നു.

പി​ല്ക്കാ​ല​ത്ത് രാ​ജാ​വ് ക​ല്പി​ച്ച​ത​നു​സ​രി​ച്ച് ദേ​ശ​ക്കൊ​ടി​ക്കു പ​ക​രം ക​ല്ലൂ​ർ​ക്കാ​ട് പ​ള്ളി​യി​ൽ​നി​ന്ന് ന​ല്കു​ന്ന കൊ​ടി​യാ​ണ് ആ​ഘോ​ഷ​മാ​യി ഫി​നി​ഷിം​ഗ് പോ​യി​ന്‍റി​ൽ ഉ​യ​ർ​ത്തി​യി​രു​ന്ന​ത്. അ​തി​ന്‍റെ തു​ട​ർ​ച്ച​യാ​യി ചെ​മ്പ​ക​പ്പ​ള്ളി കു​ടും​ബ​ത്തി​ലെ മു​തി​ർ​ന്ന അം​ഗം മൂ​ലം നാ​ളി​ൽ ക​ല്ലൂ​ർ​ക്കാ​ട്ട് പ​ള്ളി​യി​ലെ​ത്തി കൊ​ടി​യും ക​യ​റും സ്വീ​ക​രി​ച്ച് ഒ​രു വ​ള്ള​ത്തി​ൽ കൊ​ടി ഉ​യ​ർ​ത്തി ഫി​നി​ഷിം​ഗ് പോ​യി​ന്‍റി​ൽ വ​ള്ളം​ക​ളി​യു​ടെ സ​മ​യം മു​ഴു​വ​ൻ ഇ​രി​ക്കു​ന്ന പ​തി​വ് ഇ​ന്നു​മു​ണ്ട്.

മ​ത​സൗ​ഹാ​ർ​ദ​യാ​ത്ര

ഒ​രു ക്രി​സ്ത്യ​ൻ ത​റ​വാ​ട്ടി​ൽ ശ്രീ​കൃ​ഷ്ണ വി​ഗ്ര​ഹം ഇ​റ​ക്കി സു​ര​ക്ഷി​ത​മാ​യി സൂ​ക്ഷി​ക്കു​ന്ന​തി​ന് ക​ല്ലൂ​ർ​ക്കാ​ട് പ​ള്ളി അ​നു​മ​തി ന​ൽ​കു​ന്നു. പി​റ്റേ​ന്നു രാ​വി​ലെ വി​ഗ്ര​ഹം അ​മ്പ​ല​പ്പു​ഴ​യി​ലേ​ക്ക് കൊ​ണ്ടു​പോ​കു​മ്പോ​ൾ നാ​ടു​ഭ​രി​ക്കു​ന്ന രാ​ജാ​വി​ന്‍റെ ദേ​വ​വി​ഗ്ര​ഹ​ത്തി​നു​വേ​ണ്ട ആ​ദ​ര​വും ബ​ഹു​മാ​ന​വും ന​ല്കു​ന്നു. ക​ല്ലൂ​ർ​ക്കാ​ട്ട് ആ​റ്റി​ലൂ​ടെ തെ​ക്കോ​ട്ട് പോ​കു​ന്ന​തി​ന് എ​ല്ലാ​വി​ധ സൗ​ക​ര്യ​ങ്ങ​ളും ജ​ല​വാ​ഹ​ന​ങ്ങ​ളി​ൽ ഒ​രു​ക്കി​ന​ല്കു​ന്നു.

ക​ല്ലൂ​ർ​ക്കാ​ട്ട് പ​ള്ളി​യി​ലെ വി​ശ്വാ​സി​ക​ളി​ൽ പ​ല​രും അ​മ്പ​ല​പ്പു​ഴ വ​രെ വി​ഗ്ര​ഹ​ത്തെ അ​നു​ഗ​മി​ക്കു​ക​യും സു​ര​ക്ഷ ഒ​രു​ക്കു​ക​യും ചെ​യ്യു​ന്നു... ഇ​തെ​ല്ലാം ച​രി​ത്ര​മാ​ണ്. ആ ​കാ​ല​ത്ത് സ​മൂ​ഹ​ത്തി​ൽ ന​സ്രാ​ണി​ക​ൾ​ക്ക് വ​ലി​യ സ്ഥാ​ന​വും പ​ദ​വി​യു​മാ​യി​രു​ന്നു രാ​ജാ​വ് ക​ല്പി​ച്ചു​ന​ല്കി​യി​രു​ന്ന​ത്. അ​ങ്ങ​നെ​യു​ള്ള ഒ​രു വ​ലി​യ കൂ​ട്ടം ആ​ളു​ക​ളെ ഒ​ന്നി​ച്ചു​നി​ർ​ത്തു​ന്ന ക​ല്ലൂ​ർ​ക്കാ​ട് പ​ള്ളി​യു​ടെ സൗ​ഹൃ​ദ​വും സ​ഹ​ക​ര​ണ​വും, ചെ​മ്പ​ക​ശേ​രി രാ​ജാ​ക്ക​ൻ​മാ​രു​ടെ മ​ഹാ​മ​ന​സ്ക​ത​യും ലോ​ക​ത്തി​നു മു​ന്നി​ൽ മ​ത​മൈ​ത്രി​യു​ടെ നേ​ർ​ബിം​ബ​മാ​യി മൂ​ലം ആ​ഘോ​ഷ​ത്തി​ലൂ​ടെ ഉ​യ​ർ​ന്നു​നി​ല്ക്കു​ന്നു.

ശ്രീ​കൃ​ഷ്ണ​ഭ​ഗ​വാ​ൻ ച​മ്പ​ക്കു​ള​ത്ത്

അ​മ്പ​ല​പ്പു​ഴ ദേ​വ​സ്വം അ​ധി​കാ​രി​ക​ളും ചെ​മ്പ​ക​ശേ​രി പി​ൻ​മു​റ​ക്കാ​രും മൂ​ലം നാ​ളി​ൽ രാ​വി​ലെ ക്ഷേ​ത്ര​പൂ​ജ ക​ഴി​ഞ്ഞ് ന​ട​യ​ട​ച്ച് ക​ല്ലൂ​ർ​ക്കാ​ട് പ​ള്ളി​യി​ലും മാ​പ്പി​ള​ശേ​രി ത​റ​വാ​ട്ടി​ലും അ​മ്പ​ല​പ്പു​ഴ പാ​ല്പാ​യ​സ​വും കാ​ണി​ക്ക​യു​മാ​യി എ​ത്തും. ആ ​ച​ട​ങ്ങു​ക​ൾ​ക്കു ശേ​ഷം മാ​ത്ര​മേ കേ​ര​ള​ത്തി​ലെ മ​ത്സ​ര​വ​ള്ളം​ക​ളി​ക​ൾ​ക്ക് ആ​ർ​പ്പു​വി​ളി ഉ​യ​രൂ.

വ​ള്ളം​ക​ളി​ക്കു​ശേ​ഷം രാ​ജ​കു​ടും​ബാം​ഗ​ങ്ങ​ളും ക്ഷേ​ത്ര​ഭാ​ര​വാ​ഹി​ക​ളും തി​രി​കേ​അ​മ്പ​ല​പ്പു​ഴ ക്ഷേ​ത്ര​ത്തി​ലെ​ത്തി​യാ​ണ് ന​ട​തു​റ​ന്ന് വൈ​കു​ന്നേ​ര​ത്തെ പൂ​ജ ആ​രം​ഭി​ക്കു​ന്ന​ത്. ക്ഷേ​ത്ര പ്ര​തി​നി​ധി​ക​ളോ​ടൊ​പ്പം മൂ​ലം നാ​ളി​ൽ അ​മ്പ​ല​പ്പു​ഴ ശ്രീ​കൃ​ഷ്ണ ഭ​ഗ​വാ​ൻ ച​മ്പ​ക്കു​ള​ത്തേ​ക്ക് എ​ഴു​ന്ന​ള്ളു​ന്നു എ​ന്നാ​ണ് വി​ശ്വാ​സം.

ആ​ചാ​ര​ങ്ങ​ൾ തു​ട​രു​ന്നു

വ​ള്ളം​ക​ളി​യു​ടെ ന​ട​ത്തി​പ്പി​ന് ആ​ചാ​ര​വെ​ടി​ക്കു​ള്ള ക​തി​ന​യും വെ​ടി​മ​രു​ന്നും (ആ​ദ്യ​കാ​ല​ത്ത് വ​ള്ള​ങ്ങ​ളു​ടെ മ​ത്സ​രം ആ​രം​ഭി​ച്ചി​രു​ന്ന​ത് ക​തി​ന വെ​ടി മു​ഴ​ക്കം കേ​ട്ടാ​ണ്) ച​മ്പ​ക്കു​ളം ക​ല്ലൂ​ർ​ക്കാ​ട് പ​ള്ളി​യി​ൽ​നി​ന്നാ​ണ് ഇ​പ്പോ​ഴും ന​ല്കി​വ​രു​ന്ന​തെ​ന്ന പ്ര​ത്യേ​ക​ത​യു​മു​ണ്ട്. മൂ​ലം വ​ള്ളം​ക​ളി​യു​ടെ ര​ക്ഷാ​ധി​കാ​രി​ക​ളി​ൽ ഒ​രാ​ൾ ഇ​പ്പോ​ഴും ക​ല്ലൂ​ർ​ക്കാ​ട്ട് പ​ള്ളി വി​കാ​രി ആ​ണ്.

മാ​പ്പി​ള​ശേ​രി ത​റ​വാ​ട്ടി​ൽ ഇ​ന്നും സൂ​ക്ഷി​ക്കു​ന്ന കെ​ടാ​വി​ള​ക്ക് ഒ​രു രാ​ത്രി​യി​ലെ കൃ​ഷ്ണ​വി​ഗ്ര​ഹ സൂ​ക്ഷി​പ്പി​ന്‍റെ കെ​ടാ​ത്ത സ്മാ​ര​ക​മാ​ണ്. അ​തു​പോ​ലെ ചെ​മ്പ​ക​പ്പ​ള്ളി കു​ടും​ബ​ത്തി​ലെ അം​ഗം ഉ​യ​ർ​ത്തു​ന്ന കൊ​ടി​യും സൗ​ഹാ​ർ​ദ​ത്തി​ന്‍റെ വ​ലി​യ മാ​തൃ​ക.

മൂ​ലം ജ​ലോ​ത്സ​വം ഒ​രു നാ​ടി​ന്‍റെ സം​സ്കാ​ര​ത്തി​ന്‍റെ നേ​ർ​ക്കാ​ഴ്ച​യാ​ണ്. അ​ഞ്ചു നൂ​റ്റാ​ണ്ടു​ക​ളാ​യി തു​ട​രു​ന്ന മ​ത​സൗ​ഹാ​ർ​ദ​ത്തി​ന്‍റെ വ​ലി​യ ഉ​ത്സ​വം. ഇ​വി​ടെ അ​മ്പ​ല​പ്പു​ഴ ക്ഷേ​ത്ര​വും ക​ല്ലൂ​ർ​ക്കാ​ട് പ​ള്ളി​യും മാ​പ്പി​ള​ശേ​രി ത​റ​വാ​ടും ചെ​മ്പ​ക​പ്പ​ള്ളി കു​ടും​ബ​വും കു​ട്ട​നാ​ടെ​ന്ന സ്നേ​ഹ​ത്തി​ന്‍റെ വി​ശാ​ല​മാ​യ മൈ​താ​ന​ത്ത് കൈ ​കോ​ർ​ത്തു​നി​ല്ക്കു​ന്നു.

Tags : Sunday DEEPIKA boat race