കാഞ്ഞങ്ങാട്: ടൂറിസ്റ്റ് മിനി ബസ് മതിലിലേക്ക് ഇടിച്ച് കയറി 16 പേര്‍ക്ക് പരിക്കേറ്റു. ഇന്നലെ രാവിലെ 6.45നു ചിത്താരി ചാമുണ്ഡിക്കുന്നിലാണ് അപകടം.
ചാമുണ്ഡിക്കുന്നിലെ അബ്ദുള്‍ റഹ്‌മാന്‍റെ വീട്ടുമതിലും തൊട്ടടുത്ത കടയുടെ മതിലും തകര്‍ന്നു. മലപ്പുറത്ത് നിന്നും മംഗളൂരുവിലേക്ക് ഒരു ചടങ്ങിന് ഭക്ഷണം തയാറാക്കാന്‍ പോവുകയായിരുന്നവര്‍ സഞ്ചരിച്ച ബസാണ് അപകടത്തില്‍പ്പെട്ടത്.
സിനാന്‍ (17), നിയാസ് (17), അശ്മില്‍ (16), അസീസ് (42), സിദ്ദിഖ് (40), സാബിത്ത് (42), ഷൈജല്‍ (42), അസൈന്‍ (62),കമറുദ്ദീന്‍ (42), മുഹമ്മദ് മുന്ന (20), മുഹമ്മദ് അസ്ലം (20), അഷറഫ് (44), അമല്‍ (20), ഫാബിയാസ് (22), അമാദ് സിദാന്‍ (20), ആദില്‍ നിഷാന്‍ (14), ഫാബിത്താസ് (22) അമദ് സിദ്ദാന്‍ (20) എന്നിവര്‍ പരിക്കുകളോടെ അതിഞ്ഞാലിലെ സ്വകാര്യാശുപത്രിയില്‍ ചികിത്സയിലാണ്. ബസില്‍ കുടുങ്ങിയ ഡ്രൈവറെ ഏറെ പണിപ്പെട്ട് നാട്ടുകാരാണ് പുറത്തെടുത്തത്.