അ​പ​ക​ട​ക്കെ​ണി​യൊ​രു​ക്കി അ​ട​യാ​ള​മി​ല്ലാ​ത്ത ഹ​മ്പു​ക​ള്‍
Thursday, April 25, 2024 1:34 AM IST
കാ​ഞ്ഞ​ങ്ങാ​ട്: സം​സ്ഥാ​ന​പാ​ത​യി​ല്‍ നി​ര്‍​മി​ച്ചി​ട്ടു​ള്ള അ​ട​യാ​ള​മി​ല്ലാ​ത്ത ഹ​മ്പു​ക​ള്‍ അ​പ​ക​ട​ക്കെ​ണി​യൊ​രു​ക്കു​ന്നു. പ​ള്ളി​ക്ക​ര റെ​യി​ല്‍​വേ മേ​ല്‍​പാ​ല​ത്തി​ന്‍റെ ടോ​ള്‍ പി​രി​ക്കാ​ന്‍ നേ​ര​ത്തേ ഉ​ണ്ടാ​ക്കി​യ ഹ​മ്പു​ക​ളാ​ണ് ഇ​പ്പോ​ള്‍ വാ​ഹ​ന​യാ​ത്ര​ക്കാ​ര്‍​ക്ക് ഭീ​ഷ​ണി​യാ​യ​ത്. കാ​സ​ര്‍​ഗോ​ഡ്-​കാ​ഞ്ഞ​ങ്ങാ​ട് സം​സ്ഥാ​ന​പാ​ത​യി​ല്‍ അ​ര​ളി​ക്ക​ട്ട ബി​ആ​ര്‍​ഡി​സി ഓ​ഫീ​സി​ന് മു​ന്നി​ലാ​ണ് തി​രി​ച്ച​റി​യാ​ന്‍ ഒ​രു മാ​ര്‍​ഗ​വു​മി​ല്ലാ​ത്ത കു​റെ ഹ​മ്പു​ക​ള്‍ ബാ​ക്കി​യു​ള്ള​ത്.

സം​സ്ഥാ​ന​പാ​ത ഇ​വി​ടെ ര​ണ്ടാ​യി വി​ഭ​ജി​ച്ചി​ട്ടു​ണ്ട്. ഡി​വൈ​ഡ​റി​ന് തെ​ക്കു​ഭാ​ഗ​ത്ത് മൂ​ന്നും വ​ട​ക്കു​വ​ശ​ത്ത് നാ​ലും ഹ​മ്പു​ക​ള്‍ ഇ​പ്പോ​ഴു​ണ്ട്.

മു​ന്‍​പ് ചു​ങ്കം പി​രി​ച്ചി​രു​ന്ന നാ​ളു​ക​ളി​ല്‍ റോ​ഡി​ന്‍റെ ഇ​രു​വ​ശ​ത്തും 12 വീ​തം വ​ര​മ്പു​ക​ള്‍ ഉ​ണ്ടാ​യി​രു​ന്നു. വ​ര്‍​ഷ​ങ്ങ​ള്‍​ക്കു​മു​ന്‍​പ് ഈ ​ടോ​ള്‍​ബൂ​ത്ത് ഒ​ഴി​വാ​ക്കി. അ​തി​ന് പി​ന്നാ​ലെ അ​ധി​കൃ​ത​ര്‍ റോ​ഡി​ന്‍റെ ഒ​രു​വ​ശ​ത്ത് നാ​ലും മ​റു​വ​ശ​ത്തു മൂ​ന്നും ഹ​മ്പു​ക​ള്‍ നി​ല​നി​ര്‍​ത്തി ബാ​ക്കി​യെ​ല്ലാം മ​ണ്ണു​മാ​ന്തി ഉ​പ​യോ​ഗി​ച്ച് നീ​ക്കി. അ​ങ്ങ​നെ​യാ​ണ് ഇ​വി​ടെ വ​ര​മ്പു​ക​ള്‍ അ​വ​ശേ​ഷി​ച്ച​ത്. പാ​ത​യി​ലെ വ​ര​മ്പു​ക​ള്‍ തി​രി​ച്ച​റി​യാ​ന്‍ മ​റ്റി​ട​ങ്ങ​ളി​ല്‍ ഇ​വ​യു​ടെ മു​ക​ളി​ല്‍ വെ​ള്ള​വ​ര​ക​ള്‍ ഇ​ടാ​റു​ണ്ട്. ഹ​മ്പ് എ​ത്തു​ന്ന​തി​ന് മു​ന്‍​പ് വാ​ഹ​ന​യാ​ത്ര​ക്കാ​ര്‍​ക്ക് മു​ന്ന​റി​യി​പ്പ് ന​ല്‍​കാ​ന്‍ ഇ​രു​വ​ശ​ത്തും ബോ​ര്‍​ഡു​ക​ളും സ്ഥാ​പി​ക്കും. ഇ​വി​ടെ അ​തൊ​ന്നു​മി​ല്ല.

ആ​ദ്യ​മാ​യി ഈ ​പാ​ത​യി​ലൂ​ടെ വ​രു​ന്ന​വ​ര്‍ അ​ട​യാ​ള​മി​ല്ലാ​ത്ത ഈ ​ഹ​മ്പു​ക​ളി​ല്‍ ക​യ​റി അ​പ​ക​ട​ത്തി​ല്‍​പ്പെ​ടു​ന്ന​ത് പ​തി​വാ​ണ്. വാ​ഹ​ന​ങ്ങ​ളു​ടെ ആ​ക്‌​സി​ല്‍ പൊ​ട്ടു​ന്ന സം​ഭ​വ​വും ഉ​ണ്ടാ​യി. വ​ര​മ്പു​ക​ള്‍ നീ​ക്കു​ന്നി​ല്ലെ​ങ്കി​ല്‍ മു​ന്ന​റി​യി​പ്പ് സം​വി​ധാ​ന​മെ​ങ്കി​ലും ഏ​ര്‍​പ്പെ​ടു​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Copyright @ 2022 , Rashtra Deepika Ltd.