10

കെ​ടു​തി​ക​ള്‍ കൂടി

കൊ​ച്ചി: ജി​ല്ല​യി​ല്‍ കാ​ല​വ​ര്‍​ഷ​ത്തി​ല്‍ 22 ശ​ത​മാ​ന​ത്തി​ന്‍റെ കു​റ​വ്. ജൂ​ണ്‍ ഒ​ന്നു മു​ത​ല്‍ ഇ​ന്ന​ലെ വ​രെ​യു​ള്ള ക​ണ​ക്കാ​ണി​ത്. ഈ ​കാ​ല​യ​ള​വി​ല്‍ ജി​ല്ല​യി​ല്‍ 1515.3 മി​ല്ലി​മീ​റ്റ​ര്‍ മ​ഴ​യാ​ണ് ല​ഭി​ക്കേ​ണ്ടി​യി​രു​ന്ന​തെങ്കിലും ലഭിച്ചത് 1178.8 മി​ല്ലി​മീ​റ്റ​ര്‍ മ​ഴ​യാ​ണ്. ഇതേ കാ​ല​യ​ള​വി​ല്‍ സം​സ്ഥാ​ന​ത്തും 22 ശ​ത​മാ​ന​ത്തി​ന്‍റെ മ​ഴ​ക്കു​റ​വാണ് രേ​ഖ​പ്പെ​ടു​ത്തിയത്.

മ​ഴ​ കു​റ​വായിരുന്നെങ്കിലും കെ​ടു​തി​ക​ളിൽ വ​ര്‍​ധനയാണ് ഉണ്ടായത്. മ​ണ്ണി​ടി​ച്ചി​ല്‍, വെ​ള്ള​പ്പൊ​ക്കം, കൃ​ഷി​നാ​ശം, വീ​ടു​ക​ളി​ല്‍ വെ​ള്ളം ക​യ​റു​ന്ന​ത് തു​ട​ങ്ങി​യ സം​ഭ​വ​ങ്ങ​ളി​ലാ​ണ് മു​മ്പു​ണ്ടാ​യി​രു​ന്ന​തി​നേ​ക്കാ​ള്‍ ആ​ഘാ​തം വ​ര്‍​ധി​ച്ചി​ട്ടു​ള്ള​ത്. ക​ഴി​ഞ്ഞ ഒ​ന്ന​ര​യാ​ഴ്ച​യ്ക്കി​ടെ പെ​യ്ത മ​ഴ​യി​ല്‍ ജി​ല്ല​യി​ല്‍ ഏ​ഴു വീ​ടു​ക​ള്‍​ക്ക് ഭാ​ഗി​ക​മാ​യും ഒ​രു വീ​ടി​ന് പൂ​ര്‍​ണ​മാ​യും കേ​ടു​പാ​ടു​ക​ള്‍ സം​ഭ​വി​ച്ചു. ആ​ലു​വ താ​ലൂ​ക്കി​ലെ ഒ​രു ക​ട​മു​റി​ക്കും ഭാ​ഗി​ക​മാ​യി നാ​ശ​മു​ണ്ടാ​യി.

വീ​ടു​ക​ള്‍​ പ​ല​തും വെ​ള്ള​ത്തി​ല്‍

തീ​ര​ദേ​ശ​മേ​ഖ​യാ​യ ചെ​ല്ലാ​നം വൈ​പ്പി​ന്‍ മേ​ഖ​ല​ക​ളി​ല്‍ നൂ​റോ​ളം വീ​ടു​ക​ളി​ല്‍ വെ​ള്ളം ക​യ​റി. മ​ഴ കു​റ​ഞ്ഞ സാ​ഹ​ച​ര്യ​ത്തി​ല്‍ ഇ​വ വാ​സ​യോ​ഗ്യ​മാ​യി വ​രു​ന്ന​തേ​യു​ള്ളൂ. ഇ​തി​നു​പു​റ​മേ കൊ​ച്ചി ന​ഗ​ര​ത്തി​നു​ള്ളി​ലെ ജ​ന​വാ​സ മേ​ഖ​ല​ക​ളും വെ​ള്ള​ക്കെ​ട്ടി​ലാ​യി. ജി​ല്ല​യു​ടെ താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ത്തി​ല്‍ മു​ങ്ങി​യ​തോ​ടെ ജ​ന​ജീ​വി​ത​വും ക​ഴി​ഞ്ഞ ര​ണ്ടാ​ഴ്ച​യോ​ള​മാ​യി ദു​രി​ത​ത്തി​ലാ​ണ്. മൂ​വാ​റ്റു​പു​ഴ മേ​ഖ​ല​യി​ല്‍ ജ​ന​വാ​സ കേ​ന്ദ്ര​ങ്ങ​ളി​ല്‍ വെ​ള്ളം ക​യ​റി​യ​ത് വ​ലി​യ നാ​ശ​ന​ഷ്ട​ങ്ങ​ള്‍​ക്കി​ട​യാ​ക്കി. മ​ഴ​യെ​ത്തു​ട​ര്‍​ന്ന് മൂ​വാ​റ്റു​പു​ഴ, കാ​യ​നാ​ട്, ക​ടാ​തി, പേ​ഴ​യ്ക്കാ​പ്പി​ള്ളി, പാ​യി​പ്ര, മേ​ഖ​ക​ളി​ലെ ഏ​താ​നും വീ​ടു​ക​ളും ത​ക​ര്‍​ന്നു.

കൃ​ഷി​നാ​ശം

കി​ഴ​ക്ക​ന്‍ മേ​ഖ​ല​യാ​യ കോ​ത​മം​ഗ​ലം, മൂ​വാ​റ്റു​പു​ഴ എ​ന്നി​വി​ട​ങ്ങ​ളി​ലും ആ​ല​ങ്ങാ​ട്, പെ​രു​മ്പാ​വൂ​ര്‍, ആ​ലു​വ പ്ര​ദേ​ശ​ങ്ങ​ളി​ലു​മാ​ണ് കൃ​ഷി നാ​ശം കൂ​ടു​ത​ൽ. ഇ​തി​ല്‍ ഏ​റ്റ​വു​മ​ധി​കം ദു​രി​തം നേ​രി​ട്ട​ത് കോ​ത​മം​ഗ​ലം മേ​ഖ​ല​യി​ലാ​ണ്.
കോ​ത​മം​ഗ​ലം താ​ലൂ​ക്കി​ല്‍ 20 ല​ക്ഷം രൂ​പ​യു​ടെ കൃ​ഷി​നാ​ശമുണ്ടായി. കോ​ത​മം​ഗ​ലം ബ്ലോ​ക്കി​ലെ ക​വ​ള​ങ്ങാ​ട്, പോ​ത്ത​നി​ക്കാ​ട്, നെ​ല്ലി​ക്കു​ഴി, വാ​ര​പ്പെ​ട്ടി, പൈ​ങ്ങോ​ട്ടു​ര്‍, പ​ല്ലാ​രി​മം​ഗ​ലം എ​ന്നീ പ​ഞ്ചാ​യ​ത്തു​ക​ളി​ലും കോ​ത​മം​ഗ​ലം മു​നി​സി​പ്പാ​ലി​റ്റി​യി​ലു​മാ​ണ് കൃ​ഷി​നാ​ശം ഉ​ണ്ടാ​യ​ത്.

3875 കു​ല​ച്ച എ​ത്ത​വാ​ഴ​ക​ള്‍, 2050 കു​ല​യ്ക്കാ​റാ​യ വാ​ഴ​ക​ള്‍, കാ​യ്ഫ​ല​മു​ള്ള 42 ജാ​തി​ക​ള്‍, 50 ക​മു​കു​ക​ള്‍, 0.8 ഹെ​ക്ട​ര്‍ ക​പ്പ, 0.2 ഹെ​ക്ട​ര്‍ നെ​ല്ല്, 0.8 ഹെ​ക്ട​ര്‍ പ​ച്ച​ക്ക​റി കൃ​ഷി എ​ന്നി​വ​യ്ക്കാ​ണ് മ​ഴ​യി​ല്‍ നാ​ശം സം​ഭ​വി​ച്ചി​ട്ടു​ള്ള​ത്.
52ഓ​ളം ക​ര്‍​ഷ​ക​രാ​ണ് ഇ​തോ​ടെ ദു​രി​ത​ത്തി​ലാ​യ​ത്. ഓ​ണ​വി​പ​ണി മു​ന്നി​ല്‍ക്കണ്ടാ​ണ് പ​ല​രും കൃ​ഷി​യി​റ​ക്കി​യ​ത്. കൃ​ഷി​നാ​ശം സം​ഭ​വി​ച്ച​തോ​ടെ ഭൂ​രി​ഭാ​ഗം ക​ര്‍​ഷ​ക​രും വ​ലി​യ സാ​മ്പ​ത്തി​ക ബാ​ധ്യ​ത​യി​ലാ​യി. മൂ​വാ​റ്റു​പു​ഴ മേ​ഖ​ല​യി​ല്‍ ക​പ്പ​യും വാ​ഴ​യും ഉ​ള്‍​പ്പെ​ടെ​യു​ള്ള കൃ​ഷി​ക​ളും ന​ശി​ച്ചു.

Tags : Nattuvishesham DistrictNews DeepikaNews rainfall