തൊ​ടു​പു​ഴ: ഇ​ട​മ​ല​ക്കു​ടി നി​വാ​സി​ക​ളു​ടെ ദു​രി​ത​ത്തി​ന് അ​റു​തി​യി​ല്ല. അ​ടി​യ​ന്ത​ര ഘ​ട്ട​ങ്ങ​ളി​ല്‍ രോ​ഗി​ക്ക് ചി​കി​ത്സ ല​ഭ്യ​മാ​ക്ക​ണ​മെ​ങ്കി​ല്‍ വാ​ഹ​ന​സൗ​ക​ര്യ​മു​ള്ള സ്ഥ​ല​ത്തേ​ക്ക് കി​ലോ​മീ​റ്റ​റു​ക​ള്‍ മ​ഞ്ച​ലി​ലും മ​റ്റും ചു​മ​ക്കേ​ണ്ട ഗ​തി​കേ​ടാ​ണ് കു​ടി​യി​ലു​ള്ള​വ​ര്‍​ക്ക്. ഇ​ന്ന​ലെ പ​ര​പ്പ​യാ​ര്‍ കു​ടി​യി​ല്‍നി​ന്നു രോ​ഗി​യെ ഏ​ഴു കി​ലോ​മീ​റ്റ​ര്‍ ചു​മ​ന്നാ​ണ് വാ​ഹ​നസൗ​ക​ര്യ​മു​ള്ള കേ​പ്പ​ക്കാ​ട് എ​ത്തി​ച്ച​ത്. അ​വി​ടെനി​ന്നു ജീ​പ്പി​ല്‍ മൂ​ന്നാ​ര്‍ ജ​ന​റ​ല്‍ ആ​ശു​പ​ത്രി​യി​ല്‍ എ​ത്തി​ക്കു​ക​യാ​യി​രു​ന്നു.

ക​ടു​ത്ത പ​നി​യെത്തു​ട​ര്‍​ന്ന് അ​വ​ശ​യാ​യ സു​മ​തി​യെ​യാ​ണ് (40) കു​ടി​നി​വാ​സി​ക​ളു​ടെ നേ​തൃ​ത്വ​ത്തി​ല്‍ ചു​മ​ന്ന് ആ​ശു​പ​ത്രി​യി​ല്‍ എ​ത്തി​ക്കേ​ണ്ടിവ​ന്ന​ത്. ദു​ര്‍​ഘ​ട​പാ​ത​യി​ലൂ​ടെ കൈ​വ​രി​ക​ളോ പാ​ല​ങ്ങ​ളോ ഇ​ല്ലാ​ത്ത തോ​ടു​ക​ളും പു​ഴ​ക​ളും താ​ണ്ടി​യാ​ണ് രോ​ഗി​യെ​യു​മാ​യി എ​ത്തി​യ​ത്. പ​ര​പ്പ​യാ​ര്‍ കു​ടി​യി​ല്‍നി​ന്നു മ​റ്റൊ​രു​കു​ടി​യി​ലേ​ക്ക് പോ​ക​ണ​മെ​ങ്കി​ല്‍ പു​ഴ​യ്ക്കു​കു​റു​കേ പാ​ല​ങ്ങ​ളി​ല്ലാ​ത്ത സ്ഥി​തി​യാ​ണെ​ന്ന് ഇ​വി​ട​ത്തു​കാ​ര്‍ പ​റ​ഞ്ഞു.

ഗു​ഡ​ലാ​ര്‍ കു​ടി​യി​ല്‍നി​ന്നു ദി​വ​സ​ങ്ങ​ള്‍​ക്ക് മു​മ്പ് രോ​ഗി​യെ ചു​മ​ന്ന് ആ​ശു​പ​ത്രി​യി​ല്‍ എ​ത്തി​ച്ചി​രു​ന്നു. ഇ​ട​മ​ല​ക്കു​ടി​യി​ല്‍ നി​ര​വ​ധി കു​ടി​ക​ള്‍ ഉ​ണ്ടെ​ങ്കി​ലും ചു​രു​ങ്ങി​യ കു​ടി​ക​ള്‍​ക്കു മാ​ത്ര​മാ​ണ് ജീ​പ്പ് എ​ത്തു​ന്ന രീ​തി​യി​ല്‍ റോ​ഡു​ള്ള​ത്.

Tags : Nattuvishesham DistrictNews DeepikaNews carried