ശ്രീകണ്ഠാപുരം: ഓപ്പറേഷൻ തൂഫാന്റെ ഭാഗമായി ലഹരി വിരുദ്ധ ദിനത്തോടനുബന്ധിച്ച് ഇന്ന് ലഹരി വിരുദ്ധ സന്ദേശ റാലി സംഘടിപ്പിക്കും. ശ്രീകണ്ഠപുരം പോലീസ്, എക്സൈസ്, സമരിറ്റൻ പാലിയേറ്റീവ് എന്നിവയുടെ നേതൃത്വത്തിലുള്ള സംയുക്തറാലി ഉച്ചയ്ക്ക് രണ്ടിന് ശ്രീകണ്ഠപുരം ഗവ. ഹയർ സെക്കൻഡറി സ്കൂൾ പരിസരത്തുനിന്ന് ബസ്സ്റ്റാൻഡിൽ പൊതുസമ്മേളനത്തോടെ അവസാനിക്കും.
ശ്രീകണ്ഠപുരം പോലീസ് സ്റ്റേഷൻ എസ്എച്ച്ഒ, എം.വി. വിഷ്ണുപ്രസാദ് സന്ദേശറാലി ഫ്ലാഗ് ഓഫ് ചെയ്യും.
ശ്രീകണ്ഠപുരം നഗരസഭാചെയർപേഴ്സൺ ഇ.വി. രാമകൃഷ്ണൻ ടൗൺസ്ക്വയറിൽ നടക്കുന്ന പൊതുസമ്മേളനം ഉദ്ഘാടനം ചെയ്യും. ശ്രീകണ്ഠപുരത്തെയും പരിസരപ്രദേശങ്ങളിലും വിദ്യാഭ്യാസ സ്ഥാപനങ്ങൾ, ശ്രീകണ്ഠപുരത്തെ വിവിധ തൊഴിലാളി സംഘടനകൾ, ഓട്ടോറിക്ഷ തൊഴിലാളി യൂണിയൻ, ശ്രീകണ്ഠപുരം എക്സ് സർവീസ് മെൻ ഫോറം, വ്യാപാരിവ്യവസായി ഏകോപന സമിതി എന്നിവർക്കൊപ്പം പൊതുജനങ്ങളും സന്ദേശ റാലിയുടെ ഭാഗമാകും.
Tags : Anti-Lahari Nattuvishesham Districte news