വെള്ളൂർ: പമ്പ് ഹൗസിലെ മോട്ടോർ കത്തിനശിച്ചു. ഇന്നലെ വൈകുന്നേരം ആറോടെയായിരുന്നു സംഭവം. മോട്ടോർ പ്രവർത്തനരഹിതമായത് നിയോജക മണ്ഡലത്തിലെ ഏഴ് പഞ്ചായത്തുകളിലെയും വൈക്കം നഗരസഭയിലെയും കുടിവെള്ള വിതരണത്തെ പ്രതികൂലമായി ബാധിക്കും.
180 എച്ച്പിയുടെ നാലു മോട്ടോറുകൾ ഉപയോഗിച്ചാണ് വെട്ടിക്കാട്ടുമുക്കിലെ ഓവർ ഹെഡ് ടാങ്കിലേക്ക് വെള്ളം പമ്പ് ചെയ്തിരുന്നത്. ഇതിൽ മൂന്ന് മോട്ടോറുകൾ മാത്രമാണ് നിലവിൽ പ്രവർത്തിച്ചിരുന്നത്. ഇന്നലെ ഒരു മോട്ടോർകൂടി കത്തിയതോടെ ഇനി രണ്ടു മോട്ടോറുകൾ മാത്രമെ പമ്പിംഗിന് അവശേഷിക്കുന്നുള്ളൂ.
Tags : Local News Nattuvishesham Kottayam