വാടാനപ്പള്ളി: തൃത്തല്ലൂർ സെന്ററിലെ ഓട്ടോറിക്ഷാ ഡ്രൈവർ ജാബിർ തന്റെ ഓട്ടോറിക്ഷയിലെ കഴിഞ്ഞ ആറുമാസത്തെ മടക്കയാത്രയിലൂടെ കിട്ടിയ വരുമാനം അജീഷ് ചികിത്സാ സഹായനിധിയിലേക്ക് കൈമാറി.
കണ്ടശാംകടവ് താനാപാടം കുറുപ്പൻവീട്ടിൽ ഷൺമുഖൻ മകൻ അജീഷിന്റെ(30)ചികിത്സാസഹായനിധിയിലേക്കാണ് തുക കൈമാറിയത്. ജയേഷ് തൃശൂർ ചടങ്ങ് ഉദ്ഘാടനംചെയ്തു. ചികിത്സാസഹായ സമിതി അംഗങ്ങളായ തോമസ് തോട്ടുങ്ങൽ, വിനീത് പാറമേൽ, ജോയ്മോൻ പള്ളിക്കുന്നത്ത്, രാജു വളപ്പില, ആതിര ജയേഷ്, പ്രതാപൻ വാലത്ത്, സാബിർ വാടാനപ്പള്ളി, ആനന്ദൻ ചക്കാലപ്പുറത്ത് എന്നിവർ പങ്കെടുത്തു.