തൃശൂർ: സംസ്ഥാനത്തെ മുഴുവൻ കെഎസ്ആർടിസി ബസുകളിലും സ്ത്രീകൾക്കു സൗജന്യയാത്ര എന്ന വാഗ്ദാനം നടപ്പാക്കാതെ യുഡിഎഫ് സർക്കാർ സ്ത്രീകളെ വഞ്ചിച്ചെന്ന് ബിജെപി സംസ്ഥാന വൈസ് പ്രസിഡന്റ് അഡ്വ.കെ.കെ. അനീഷ്കുമാർ. സൗജന്യയാത്ര നടപ്പാക്കിയ ദിനം വഞ്ചനാദിനമാണെന്നും അദ്ദേഹം ആരോപിച്ചു. ബിജെപി സിറ്റി ജില്ലാ കമ്മിറ്റിയുടെ നേതൃത്വത്തിൽ തൃശൂർ കെഎസ്ആർടിസി ബസ് സ്റ്റാൻഡിലേക്കു സംഘടിപ്പിച്ച പ്രതിഷേധ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് ജസ്റ്റിൻ ജേക്കബ് അധ്യക്ഷത വഹിച്ചു. മഹിളാമോർച്ച ജില്ലാ പ്രസിഡന്റ് ശീതൾ രാജ, ജില്ലാ ജനറൽ സെക്രട്ടറിമാരായ അഡ്വ.കെ.ആർ. ഹരി, സുജയ് സേനൻ, ജില്ലാ വൈസ് പ്രസിഡന്റുമാരായ സുധീഷ് മേനോത്തുപറന്പിൽ, പൂർണിമ സുരേഷ്, സൗമ്യ സലേഷ്, മഹിളാമോർച്ച സംസ്ഥാന വൈസ് പ്രസിഡന്റ് മിനി അനിൽകുമാർ, മേഖലാ വൈസ് പ്രസിഡന്റ് ബിജോയ് തോമസ്, ജില്ലാ സെക്രട്ടറിമാരായ ജാൻസി, കെ.ജി. നിജി , സബീഷ് മരുതയൂർ എന്നിവർ പ്രസംഗിച്ചു. കൗണ്സിലർമാരായ രഘുനാഥ് സി. മേനോൻ, വിൻഷി അരുൺ, പദ്മിനി ഷാജി, മണ്ഡലം പ്രസിഡന്റ് വിബിൻ ഐനിക്കുന്നത്ത്, മഹിളാമോർച്ച സംസ്ഥാന സെക്രട്ടറി സീന ശശി, ഉദയ വേണുഗോപാൽ, ജ്യോതിലക്ഷ്മി എന്നിവർ മാർച്ചിനു നേതൃത്വംനൽകി.
Tags : BJP celebrates Nattuvishesham District News