10

നെ​ടു​ങ്ക​ണ്ടം: കാ​റി​നെ ബ​സ് ഓ​വ​ർ​ടേ​ക്ക് ചെ​യ്ത​തി​നെ​ച്ചൊ​ല്ലി ബ​സ് ജീ​വ​ന​ക്കാ​രെ സം​ഘം ചേ​ർ​ന്നു മ​ർ​ദി​ച്ച​താ​യി പ​രാ​തി. കൈ​ലാ​സം–​മാ​വ​ടി–​നെ​ടു​ങ്ക​ണ്ടം റൂ​ട്ടി​ൽ സ​ർ​വീ​സ് ന​ട​ത്തു​ന്ന ആ​ശ്ര​യ ബ​സി​ന്‍റെ ഡ്രൈ​വ​ർ ര​ൺ​ജി​ഷ്, ക​ണ്ട​ക്ട​ർ മോ​ൻ​സ് എ​ന്നി​വ​ർ​ക്കാ​ണ് മ​ർ​ദ​ന​മേ​റ്റ​ത്. ഞാ​യ​റാ​ഴ്ച വൈ​കു​ന്നേ​രം അ​ഞ്ചോ​ടെ ക​ൽ​ക്കൂ​ന്ത​ൽ ഭാ​ഗ​ത്തു​വ​ച്ച് ബ​സ് കാ​റി​നെ ഓ​വ​ർ​ടേ​ക്ക് ചെ​യ്ത​താ​ണ് പ്ര​കോ​പ​ന​ത്തി​ന് കാ​ര​ണ​മെ​ന്നാ​ണ് പ​രാ​തി.

​ബ​സ് നെ​ടു​ങ്ക​ണ്ടം പ്രൈ​വ​റ്റ് ബ​സ് സ്റ്റാ​ൻ​ഡി​ലെ​ത്തി​യ​പ്പോ​ൾ കാ​റു​മാ​യി എ​ത്തി​യ സം​ഘം അ​സ​ഭ്യം പ​റ​ഞ്ഞ് ര​ൺ​ജി​ഷി​നെ മ​ർ​ദി​ച്ചു. ക​ണ്ണി​ൽ ഇ​ടി​ക്കു​ക​യും അ​ടി​ക്കു​ക​യും ച​വി​ട്ടു​ക​യും ചെ​യ്ത​താ​യും പ​രാ​തി​യു​ണ്ട്. മ​ർ​ദ​നം ത​ട​യാ​നെ​ത്തി​യ മോ​ൻ​സി​നെ​യും സം​ഘം ത​ട​ഞ്ഞു​വ​ച്ച് മ​ർ​ദി​ക്കു​ക​യും കൊ​ല്ലു​മെ​ന്നു ഭീ​ഷ​ണി​പ്പെ​ടു​ത്തു​ക​യും ചെ​യ്ത​താ​യും പ​റ​യു​ന്നു.
പ​രി​ക്കേ​റ്റ ഇ​രു​വ​രെ​യും നെ​ടു​ങ്ക​ണ്ടം താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ജീ​വ​ന​ക്കാ​ർ ചി​കി​ത്സ​യി​ലാ​യ​തി​നെ​ത്തു​ട​ർ​ന്ന് ബ​സ് സ​ർ​വീ​സ് മു​ട​ങ്ങി. നെ​ടു​ങ്ക​ണ്ട​ത്തു​നി​ന്ന് മാ​വ​ടി​യി​ലേ​ക്കു​ള്ള ഏ​ക ബ​സ് സ​ർ​വീ​സാ​ണി​ത്. സം​ഭ​വ​ത്തി​ൽ ക​ണ്ടാ​ൽ അ​റി​യാ​വു​ന്ന ഏ​ഴു പേ​ർ​ക്കെ​തി​രേ നെ​ടു​ങ്ക​ണ്ടം പൊ​ലി​സ് കേ​സെ​ടു​ത്തു. മാ​വ​ടി​യി​ലെ പൊ​തു ഗ​താ​ഗ​ത സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യെ​ത്തു​ട​ർ​ന്ന് നാ​ട്ടു​കാ​രു​ടെ നേ​തൃ​ത്വ​ത്തി​ലാ​ണ് 2014ൽ ​ആ​ശ്ര​യ ചാ​രി​റ്റ​ബി​ൾ ട്ര​സ്റ്റി​ന്‍റെ കീ​ഴി​ൽ ബ​സ് സ​ർ​വീ​സ് ആ​രം​ഭി​ച്ച​ത്.

Tags : NattuVishasham DistrictNews