കുളത്തൂപ്പുഴ: കുളത്തൂപ്പുഴ സെൻട്രൽ ജംഗ്ഷനിൽ വസ്ത്ര വ്യാപാരശാലകളുടെ ബോർഡുകളും ഷീറ്റുകളും തകർന്ന് ഫുട്പാത്തിൽ പതിച്ചു. മഴ പെയ്യുന്ന സമയമായിരുന്നു അപകടം സംഭവിച്ചത്. അപകട സമയത്ത് ഫുട്പാത്തിൽ കൂടി കാൽനടയത്രക്കാർ ഇല്ലാത്തതുകാരണം വൻ അപകടമാണ് ഒഴിവായത് .
വർഷങ്ങൾ പഴക്കമുള്ള കെട്ടിടങ്ങളാണ് പ്രദേശത്തുള്ളത്. കാലപ്പഴക്കം ചെന്ന കെട്ടിടം പൊളിച്ചു നീക്കം ചെയ്യാൻ ഇനിയും നടപടിയില്ല. കാൽനട യാത്രക്കാർ ഈ ഫുട്പാത്ത് വഴിയാണ് കെഎസ്ആർടിസി സ്റ്റാൻഡ് ഭാഗത്തേക്കും വിദ്യാർഥികൾ സ്കൂൾ-കോളജുകളിലേക്കും യാത്ര ചെയ്യുന്നത് . ഫുട്പാത്തിലെ വ്യാപാരികളുടെ ഈ നിർമാ പ്രവർത്തനങ്ങൾക്കെതിരെ പലപ്രാവശ്യവും കാൽനട യാത്രക്കാർ പരാതി നൽകിയിട്ടും പഞ്ചായത്ത് അധികാരികൾ നടപടി ഒന്നും കൈക്കൊള്ളുന്നില്ല എന്നാണ് നാട്ടുകാരുടെ പരാതി .