അമ്പലപ്പുഴ: 23 വർഷങ്ങൾക്കു ശേഷം അമ്പലപ്പുഴയിൽ വീണ്ടും സിനിമയുടെ വസന്തം. ഇരട്ടക്കുളങ്ങര പോസ്റ്റ്ഓഫീസ് റോഡിനു കിഴക്ക് വീബീസ് എന്ന പേരിലാണ് മൾട്ടിപർപ്പസ് തിയറ്റർ ആരംഭിക്കുന്നത്. രണ്ട് സ്ക്രീനാണ് തിയറ്ററിലുള്ളത്. ഒന്നാമത്തെ സ്ക്രീനിൽ 7.5 ഡോൾബി സൗണ്ട് ശബ്ദ സംവിധാനവും ലേസർ പ്രൊജക്ടറുമാണുള്ളത്. ഒന്നാം സ്ക്രീനിൽ 104 ഉം രണ്ടാമത്തെ സ്ക്രീനിൽ 154 ഉം സീറ്റുകളുണ്ട്.
ഇന്നു രാവിലെ ഒൻപതിന് മന്ത്രി എം. ലിജു ഉദ്ഘാടനം നിർവഹിക്കും. തുടർന്ന് പത്തിന് ദൃശ്യം മൂന്ന്, ബ്ലാസ്റ്റ് എന്നീ സിനിമകളുടെ പ്രദർശനമുണ്ടാകുമെന്ന് മാനേജിംഗ് ഡയറക്ടർ അനി വിജയൻ പറഞ്ഞു.